15, జులై 2011, శుక్రవారం

చమత్కార పద్యాలు - 105 (ప్రహేళిక)

సీ.
అసమానకోదండుఁ డైన రా జెవ్వఁడు?
రాజుపేరిటఁ గల రాగ మేది?
రాగంబు సరివచ్చు రాజిత ఋతువేది?
ఋతువు పేరిటఁ గల రుద్రుఁ డెవఁడు?
రుద్రుని పేరిట రూఢియౌ పక్షేది?
పక్షి పేరిటఁ గల వృక్ష మేది?
వృక్షంబు సరివచ్చు వెలయు భూషణ మేది?
భూషకు సరివచ్చు భూమి యేది?
తే. గీ.
అన్నిటికిఁ జూడ మూడేసి యక్షరమ్ము
లాదు లుడుపంగఁ దుదలెల్ల నాదు లగును;
చెప్పునాతఁడు భావజ్ఞ శేఖరుండు
లక్షణోపేంద్ర! కృష్ణరాయక్షితీంద్ర!
(శ్రీ దీపాల పిచ్చయ్య శాస్త్రి గారి ‘చాటుపద్య రత్నాకరము’ నుండి)
కవిమిత్రులారా!
ఎవరైనా సమాధానం చెప్పగలరా?

7 కామెంట్‌లు:

  1. ఈ కామెంట్‌ను రచయిత తీసివేశారు.

    రిప్లయితొలగించు
  2. ఈ కామెంట్‌ను రచయిత తీసివేశారు.

    రిప్లయితొలగించు
  3. మీ వద్ద వున్న సమాధానానికి ఇది ప్రత్యామ్నాయం

    లంకారి - రత్నాంగి - గ్రీష్మము - ముక్కంటి - టిట్టిభం - భూజము - మురుగు - గహ్వరి

    రిప్లయితొలగించు
  4. పై సమాధానంలో టిట్టిభం చివరి అక్షరం మకారం తీసుకుంటే అప్పుడు నా సమాధానం లంకారి - రత్నాంగి - గ్రీష్మము - ముక్కంటి - టిట్టిభం - మహీజం - మురుగు - గహ్వరి

    రిప్లయితొలగించు
  5. కోడీహళ్ళి మురళీ మోహన్ గారూ,
    మీ ప్రయత్నం ప్రశంసనీయం. కాని మీ సమాధానాలలో ఒక్కటికూడా సరిపోలేదు.

    రిప్లయితొలగించు
  6. శ్రీరామ - మాళవ - వసంతం - ౦ -తీతువు - వటము - ముక్కెర - ౦

    రిప్లయితొలగించు
  7. గోలి హనుమచ్ఛాస్త్రి గారూ,
    మీ సమాధానాలలో 4 సరిపోయాయి. అభినందనలు.

    రిప్లయితొలగించు