పండిత నేమాని వారూ, మీ పూరణ ప్రశస్తంగా ఉంది. అభినందనలు. * లక్ష్మీదేవి గారూ, మంచి భావనతో పూరణ చేసారు. అభినందనలు. ‘కీచకుడను + అధముడు - కీచకుడను నధముడు’ అవుతుంది కాని సంధి లేదు. అలాగే ‘అధముని లేదా అధమునిన్’ అనవలసిందే కాని ‘అధమునిని అనరాదు. * సుబ్బారావు గారూ, బాగుంది మీ పూరణ. అభినందనలు. ‘మునిగన్ + ఆశ్రమ’ మునిగ నాశ్రమ అవుతుంది. అలాగే ‘ఆశ్రమంబు నొద్ద’ అనాలి లేదా ‘ఆశ్రమంబు వద్ద’ అందాం. * సహదేవుడు గారూ, మీ పూరణ బాగుంది. అభినందనలు. ‘లంకిణి + అచ్చోట = లంకిణి యచ్చోట’ అవుతుంది. యడాగమం రాదు. అలాగే రాముని, రామునిన్ అనవలసిందే కాని రామునిని అనరాదు. * మధుసూదన్ గారూ, మీ పూరణ ఉత్తమంగా ఉంది. అభినందనలు. * చంద్రశేఖర్ గారూ, చక్కని విరుపుతో మీ పూరణ బాగుంది. అభినందనలు.
మాయచేసి యాశ్రమమ్మును నిర్మించి
రిప్లయితొలగించండిబలిగొనంగ దలచి వాయుసుతుని
కపట తపమొనర్చు కాలనేమ్యాహ్వయ
మునిని సంహరించె ననిల సుతుడు
పాండవులకు సతియు, పరమ పతివ్రతా
రిప్లయితొలగించండిమణియునై యలరెడు మగువఁ గోరి,
తప్పు మాటలాడ; దా కీచకుడనధ
మునిని సంహరించె ననిల సుతుడు.
వాయు సుతుని నవల వధియించ దలచిన
రిప్లయితొలగించండికాల నేమి మారె కపట మునిగ
యాశ్ర మంబు యొ ద్ద యా కపటు డయిన
మునిని సంహ రించె ననిల సుతుడు
తల్లిసీత జాడ తనబాధ్యతగనెంచి
రిప్లయితొలగించండిదక్షిణమున వెదకఁ దగిలె లంక
యడ్డుకొనగ లంకిణచ్చోటఁ,దలచి రా
మునిని,సంహరించె ననిలసుతుడు!
గుండు మధుసూదన్ గారి పూరణ....
రిప్లయితొలగించండిరావణుండుఁ బనుప రాక్షస మాయచేఁ
గాలనేమి మాఱెఁ గపట మునిగ;
ధాన్యమాలి వలన ధౌర్త్యమ్ము గ్రహియించి,
మునిని సంహరించె ననిల సుతుఁడు!
సీత యడవు లందు సేవించె వాల్మీకి
రిప్లయితొలగించండిమునిని; ; సంహరించె ననిల సుతుడు
వేల సేనలనని వివరించె రామాయ
ణోత్తర రణ కాండ కథకు డుచిత రీతి!
పండిత నేమాని వారూ,
రిప్లయితొలగించండిమీ పూరణ ప్రశస్తంగా ఉంది. అభినందనలు.
*
లక్ష్మీదేవి గారూ,
మంచి భావనతో పూరణ చేసారు. అభినందనలు.
‘కీచకుడను + అధముడు - కీచకుడను నధముడు’ అవుతుంది కాని సంధి లేదు. అలాగే ‘అధముని లేదా అధమునిన్’ అనవలసిందే కాని ‘అధమునిని అనరాదు.
*
సుబ్బారావు గారూ,
బాగుంది మీ పూరణ. అభినందనలు.
‘మునిగన్ + ఆశ్రమ’ మునిగ నాశ్రమ అవుతుంది. అలాగే ‘ఆశ్రమంబు నొద్ద’ అనాలి లేదా ‘ఆశ్రమంబు వద్ద’ అందాం.
*
సహదేవుడు గారూ,
మీ పూరణ బాగుంది. అభినందనలు.
‘లంకిణి + అచ్చోట = లంకిణి యచ్చోట’ అవుతుంది. యడాగమం రాదు. అలాగే రాముని, రామునిన్ అనవలసిందే కాని రామునిని అనరాదు.
*
మధుసూదన్ గారూ,
మీ పూరణ ఉత్తమంగా ఉంది. అభినందనలు.
*
చంద్రశేఖర్ గారూ,
చక్కని విరుపుతో మీ పూరణ బాగుంది. అభినందనలు.
గురువు గారు,
రిప్లయితొలగించండిసరేనండి.
మీరు తమలపాకు ఉపయోగాలు తెలిపినందుకు కృతజ్ఞతలు.