14, జులై 2012, శనివారం

సమస్యాపూరణం -762 (చెడువానిం గొలువ సిరులు)

కవిమిత్రులారా,

ఈరోజు పూరింపవలసిన సమస్య ఇది...

చెడువానిం గొలువ సిరులు చేకుఱు మనకున్.

ఈ సమస్యను సూచించిన కవిమిత్రునకు ధన్యవాదాలు.

22 వ్యాఖ్యలు:

  1. అడిగిన కోర్కెలు దీర్చుచు
    సడి సేయక దా పరుగున చనుదెంచు, సదా
    పడగల వానిపై శయనిం
    చెడువానిం గొలువ సిరులు చేకుఱు మనకున్.

    ప్రత్యుత్తరంతొలగించు
  2. చెడు తలపులు నిర్మూలిం
    చెడు వానిన్ సంతతమ్ము శ్రేయమ్ములు గూ
    ర్చెడు వానిన్ భక్తుల బ్రో
    చెడు వానిన్ గొలువ సిరులు చేకురు మనకున్

    ప్రత్యుత్తరంతొలగించు
  3. శ్రీ నేమాని గురువర్యులకు నమస్సులు.

    ఒక్క "చెడు" కాదు, నాలుగు "చెడు"లు. భ్రహ్మాండం.

    ప్రత్యుత్తరంతొలగించు
  4. పడగల దొరపై శయనిం
    చెడు వానింగొలువ సిరులు జేకుఱు మనకున్
    అని సవరణ.

    ప్రత్యుత్తరంతొలగించు
  5. అడిగిన వరముల నిచ్చుచు,
    కడగండ్లను బాపి సుఖము కలుగన్ జేయున్,
    వడివడిగన్ భక్తుల కా
    చెడువానిన్ కొలువ సిరులు చేకుఱు మనకున్.

    ప్రత్యుత్తరంతొలగించు
  6. ఎడ ము గ నుంచుము నెప్పుడు
    చె డు వానిం, గొలువ సిరులు చేకురు మనకున్
    మృ డు నిం భక్తి తొ నిరతము
    ఒడు డుడుకులు లేక నెపుడు నుండిన మేలౌ .

    ప్రత్యుత్తరంతొలగించు
  7. శ్రీ సంపత్ కుమార శాస్త్రి గారూ! శుభాశీస్సులు. నా పద్యములను నచ్చెడు వారికి, మెచ్చెడు వారికి కూడా కృతజ్ఞతలు. స్వస్తి.

    ప్రత్యుత్తరంతొలగించు
  8. అడుగడుగు దండముల వా
    డిడుగిడుగోయేడుకొండలేలెడిఱేడున్
    వడివడిగబడుగులనుఁగా
    చెడువానింగొలువ సిరులుచేకుఱుమనకున్!

    ప్రత్యుత్తరంతొలగించు
  9. ఈ వ్యాఖ్యను రచయిత తీసివేశారు.

    ప్రత్యుత్తరంతొలగించు
  10. ఈ వ్యాఖ్యను రచయిత తీసివేశారు.

    ప్రత్యుత్తరంతొలగించు
  11. ఈ వ్యాఖ్యను రచయిత తీసివేశారు.

    ప్రత్యుత్తరంతొలగించు
  12. ఈ వ్యాఖ్యను రచయిత తీసివేశారు.

    ప్రత్యుత్తరంతొలగించు
  13. ఉడుపతిని శిరముపైనిడి
    బడుగుల కడగండ్లు దీర్చ పరమాత్ముండై
    పుడమికి సత్వర మేతెం
    చెడువానిం గొలువ సిరులు చేకురు మనకున్.

    ప్రత్యుత్తరంతొలగించు
  14. భూదేవి ని కొలువ గిరులు చేకూరు మనకున్
    శ్రీ దేవేని కొలువ సిరులు చేకూరు మనకున్
    భూ శ్రీ పతియై వైకుంట మున నివశిం
    చెడువానింగొలువ సిరులు చేకూరు మనకున్!

    చీర్స్
    జిలేబి.

    ప్రత్యుత్తరంతొలగించు
  15. గుండు మధుసూదన్ గారి పూరణ....

    ఉడురాజుం దన తలపై
    నిడు వేలుపుఁ దొల్లి కాన్పు, నేనిక సిరసున్,
    గడు నెమ్మిని వే మన్నిం
    చెడు వానిం, గొలువ సిరులు చేకుఱు మనకున్!

    ప్రత్యుత్తరంతొలగించు
  16. లక్ష్మీదేవి గారూ,
    ఒక్కదెబ్బకు రెండు పిట్టలు అన్నట్టుగా వ్రాసిన మీ పూరణ పద్యం బాగుంది. అభినందనలు.
    *
    పండిత నేమాని వారూ,
    చెడుతో మొదలిడి యన్నిఁటఁ
    జెడు నిలిపియు పూరణమ్ముఁ జేసియు మెప్పిం
    చెడు మీ నైపుణ్యము నెం
    చెడు వారలు మెచ్చి రిదె విశిష్టత మీకున్.
    *
    సుబ్బారావు గారూ,
    చక్కని విరుపుతో సమస్యను సమర్థంగా పూరించారు. అభినందనలు.
    కొన్ని లోపాలు... నా సవరణలతో మీ పద్యం....

    ఎడముగ నుంచుట మంచిది
    చెడువానిం, గొలువ సిరులు చేకురు మనకున్
    మృడునిం భక్తిని నిరత
    మ్మొడుదుడుకులు లేక యెపుడు నుండిన మేలౌ .
    *
    సహదేవుడు గారూ,
    వృత్యనుప్రాసాలంకారంతో మీ పూరణ మనోహరంగా ఉంది. అభినందనలు.
    *
    సత్యనారాయణ మూర్తి గారూ,
    మనోజ్ఞంగా ఉంది మీ పూరణ. అభినందనలు.
    *
    మధుసూదన్ గారూ,
    మీ అచ్చతెనుగు పూరణ చాలా బాగుంది. అభినందనలు.

    ప్రత్యుత్తరంతొలగించు
  17. బుడిబుడి యడుగుల నడచుచు ,
    వడివడి పరుగిడుచు వెన్న,పాలను హరియిన్
    చెడు బుడతనివలె నటియిన్
    చెడు వానిన్ గొలువ సిరులు చేకురు మనకున్.

    ప్రత్యుత్తరంతొలగించు
  18. పిడికెడు భక్తిని గొలిచిన
    కడివెడు వరమిచ్చి తుదకు కాపాడునుగా !
    ముడుపులు కోరక కరుణిం
    చెడువానిం గొలువ సిరులు చేకుఱు మనకున్ !

    ప్రత్యుత్తరంతొలగించు
  19. కమనీయం గారూ,
    వృత్యనుప్రాసతో చక్కని పూరణ చేసారు. అభినందనలు.
    *
    రాజేశ్వరి అక్కయ్యా,
    మీ పూరణ బాగుంది. అభినందనలు.

    ప్రత్యుత్తరంతొలగించు
  20. చెడువాడు కంస ఖలునకు
    చెడువాడగు శకుని కెన్న శిశుపాలునకున్
    చెడువాడు మగధ పతి కా
    చెడు వానిన్ గొలువ సిరులు చేకురు మనకున్

    ప్రత్యుత్తరంతొలగించు
  21. పడి ముత్తూటు ఫినాన్సున
    కడివెడు బంగారు నగలు కట్టగ మూటల్
    వడివడిగా వాటిని పం
    చెడువానిం గొలువ సిరులు చేకుఱు మనకున్

    ప్రత్యుత్తరంతొలగించు
  22. గడపల నెక్కుచు దిగుచున్
    గడబడ లేకుండ కోరి గంపల వోట్లన్
    తడబడకుండ మదిర పం
    చెడువానిం గొలువ సిరులు చేకుఱు మనకున్

    ప్రత్యుత్తరంతొలగించు