గోలి హనుమచ్ఛాస్త్రి గారూ, మీ పూరణ బాగుంది. అభినందనలు. * పండిత నేమాని వారూ, బాగుంది మీ పూరణ. అభినందనలు. * మిస్సన్న గారూ, చక్కని విరుపుతో మీ పూరణ దాలా బాగుంది. అభినందనలు. ‘జీవుడ + అనుచు’ అన్నప్పుడు యడాగమం వస్తుంది. అక్కడ“జీవుడ యని’ అందాం. * చంద్రశేఖర్ గారూ, చమత్కారభరితమై మీ పూరణ బాగుంది. అభినందనలు. * సహదేవుడు గారూ, బాగుంది మీ పూరణ. అభినందనలు. * మంద పీతాంబర్ గారూ, మీ పూరణ బాగుంది. అభినందనలు. * కమనీయం గారూ, ఈ సమస్యను ఇస్తున్నంత సేపూ నాకు ఆ కథే మనసులో మెదిలింది. ఆ ప్రస్తావనతో ఎవరు పూరిస్తారా అని ఉత్కంఠతో ఎదురుచూసాను. ఎవరూ చెప్పకుంటే చివరికి నేను చెప్పాలనుకున్నాను. మీరు చెప్పారు. అదీ కమనీయంగా. ధన్యవాదాలు. * రాజేశ్వరి అక్కయ్యా, బాగుంది మీ పద్యం. అభినందనలు. * గుండు మధుసూదన్ గారూ, బాగుంది మీ పూరణ. అభినందనలు. * లక్ష్మీ నరసింహం గారూ, మీ ప్రయత్నం ప్రశంసనీయం. అభినందనలు. మొదటి పాదంలో యతి తప్పింది. నిన్న కూడా ఇదే పొరపాటు జరిగింది. బహుశా మీరు ప-ఫ-బ-భ-మ లకు యతిమైత్రి ఉందనుకుంటున్నారేమో! మకారానికి మకారమే యతి చెల్లుతుంది. పు-ఫు-బు-భు-ము లకు, ంప-ంఫ-ంబ-ంభ లకు మాత్రమే యతి చెల్లుతుంది. మూడవపాదంలో ‘కోరలను జుల’ అన్నచోట గణదోషం. నా సవరణలతో మీ పద్యం.... ప్రక్క యింటివారు యెక్కడినుండియో తెచ్చినారు నల్ల మచ్చలున్న కుక్క నొకటి దాని కోరలనున్ జుల పాల గాంచి పిల్లి పారిపోయె.
నేటి ఈనాడు లో పాల కల్తీ "పాపాల పుట్ట" ను చూసి ఈ సమస్య ను ఇచ్సినట్లున్నారు..
రిప్లయితొలగించండిపాలు నీళ్ళ కల్తి పాత పధ్ధతి నేడు
నీరు గారె పాల పేరు జూడ
పాలు 'నిల్లు' గలుపు పాపాల పాల్గాని
పాలు గాంచి పిల్లి పారిపోయె.
పాలు నీళ్ళు కలుపు పధ్ధతి పాతది
రిప్లయితొలగించండినీరు గారె పాల పేరు నేడు
పాలు 'నిల్లు' గలుపు పాపాల పాల్గాని
పాలు గాంచి పిల్లి పారిపోయె.
ఎవరు చూడకుండ యింటిలో దూరుచు
రిప్లయితొలగించండినంతలోన కుక్క అరచుట విని
కుక్క నొకటి వెంట గొనితెచ్చు చున్న గో
పాలు గాంచి పిల్లి పరిపోయె
ఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండిఒక్క యెలుక గాంచి గ్రక్కున దుమికెడు
రిప్లయితొలగించండినంత లోన నాగె ముంత లోని
పాలు గాంచి పిల్లి పారిపోయెను యెల్క
బ్రతుకు జీవు డనుచు త్వరిత గతిని.
తెల్లనివవి పాలు నల్లనివవి నీర
రిప్లయితొలగించండినెల్లవేళ తలచి తెల్లమొగము
వేయుటన్న నిదియె వినుమచంద్రా! ఈత
పాలు గాంచి పిల్లి పారిపోయె.
ఇంటిలోనిపిల్లియెలుకవేటమరువ
రిప్లయితొలగించండివేడిపాలఁబెట్టవేట నేర్ప
పాలుగాంచిపిల్లిపారిపోయెఁ!దిరిగి
వేటలాడెనెలుకఁవిందుకొఱకు
కలుగు నుండి ఎలుక కలియ జూచుచువచ్చి
రిప్లయితొలగించండిచెలిమినొలక బోసి పిలిచె చెలిని
ప్రణయచిత్త పరుగు పరుగునజన,మురి
పాలు గాంచి పిల్లి పారిపోయె!!!
హాస్యచతురు డైన యా రామకృష్ణుండు
రిప్లయితొలగించండివేడి వేడి పాలు పెట్ట,త్రాగి ,
అయ్యొ ,మూతి కాల నరచుచు నటనుండి
పాలు గాంచి పిల్లి పారిపోయె .
నీళ్ళ పాలు గనిన నీటుగా రాయంచ
రిప్లయితొలగించండివేరు జేసి త్రాగు వేడ్క మీర
విషము గలిపె నేని వేరుజేయ తరమే ?
పాలు గాంచి పిల్లి పారి పోయె !
గుండు మధుసూదన్ గారి పూరణ.....
రిప్లయితొలగించండిపాలు, పెరుఁగు, పెన్న భయము లేకను దిన,
నింటి కాఁపు, పిల్లి యెంతయు భయ
మందు విగ్గు స్వశిరమందుఁ దాల్చఁగ, జుల
పాలు గాంచి, పిల్లి పాఱి పోయె!
కొండమూరి లక్ష్మీనరసింహం గారి పూరణ.....
రిప్లయితొలగించండిప్రక్క యింటివారు మచ్చిక చేయగ
తెచ్చినారు నల్ల మచ్చలున్న
కుక్క నొకటి దాని కోరలను జుల
పాల గాంచి పిల్లి పారిపోయె.
గోలి హనుమచ్ఛాస్త్రి గారూ,
రిప్లయితొలగించండిమీ పూరణ బాగుంది. అభినందనలు.
*
పండిత నేమాని వారూ,
బాగుంది మీ పూరణ. అభినందనలు.
*
మిస్సన్న గారూ,
చక్కని విరుపుతో మీ పూరణ దాలా బాగుంది. అభినందనలు.
‘జీవుడ + అనుచు’ అన్నప్పుడు యడాగమం వస్తుంది. అక్కడ“జీవుడ యని’ అందాం.
*
చంద్రశేఖర్ గారూ,
చమత్కారభరితమై మీ పూరణ బాగుంది. అభినందనలు.
*
సహదేవుడు గారూ,
బాగుంది మీ పూరణ. అభినందనలు.
*
మంద పీతాంబర్ గారూ,
మీ పూరణ బాగుంది. అభినందనలు.
*
కమనీయం గారూ,
ఈ సమస్యను ఇస్తున్నంత సేపూ నాకు ఆ కథే మనసులో మెదిలింది. ఆ ప్రస్తావనతో ఎవరు పూరిస్తారా అని ఉత్కంఠతో ఎదురుచూసాను. ఎవరూ చెప్పకుంటే చివరికి నేను చెప్పాలనుకున్నాను.
మీరు చెప్పారు. అదీ కమనీయంగా. ధన్యవాదాలు.
*
రాజేశ్వరి అక్కయ్యా,
బాగుంది మీ పద్యం. అభినందనలు.
*
గుండు మధుసూదన్ గారూ,
బాగుంది మీ పూరణ. అభినందనలు.
*
లక్ష్మీ నరసింహం గారూ,
మీ ప్రయత్నం ప్రశంసనీయం. అభినందనలు.
మొదటి పాదంలో యతి తప్పింది. నిన్న కూడా ఇదే పొరపాటు జరిగింది. బహుశా మీరు ప-ఫ-బ-భ-మ లకు యతిమైత్రి ఉందనుకుంటున్నారేమో! మకారానికి మకారమే యతి చెల్లుతుంది. పు-ఫు-బు-భు-ము లకు, ంప-ంఫ-ంబ-ంభ లకు మాత్రమే యతి చెల్లుతుంది.
మూడవపాదంలో ‘కోరలను జుల’ అన్నచోట గణదోషం. నా సవరణలతో మీ పద్యం....
ప్రక్క యింటివారు యెక్కడినుండియో
తెచ్చినారు నల్ల మచ్చలున్న
కుక్క నొకటి దాని కోరలనున్ జుల
పాల గాంచి పిల్లి పారిపోయె.
గురువుగారూ సవరణకు ధన్యవాదాలు.
రిప్లయితొలగించండి