చక్కని ఉడుపులు లేవిక మిక్కను భోజనము లేదు మ్రింగును విషమున్, నక్కునొలుకిమిట్టను, నా ముక్కంటికి మ్రొక్కువాఁడు మూర్ఖుఁడు జగతిన్! మనవి: శివుడు నా యిష్ట దైవం. మూడో పాదంలో "నా" "నా సొంతమైన" అనే అర్థంలో.
శాస్త్రి గారూ, సరిగ్గా గమనించి చెప్పినందుకు ధన్యవాదములు. అది డిలిట్ చెయ్యటం మాత్రం అప్పుడే అయిపోయింది. ఇప్పుడు మార్చాను. నెట్ సమస్య వల్ల ఆలస్యంగా స్పందిస్తున్నాను
క్షమించాలి. నాకు పద్యాలు రాయటం రాదు. ఇక్కడ కామెంట్ రాయవచ్చో లేదో నాకు తెలియదు. రాయకుండా వుండలేక రాస్తున్నాను. నాకు ఇది అంతా చూస్తుంటే ఇంటర్నెట్ లో అష్టావధానం ఆడుతున్నట్టుగా వుంది. మనలో ఇంతమంది కవులా? మీకు హేట్సాఫ్ అండీ. నాకు అన్నిటికీ అర్థం తెలీయక పోయినా తెలుగు చదువుకుని ఆనందపడుతున్నాను.
శ్రీ నాగ రాజు రవీందర్ గారి పూరణ ఇక్కట్ల పాలవడు ఆ ముక్కంటికి మ్రొక్కువాడు ; మూర్ఖుడు జగతిన్ చక్కని దేవుని గాదని ముక్కుచు మూల్గుచు శిలలకు మ్రొక్కెడి వాడే !
కవిమిత్రు లందరికీ నమస్కృతులు. పూరణలు పంపిన గోలి హనుమచ్ఛాస్త్రి, వసంత కిశోర్, మందాకిని, మంద పీతాంబర్, చంద్రశేఖర్, నాగరాజు రవీందర్, మిస్సన్న, లక్కాకుల వెంకట రాజారావు, సంపత్ కుమార్ శాస్త్రి, ఊకదంపుడు, శ్రీపతి శాస్త్రి గారలకు అభినందనలు. అత్యవసరంగా వేరే ఊరికి వెళ్తున్న తొందరలో మీమీ పూరణలను విశ్లేషించలేక పోతున్నాను. మన్నించండి. తిరిగి వచ్చిన వెంటనే (బహుశా ఈ సాయంత్రానికి) వ్యాఖ్యానిస్తాను.
సునీత గారూ, స్వాగతం! మీరు నా బ్లాగును వీక్షించినందుకు సంతోషం. మీరు స్వయంగా బ్లాగును నిర్వహిస్తూ "ఇక్కడ కామెంట్ రాయవచ్చో లేదో నాకు తెలియదు" అన్నారెందుకు? మీరు నిరభ్యంతరంగా వ్యాఖ్యలు పెట్టవచ్చు.
గోలి హనుమచ్ఛాస్త్రి గారూ, మీ రెండు పూరణలూ చక్కగా ఉన్నాయి. అభినందనలు.* * వసంత కిశోర్ గారూ, మీ పూరణల నవరత్నాలను చూసాను. బాగున్నాయి. అభినందనలు. కాని తిన్నడు, శ్రీకాళహస్తులది మూఢభక్తి కదా! మిగిలిన వారిది మూర్ఖభక్తే. సందేహం లేదు. * మందాకిని గారూ, మీ రెండు పూరణలలో మొదటిది మంచి విరుపుతో ఉత్తమంగా ఉంది. అభినందనలు. రెండవపూరణలో అన్వయం కుదరడంలేదని అనుమానం. * మంద పీతాంబర్ గారూ, చక్కని విరుపూతో మీ పూరణ అత్యుత్తమంగా ఉంది. అభినందనలు. రవీందర్ గారి పూరణను తెలుగులిపిలో మార్చినందుకు ధన్యవాదాలు. * చంద్రశేఖర్ గారూ, పద్యం బాగుంది. అభినందనలు. ‘మిక్కను’ అనేది ‘మెక్కను’ కు టాపాటా? ఇంతకీ ‘మీ’ ముక్కంటికి మీరు గాక ఇంకెవరు మొక్కినా మూర్ఖులవుతారా? * నాగరాజు రవీందర్ గారూ, మీ పూరణ చక్కగా ఉంది. అభినందనలు. ముందు కొద్దిగా తికమకపడ్డాను. అది ‘పాలు + అవఁడు’ అయితే నేను ‘పాల + పడు’ ఆని చదువుకున్నాను. తరువాత ‘పాలన్ + పడు’అనేది పాలంబడు, పాలఁబదడు, పాలన్బడు అవుతుంది కాని గసడదవాదేశ సంధి రాదు కాదా. సంతోషం! * మిస్సన్న గారూ, శివకేశవాద్వైతాన్ని దర్శింపజేసారు. మంచి పూరణ. అభినందనలు. లక్కాకుల వారిని గురించి చెప్పిన పద్యం సముచితంగా ఉంది. ధన్యవాదాలు. * లక్కాకుల వెంకట రాజారావు గారూ, సరదాగా నవ్వించింది మీ పూరణ. చాలా బాగుంది. అభినందనలు. మిస్సన్న గారి గురించి మీరు చెప్పింది అక్షరసత్యం. కందం వారి చేతుల్లో అందంగా ఒదుగుతుంది. * ఊకదంపుడు గారూ, మీ రెండు పూరణలూ ఉత్తమంగా ఉన్నాయి. అభినందనలు. * సంపత్ కుమార్ శాస్త్రి గారూ, ప్రశస్తమైనది మీ పూరణ. అభినందనలు. * శ్రీపతి శాస్త్రి గారూ, నిజమే. అర్ధనారీశ్వరుని సగభాగానికే మ్రొక్కినవాడు మూర్ఖుడే. చక్కని పూరణ. అభినందనలు.
మాస్టారూ, టైపాటు సవరించినదులకు ధన్యవాదాలు. అంతే కదా, కట్టుకోవటానికి బట్టలు లేని వాడికి, తింటానికి తిండిలేని వాడికి, ఉండటానికి ఇల్లు లేని వాడికి నాలాంటి మరో మూర్ఖుడు తప్ప యెవరు మ్రొక్కుతారు, సార్?
చక్కగ మోక్షము నిచ్చును
రిప్లయితొలగించండిమిక్కిలి భక్తిని గొలిచిన మీదట శివుడే !
తిక్కల లౌకిక ములకై
ముక్కంటికి మ్రొక్కువాఁడు మూర్ఖుఁడు జగతిన్!!
అందరికీ వందనములు !
రిప్లయితొలగించండిశాస్త్రీజీ ! బావుంది !
బోయ తిన్నడు :
01)
__________________________________
అక్కజమౌ భక్తి గలిగి
చక్కని బుక్కపు తునుకల - చండీశునిచే
మక్కువతో దినిపించెను !
ముక్కంటికి మ్రొక్కువాఁడు - మూర్ఖుఁడు జగతిన్ !
__________________________________
సాలె పురుగు :
రిప్లయితొలగించండి02)
__________________________________
చక్కని దారపు పోగుల
మక్కువతో గూడు నల్లె - మర్కట మదిగో !
అక్కున జేర్చెను శివుడే !
ముక్కంటికి మ్రొక్కువాఁడు - మూర్ఖుఁడు జగతిన్ !
__________________________________
ఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండిమ్రొక్కిన వరముల నిచ్చెడు
రిప్లయితొలగించండిముక్కంటిని మ్రొక్కు! వాఁడు మూర్ఖుడు జగతిన్
ముక్కంటిని మ్రొక్కనిచో!
మక్కువ మీరగను నేఁను మనమునఁ గొలుతున్.
చక్కని కోర్కెలు కోరక
రిప్లయితొలగించండిదిక్కులకే దిక్కు హరుడు దిగిరాగానే !
ప్రక్కన వారిని త్రొక్కగ
ముక్కంటికి మ్రొక్కువాఁడు మూర్ఖుఁడు జగతిన్!!
అందరి పూరణలూ అలరించు చున్నవి !
రిప్లయితొలగించండిసర్పము :
03)
__________________________________
పెక్కగు పూసల గొలిచెను
మక్కువ , కన్నులవినికలి - మాహేశ్వరునే !
ఉక్కడచగ, యేనుగునకు !
ముక్కంటికి మ్రొక్కువాఁడు - మూర్ఖుఁడు జగతిన్ !
__________________________________
15 జూలై 2011 7:49 ఉ
కిశోర్ జీ ! ధన్యవాదములు. శ్రీ కాళ హస్తీశ్వరుని దర్శింప జేస్తున్నారు.అభినందనలు.
రిప్లయితొలగించండిమందాకిని గారూ !బాగుంది .౧వ పూరణ ౨ వ పాదం లో వేడెన్ అంటే సరిపోతుంది.
శాస్త్రీజీ ! ధన్యవాదములు !
రిప్లయితొలగించండిభస్మాసురుడు :
04)
__________________________________
మిక్కిలి తపమును జేయగ
మక్కువతో వరము దీర్చి - మదనాంతకుడే
పిక్క బెదరి పరువెత్తెను !
ముక్కంటికి మ్రొక్కువాఁడు - మూర్ఖుఁడు జగతిన్ !
__________________________________
గజరాజు :
రిప్లయితొలగించండి05)
__________________________________
తక్కువ జేసెను తననని
వెక్కసముగ మణుల ద్రోసి - భేరము జచ్చెన్ !
ముక్కున దూరగ సర్పము !
ముక్కంటికి మ్రొక్కువాఁడు - మూర్ఖుఁడు జగతిన్ !
__________________________________
దశ కంఠుడు :
రిప్లయితొలగించండి06)
__________________________________
మొక్కల మెక్కువ కాగా
పక్కగ పోవక ,శిఖరిని - బలముగ లేపెన్ !
రక్కసి రావణు డంతట !
ముక్కంటికి మ్రొక్కువాఁడు - మూర్ఖుఁడు జగతిన్ !
__________________________________
దక్షుడు :
రిప్లయితొలగించండి07)
__________________________________
స్రుక్కము పెరిగిన దక్షుడు
ముక్కపరచి పలు విధముల - బూచుల దొరనే
బుక్కపు తలనే బొందెను !
ముక్కంటికి మ్రొక్కువాఁడు - మూర్ఖుఁడు జగతిన్ !
__________________________________
స్రుక్కము = గర్వము
ముక్కపరచి = అవమాన పరచి
బుక్కము = మేకపోతు
నక్కీరుడు :
రిప్లయితొలగించండి08)
__________________________________
ముక్కంటి రచన జేసిన
న్యక్కరణము జేసె, నంత - నక్కీరుడు దా
రుక్కున బడి చింతించెను !
ముక్కంటికి మ్రొక్కువాఁడు - మూర్ఖుఁడు జగతిన్ !
__________________________________
న్యక్కరణము = తిరస్కారము
నక్కీరుడు = ఒక తమిళ కవి
రుక్కు = కుష్ఠు వ్యాధి
ఈ కామెంట్‌ను రచయిత తీసివేశారు.
రిప్లయితొలగించండిపీతాంబర్ గారూ ! మంచి విరుపు , పూరణ . అభినందనలు.
రిప్లయితొలగించండిఒక్కండున్నను చాలును
రిప్లయితొలగించండిముక్కంటిని మ్రొక్కు వాడు! మూర్ఖుడు, జగతిన్
చిక్కులు బెట్టెడు వాడును
పెక్కండ్రు oడినను పేడ పిడకలు గావే!!!
పీతాంబరధరా ! బావుంది !
రిప్లయితొలగించండిగజాసురుడు :
09)
__________________________________
మ్రొక్కెను ,పరమేశునకే
బుక్కములో నుంచు కొనెను ! - పొంగిన శూలే
గ్రక్కున చీల్చెను పొట్టను !
ముక్కంటికి మ్రొక్కువాఁడు - మూర్ఖుఁడు జగతిన్ !
__________________________________
బుక్కము = హృదయము
చక్కని ఉడుపులు లేవిక
రిప్లయితొలగించండిమిక్కను భోజనము లేదు మ్రింగును విషమున్,
నక్కునొలుకిమిట్టను, నా
ముక్కంటికి మ్రొక్కువాఁడు మూర్ఖుఁడు జగతిన్!
మనవి: శివుడు నా యిష్ట దైవం. మూడో పాదంలో "నా" "నా సొంతమైన" అనే అర్థంలో.
శాస్త్రి గారు ధన్య వాదములు .చివరి పాదములో యతి కుదరలేదని సవరించాను.
రిప్లయితొలగించండిచక్కగఁ దపములఁ జేసిన
రిప్లయితొలగించండిరక్కసుడా పరమశివునిఁ రణముల జయమున్
పెక్కువిధంబులఁ వేడెన్
ముక్కంటికి మ్రొక్కు-వాఁడు మూర్ఖుఁడు జగతిన్.
శాస్త్రి గారూ,
సరిగ్గా గమనించి చెప్పినందుకు ధన్యవాదములు.
అది డిలిట్ చెయ్యటం మాత్రం అప్పుడే అయిపోయింది.
ఇప్పుడు మార్చాను. నెట్ సమస్య వల్ల ఆలస్యంగా స్పందిస్తున్నాను
క్షమించాలి. నాకు పద్యాలు రాయటం రాదు. ఇక్కడ కామెంట్ రాయవచ్చో లేదో నాకు తెలియదు. రాయకుండా వుండలేక రాస్తున్నాను. నాకు ఇది అంతా చూస్తుంటే ఇంటర్నెట్ లో అష్టావధానం ఆడుతున్నట్టుగా వుంది. మనలో ఇంతమంది కవులా? మీకు హేట్సాఫ్ అండీ. నాకు అన్నిటికీ అర్థం తెలీయక పోయినా తెలుగు చదువుకుని ఆనందపడుతున్నాను.
రిప్లయితొలగించండిikkaTla paalavaDu aa
రిప్లయితొలగించండిmukkaMTiki mrokkuvaaDu ; moorkhudu jagatin
cakkani dEvuni gaadani
mukkucu moolgucu Silalaku mrokkedi vaaDE !
శ్రీ నాగ రాజు రవీందర్ గారి పూరణ
రిప్లయితొలగించండిఇక్కట్ల పాలవడు ఆ
ముక్కంటికి మ్రొక్కువాడు ; మూర్ఖుడు జగతిన్
చక్కని దేవుని గాదని
ముక్కుచు మూల్గుచు శిలలకు మ్రొక్కెడి వాడే !
మిక్కుటమౌ తామసమున
రిప్లయితొలగించండినిక్కము గనలేక హరుని, నీరజ నాభున్
యెక్కువ తక్కువ లనుచును
ముక్కంటికి మ్రొక్కువాఁడు మూర్ఖుఁడు జగతిన్.
పెక్కురు వేలుపు లం దత
రిప్లయితొలగించండిడొక్కండే మీస మున్న యోధుం డగుటన్
తక్కుం గల వారికి వలె
ముక్కంటిని మ్రొక్కు వాడు మూర్ఖుడు జగతిన్
--- వెంకట రాజారావు . లక్కాకుల
--- బ్లాగు : సుజన సృజన
దిక్కులకధిపతినీశుని,
రిప్లయితొలగించండిచిక్కని మోక్షమ్ముకోరి జేరితరింతున్,
స్రుక్కెడు ధనమును కోరుచు
ముక్కంటిని మ్రొక్కువాడు మూర్ఖుడు జగతిన్.
చిక్కని = దుర్లభమైన,
స్రుక్కెడు = నశించునటువంటి
కందము మీ చేతుల లో
రిప్లయితొలగించండినందముగా రూపు దిద్దు నవ్విధి కనగా
విందారగించి నట్లా
నందింతును మిస్సనార్య! నానా రుచులన్
--- మీ రాజారావు
పెక్కేండ్లసంప్రదాయముఁ
రిప్లయితొలగించండిబక్కనబెట్టిపెరబుద్ధిఁబరమశివునకున్
చెక్కించిప్రతిమ నందున్
ముక్కంటిని మ్రొక్కువాడు మూర్ఖుడు జగతిన్.
------------------------------------
గురుపూర్ణిమనాడు, వెళ్దామనుకొని గురువుగారివద్దకు వెళ్లలేకపోయిన నన్ను నేను నిందించుకుంటూ:
చక్కగ జీవిక గడువగ
మక్కువ విద్యలనొసగినమాన్యగురువుకున్
మ్రొక్కక; రాతింగని యా
ముక్కంటిని, మ్రొక్కువాడు మూర్ఖుడు జగతిన్.
శ్రీగురుభ్యోనమ:
రిప్లయితొలగించండిమిక్కిలి మోదము నొందుచు
ఒక్కడినే చుట్టె భృంగి నోరిమి తోడన్
ప్రక్కన అంబను విడచుచు
ముక్కంటిని మ్రొక్కువాడు మూర్ఖుడు జగతిన్
naa padyaanni telugulO peTTinaMdulaku bahudhaa kRtajnatalu maMda peetaaMbar garoo !
రిప్లయితొలగించండి- sent from my iPhone
రాజారావు గారూ మీ అభిమానానికి కృతజ్ఞతలు.
రిప్లయితొలగించండిలక్కను ఆభరణంబుల్
చక్కగ నతికించునట్లు సరస పదంబుల్
చిక్కగఁ వ్రాతురు పద్యము
లక్కాకుల రాజ! మిత్ర ! లక్షణ సుకవీ!
కవిమిత్రు లందరికీ నమస్కృతులు.
రిప్లయితొలగించండిపూరణలు పంపిన గోలి హనుమచ్ఛాస్త్రి, వసంత కిశోర్, మందాకిని, మంద పీతాంబర్, చంద్రశేఖర్, నాగరాజు రవీందర్, మిస్సన్న, లక్కాకుల వెంకట రాజారావు, సంపత్ కుమార్ శాస్త్రి, ఊకదంపుడు, శ్రీపతి శాస్త్రి గారలకు అభినందనలు.
అత్యవసరంగా వేరే ఊరికి వెళ్తున్న తొందరలో మీమీ పూరణలను విశ్లేషించలేక పోతున్నాను. మన్నించండి. తిరిగి వచ్చిన వెంటనే (బహుశా ఈ సాయంత్రానికి) వ్యాఖ్యానిస్తాను.
సునీత గారూ,
రిప్లయితొలగించండిస్వాగతం! మీరు నా బ్లాగును వీక్షించినందుకు సంతోషం.
మీరు స్వయంగా బ్లాగును నిర్వహిస్తూ "ఇక్కడ కామెంట్ రాయవచ్చో లేదో నాకు తెలియదు" అన్నారెందుకు? మీరు నిరభ్యంతరంగా వ్యాఖ్యలు పెట్టవచ్చు.
గోలి హనుమచ్ఛాస్త్రి గారూ,
రిప్లయితొలగించండిమీ రెండు పూరణలూ చక్కగా ఉన్నాయి. అభినందనలు.*
*
వసంత కిశోర్ గారూ,
మీ పూరణల నవరత్నాలను చూసాను. బాగున్నాయి. అభినందనలు.
కాని తిన్నడు, శ్రీకాళహస్తులది మూఢభక్తి కదా! మిగిలిన వారిది మూర్ఖభక్తే. సందేహం లేదు.
*
మందాకిని గారూ,
మీ రెండు పూరణలలో మొదటిది మంచి విరుపుతో ఉత్తమంగా ఉంది. అభినందనలు.
రెండవపూరణలో అన్వయం కుదరడంలేదని అనుమానం.
*
మంద పీతాంబర్ గారూ,
చక్కని విరుపూతో మీ పూరణ అత్యుత్తమంగా ఉంది. అభినందనలు.
రవీందర్ గారి పూరణను తెలుగులిపిలో మార్చినందుకు ధన్యవాదాలు.
*
చంద్రశేఖర్ గారూ,
పద్యం బాగుంది. అభినందనలు.
‘మిక్కను’ అనేది ‘మెక్కను’ కు టాపాటా? ఇంతకీ ‘మీ’ ముక్కంటికి మీరు గాక ఇంకెవరు మొక్కినా మూర్ఖులవుతారా?
*
నాగరాజు రవీందర్ గారూ,
మీ పూరణ చక్కగా ఉంది. అభినందనలు.
ముందు కొద్దిగా తికమకపడ్డాను. అది ‘పాలు + అవఁడు’ అయితే నేను ‘పాల + పడు’ ఆని చదువుకున్నాను. తరువాత ‘పాలన్ + పడు’అనేది పాలంబడు, పాలఁబదడు, పాలన్బడు అవుతుంది కాని గసడదవాదేశ సంధి రాదు కాదా. సంతోషం!
*
మిస్సన్న గారూ,
శివకేశవాద్వైతాన్ని దర్శింపజేసారు. మంచి పూరణ. అభినందనలు.
లక్కాకుల వారిని గురించి చెప్పిన పద్యం సముచితంగా ఉంది. ధన్యవాదాలు.
*
లక్కాకుల వెంకట రాజారావు గారూ,
సరదాగా నవ్వించింది మీ పూరణ. చాలా బాగుంది. అభినందనలు.
మిస్సన్న గారి గురించి మీరు చెప్పింది అక్షరసత్యం. కందం వారి చేతుల్లో అందంగా ఒదుగుతుంది.
*
ఊకదంపుడు గారూ,
మీ రెండు పూరణలూ ఉత్తమంగా ఉన్నాయి. అభినందనలు.
*
సంపత్ కుమార్ శాస్త్రి గారూ,
ప్రశస్తమైనది మీ పూరణ. అభినందనలు.
*
శ్రీపతి శాస్త్రి గారూ,
నిజమే. అర్ధనారీశ్వరుని సగభాగానికే మ్రొక్కినవాడు మూర్ఖుడే. చక్కని పూరణ. అభినందనలు.
శంకరార్యా! ధన్యవాదములు.
రిప్లయితొలగించండిగురువుగారూ ధన్యవాదాలు.
రిప్లయితొలగించండిమాస్టారూ, టైపాటు సవరించినదులకు ధన్యవాదాలు. అంతే కదా, కట్టుకోవటానికి బట్టలు లేని వాడికి, తింటానికి తిండిలేని వాడికి, ఉండటానికి ఇల్లు లేని వాడికి నాలాంటి మరో మూర్ఖుడు తప్ప యెవరు మ్రొక్కుతారు, సార్?
రిప్లయితొలగించండిగురువుగారు ధన్యవాదములు
రిప్లయితొలగించండివక్కలు నములుచు పొగలను
రిప్లయితొలగించండితిక్కగ పీల్చుచు వదలుచు తీరని కోర్కెల్
నిక్కముగ తీర్చు వాడని
ముక్కంటికి మ్రొక్కువాఁడు మూర్ఖుఁడు జగతిన్
ప్రభాకర శాస్త్రి గారూ,
తొలగించండిమీ పూరణ బాగున్నది. అభినందనలు.
చక్కని యాలిని ద్రోలుచు
రిప్లయితొలగించండిప్రక్కన మాధురి నిడుమని పరిపరి విధముల్
ముక్కుచు మూల్గుచు గుడిలో
ముక్కంటికి మ్రొక్కువాఁడు మూర్ఖుఁడు జగతిన్