13, సెప్టెంబర్ 2013, శుక్రవారం

పద్య రచన – 463 (తులసి కోట)

కవిమిత్రులారా,
ఈనాటి పద్యరచనకు అంశము....
“తులసి కోట”
ఈ అంశమును పంపిన పరుచూరి వంశీ గారికి ధన్యవాదాలు.

20 కామెంట్‌లు:

  1. కొలిచిన భక్తి ప్రప త్తుల
    ఫలితము లీయంగ మనల పాలించు నిలన్
    వెలసిన మహిమాన్విత మగు
    తులసిని పూజించి నంత ద్యోతము విరియన్

    రిప్లయితొలగించండి
  2. మంచి ఔషధమ్ము మహనీయ తత్త్వమ్ము
    శ్రీకరమ్ము విష్ణు ప్రీతికరము
    కొలుచు చుండు వారి కొంగు బంగారమౌ
    నట్టి తులసి మాత కంజలింతు

    రిప్లయితొలగించండి
  3. ప్రతి యింట నొకమొక్క పెంచ వలెనయ్య పర్యావరణము
    సతతము సమతుల్యముగను సాగి సజీవులకునది
    హితమును కలిగించు చుండి యిలలోని కాలుష్యములను
    హతమొనరించును, తులసి యందున నొకమొక్క గాదె.

    రిప్లయితొలగించండి
  4. తులసిని కోటయందు నిడి తోయము తోడను పూజ సల్పు నా
    లలనను చూడనింపులగు, రమ్యము కాదొకొ దృశ్యమయ్యదే!
    యిలనిక నిట్టి పూజలకు నెక్కడి దండ్రును కాలమయ్యహో,
    వెలదులు కొంత యో/నోరిమిని వీడుట నెల్లరెఱుంగు సత్యమే.

    రిప్లయితొలగించండి
  5. తులసి కోట లోని తులసి మొక్కను జూడ
    మనసు పొంగు చుండు ననవ రతము
    పచ్చదనము గలిగి బహు ళ శాఖల నొప్పు
    అమ్మ ! తులసి ! నతుల నందు కొనుము

    రిప్లయితొలగించండి

  6. తులసి కోట దరిన ధూపదీపమ్ముల
    హారతీయవలయు అనుదినమ్ము
    తులసి యున్నఇంట దురితమ్ముతొలగును
    పెంచవలయు తులసి ప్రేమతోడ.

    రిప్లయితొలగించండి
  7. రాజేశ్వరి అక్కయ్యా,
    మీ పద్యం బాగుంది. అభినందనలు.
    *
    పండిత నేమాని వారూ,
    విష్ణుప్రీతికరమైన తులసిని గురించిన మీ పద్యం బాగుంది. అభినందనలు.
    *
    బొడ్డు శంకరయ్య గారూ,
    బాగుంది మీ పద్యం. అభినందనలు.
    *
    లక్ష్మీదేవి గారూ,
    మీ పద్యం చాలా బాగుంది. అభినందనలు.
    ‘చూడ నింపలరు’ అంటే బాగుంటుందేమో!
    *
    సుబ్బారావు గారూ,
    మీ పద్యం బాగుంది. అభినందనలు.
    *
    శైలజ గారూ,
    మీ పద్యం బాగుంది. అభినందనలు.

    రిప్లయితొలగించండి
  8. పండిత నేమాని గారికి, శంకరయ్య గురుదేవులకు
    నమస్కారములు.

    ఇంటికీశాన్యదిక్కున యింపుమీర
    తులసి కోటను నిర్మించి తోరముగను
    తులసి మాతను పూజింప కలుగు సిరులు
    ఆయురారోగ్య భాగ్యముల్ అవని యందు

    తులసి తీర్థమ్ము త్రాగిన తొలగు రుజలు
    ఔషధమ్ముగ వైద్యులు ఆదరింప
    కఫము కాసమజీర్ణమ్ము కంఠరోగ
    ముపశమించు నాకులరసము చవిగొన

    తులసి నీకెంత భాగ్యమ్ము కలిగె నీవు
    శౌరి మెడలోన నిరతము సరము గాను
    వెలసి యిత్తువు నరులకీ యిలను సుఖము
    అంతకాలమునందున హరినిలయము

    రిప్లయితొలగించండి
  9. ఇలలో నీతో సరిగా
    తులదూగెడు మొక్క లేదు దోయిలి పడుదున్
    తులసీ ! మ్రొక్కెద మా మొగ
    సాలన కోటగ నిలచుచు సద్గతులిమ్మా !


    రిప్లయితొలగించండి
  10. శ్రీ శంకరయ్య గురుదేవులకు, శ్రీ నేమాని గురుదేవులకు వినమ్రవందనములతో..
    శ్రీ శంకరయ్య గురుదేవులకు ధన్యవాదములు.
    =====*=======
    తులసి వనము నందు తులతూగు సిరులని
    దెలిసి భక్తి తోడ గొలిసిరపుడు,
    కొలువలందు వనిత గొలుచుట మరచెను
    ఫలితము గను చుండె పాపజగతి.

    రిప్లయితొలగించండి
  11. ఇలలో తులసికి సరియగు
    వెలగట్టు వృక్షతతి కొరకు వెదకిన వారల్
    ఫలితము లేదని దెలుపుచు,
    తులసికి దిద్దిన తిలకము దుర్జను లనియెన్!

    రిప్లయితొలగించండి
  12. తులసి తీర్థమ్ము ద్రాగిన దొలగు సర్వ
    పాపములని పోయుచు నుండె పాడి పైన
    నిలచిన మనుజులకు,నేడు నేరమనుచు
    బలుకు చుండెను వింతగ బలుపుతోడ!

    రిప్లయితొలగించండి
  13. కెంబాయి తిమ్మాజీ రావు గారూ,
    మీ ఖండికా రూప పద్యాలు చాలా బాగున్నవి. అభినందనలు.
    ‘భాగ్యము లవని’ అంటే సరిపోయేది కదా.. విసంధిగా ఎందుకు వ్రాసారు?
    *
    గోలి హనుమచ్ఛాస్త్రి గారూ,
    చాలా మంచి పద్యం వ్రాసారు. అభినందనలు.
    ‘దోయిలు పడుదున్’ అన్నాక మళ్ళీ పునరుక్తిగా ‘మ్రొక్కెద’ అన్నారెందుకు?
    *
    వరప్రసాద్ గారూ,
    మీ రెండు పద్యాలు బాగున్నవి. అభినందనలు.
    ‘కొలువులందు’ అన్నది టైపాటు వల్ల ‘కొలవలందు’ అయింది.
    రెండవ పద్యం రెండవ పాదంలో గణదోషం. ‘వెలగట్టెడి తరువు కొఱకు...’ అనండి.

    రిప్లయితొలగించండి
  14. వరప్రసాద్ గారూ,
    మీ మూడవ పద్యం కూడ బాగుంది. అభినందనలు.

    రిప్లయితొలగించండి
  15. గురువు గారు,
    చూడ నింపలరు - మీ సవరణ కూడా ఎంతో బాగుంది.
    యో/నో దగ్గర సందేహం ఉండిపోయింది.

    రిప్లయితొలగించండి
  16. శ్రీ శంకరయ్య గురుదేవులకు ధన్యవాదములు.

    మొదటి సారి పుస్తకము,కలము వాడకుండా వ్రాసిన పద్యములు గురువుగారు.
    మొదటిది టైపాటు,రెండవది నాపాటు(నా తప్పిదము) గురువుగారు.

    రిప్లయితొలగించండి
  17. పూజ్యగురుదేవులు శంకరయ్య గారికి వందనములు
    విసoధి చేయుట తొందర లో గమనించలేదు
    క్షమించవలెను
    తిమ్మాజీరావు

    రిప్లయితొలగించండి