గోలి హనుమచ్ఛాస్త్రి గారూ, మీ పూరణ రంజింపజేసింది. అభినందనలు. ‘ఏం జనమో’ అనే వ్యావహారికి రూపాన్ని మార్చలేమా? * వసంత కిశోర్ గారూ, మీ రెండు పూరణలూ ఉత్తమంగా ఉన్నాయి. అభినందనలు. ‘జంజీరుల వేనవేలు చక్కగ నిలుపన్’ అంటే ఎలా ఉంటుందంటారు?
మిస్సన్న గారూ, మీ పూరణ మనోహరంగా ఉంది. అభినందనలు. * సంపత్ కుమార్ శాస్త్రి గారూ, ‘పంజాగుట్ట, బంజారాహిల్స్’ నేపథ్యంతో ఎవరూ పూరణలు చేయలేదు. నేను చేద్దామనుకునే లోగా మీరు చేసారు. సంతోషం. బాగుంది మీ పూరణ. అభినందనలు.
డా. మూర్తి మిత్రమా! "గంజాయి త్రాగి తురకల, సంజాతమున..." అనే పధ్ధతిలో వ్రాశాను. కానీ మన వికటకవి తెనాలి రామకృష్ణ కవి గారి మీద గౌరవంతో వేయలేదు. అది మీరందుకొని వేసినట్లు గా వున్నది. ధన్యోహం, మిత్రమా. మిగతా మిత్రుల పూరణలు అద్భుతం. నేను అనుకొన్న ఐడియాలన్నీ దాదాపుగా పూరణలలో కనిపించాయి. సంతోషము.
మిత్రులు చంద్రశేఖరుల వారికి కృతజ్ఞతలు. ఆశ పెట్టి వారు మొన్న మా పల్లెకు వచ్చినప్పుడు చంద్ర భాసురము తీసుకు రాలేదు. అయినా నేను మీ అందఱికీ కలంజము సమర్పించు కొంటున్నాను !!
తెచ్చాను సార్, మీకిద్దామనే, దారిలో పల్లెపడుచు కనిపించి, నా దగ్గర వున్నవన్నీ దోచుకొంది. దాని దగ్గర గుఱ్ఱ౦ కూడా వుంది. భయ"చివరకు మిగిలింది" మీ దగ్గరకు వచ్చింది. అది నేనే :-)
ఏం జనమో ! యిటు పెరిగిన
రిప్లయితొలగించండిఅంజనములు వేసి వెదుక హైదరబాదున్
రంజుగ రియలె స్టేటున
బంజరు భూములు దొరకవు పదికోట్లన్నన్ !
అందరికీ వందనములు !
రిప్లయితొలగించండిశాస్త్రీజీ ! బావుంది !
01)
___________________________________
వ్యంజితమది యెల్లరకును
జంజాటం బెక్కు వయ్యె ! - జాదూ గాళ్ళే
నంజుకొనగ నిండుకొనెను !
బంజరు భూములు దొరకవు - పదికోట్లన్నన్!
___________________________________
జాదూ గాళ్ళూ = మాయగాళ్ళు
మాయగాళ్ళు = మంత్రులు అధికారులు మొదలగువారు
02)
రిప్లయితొలగించండి___________________________________
లంజల పుత్రులు కొందరు
జంజీర్లే వేనవేలు - సలిపిన పిదపన్ !
గింజుకొనగ నేమి ఫలము ?
బంజరు భూములు దొరకవు - పదికోట్లన్నన్!
___________________________________
లంజ = లక్ష్మి
జంజీర్‌ = గొలుసు-సంకెల = దురాక్రమణ చేసి కంచె వేయుట
శ్రీగురుభ్యోనమ:
రిప్లయితొలగించండిగింజలు సైతము మొలవని
బంజరు భూములు దొరకవు పదికోట్లన్నన్
రంజిల్లెడు గృహకూటమి
పంజరములవోలె కట్టి ప్రజలందుండన్
గోలి హనుమచ్ఛాస్త్రి గారూ,
రిప్లయితొలగించండిమీ పూరణ రంజింపజేసింది. అభినందనలు.
‘ఏం జనమో’ అనే వ్యావహారికి రూపాన్ని మార్చలేమా?
*
వసంత కిశోర్ గారూ,
మీ రెండు పూరణలూ ఉత్తమంగా ఉన్నాయి. అభినందనలు.
‘జంజీరుల వేనవేలు చక్కగ నిలుపన్’ అంటే ఎలా ఉంటుందంటారు?
శ్రీపతి శాస్త్రి గారూ,
రిప్లయితొలగించండిఅపార్ట్మెంట్ వ్యవస్థను చక్కగా పూరణలో వినియోగించుకున్నారు. పూరణ చాలా బాగుంది. అభినందనలు.
మాస్టరు గారూ ! ధన్యవాదములు. మీ సూచన పై చిన్న సవరణ ...
రిప్లయితొలగించండికిశోర్ జీ ! ధన్యవాదములు.మీ రెండుపూరణలు బాగున్నాయి.
శ్రీపతి శాస్త్రి గారూ ! మంచి పూరణ .
పంజా విప్పెను దందా
అంజనములు వేసి వెదుక హైదరబాదున్
రంజుగ రియలె స్టేటున
బంజరు భూములు దొరకవు పదికోట్లన్నన్ !
పంజా విప్పిన జనన ప్ర
రిప్లయితొలగించండిభంజన మది చూడ నింక భావి జనులకున్
గంజియు దొరుకున? భువిపై
బంజరు భూములు దొరకవు పదికోట్లన్నన్
--- వెంకట రాజారావు . లక్కాకుల
శంకరార్యా ! చక్కని సవరణ ! ధన్యవాదములు !
రిప్లయితొలగించండిలక్కాకుల వెంకట రాజారావు గారూ,
రిప్లయితొలగించండిమీ పూరణ బాగుంది. అభినందనలు.
మొదటిపాదంలో ‘జననప్ర’అన్నప్పుడు సమాసాంతర్గతమైన ‘న’గురువై గణదోషం వస్తున్నది. ‘జనుల ప్ర’ అంటే సరి!
సంజయుఁడనువాఁడొకపరి
రిప్లయితొలగించండిబంజరు భూములనుఁ నమ్మ బలుకుచు నమ్మెన్
రంజనికి; పెరిగి నేడా
బంజరు భూములు దొరకవు పదికోట్లన్నన్ !
మిత్రుల పూరణలు సుందరముగా యున్నాయి,
రిప్లయితొలగించండిశ్రీ కృష్ణ రాయబార సందర్భములో కృష్ణునితో దుర్యోధనుడు :
కొంజకఁ గొనుటకుఁ బోయిన
బంజరు భూములు దొరకవు పది కోట్లన్నన్
కంజాతాక్షుడ ! సున్నయె
కుంజర యూధులకు ధరయు కురు రాజ్యములో !!!
కొంజు = సంశయించు , కంజాతము = పద్మము
నాలుగవ పాదములో టైపాటు
రిప్లయితొలగించండికుంజర యోధులకు ధరయు కురు రాజ్యములో
మందాకిని గారూ,
రిప్లయితొలగించండిబాగుంది మీ పూరణ. అభినందనలు.
*
గన్నవరపు నరసింహ మూర్తి గారూ,
మీ పూరణ బాగుంది. అభినందనలు.
కంజాక్షి! ఆంధ్ర ధారుణి-
రిప్లయితొలగించండికిం జనిన హిరణ్యగర్భు కింకర మూకల్
పంజా విప్పుట గననగు,
బంజరు భూములు దొరకవు పదికోట్లన్నన్!
పంజాగుట్టన నైనను
రిప్లయితొలగించండిపంజాబుననైననేమి ప్రతియొకచోటన్
పుంజిగ సెజ్జులు పెరిగిన
బంజరభూములు దొరకవు పదికోట్లన్నన్
పుంజిగ = సంవృద్ధిగ
మిస్సన్న గారూ,
రిప్లయితొలగించండిమీ పూరణ మనోహరంగా ఉంది. అభినందనలు.
*
సంపత్ కుమార్ శాస్త్రి గారూ,
‘పంజాగుట్ట, బంజారాహిల్స్’ నేపథ్యంతో ఎవరూ పూరణలు చేయలేదు. నేను చేద్దామనుకునే లోగా మీరు చేసారు. సంతోషం. బాగుంది మీ పూరణ. అభినందనలు.
మిత్రు లెవరూ గంజాయిని స్పృశించ లేదే !
రిప్లయితొలగించండిఒక రాజకీయపు రాజప్ప మరో యొడ్డన్నతో ;
గంజాయి విక్రమంబున
సంజనితము లైన సిరులు సంపద లొడ్డీ
భంజింపక రైతన్నల
బంజరు భూములు దొరకవు పది కోట్లన్నన్ !!!
డా. మూర్తి మిత్రమా! "గంజాయి త్రాగి తురకల, సంజాతమున..." అనే పధ్ధతిలో వ్రాశాను. కానీ మన వికటకవి తెనాలి రామకృష్ణ కవి గారి మీద గౌరవంతో వేయలేదు. అది మీరందుకొని వేసినట్లు గా వున్నది. ధన్యోహం, మిత్రమా.
రిప్లయితొలగించండిమిగతా మిత్రుల పూరణలు అద్భుతం. నేను అనుకొన్న ఐడియాలన్నీ దాదాపుగా పూరణలలో కనిపించాయి. సంతోషము.
మిత్రులు చంద్రశేఖరుల వారికి కృతజ్ఞతలు. ఆశ పెట్టి వారు మొన్న మా పల్లెకు వచ్చినప్పుడు చంద్ర భాసురము తీసుకు రాలేదు. అయినా నేను మీ అందఱికీ కలంజము సమర్పించు కొంటున్నాను !!
రిప్లయితొలగించండితెచ్చాను సార్, మీకిద్దామనే, దారిలో పల్లెపడుచు కనిపించి, నా దగ్గర వున్నవన్నీ దోచుకొంది. దాని దగ్గర గుఱ్ఱ౦ కూడా వుంది. భయ"చివరకు మిగిలింది" మీ దగ్గరకు వచ్చింది. అది నేనే :-)
రిప్లయితొలగించండిగన్నవరపు నరసింహ మూర్తి గారూ,
రిప్లయితొలగించండిగంజాయిపై మీ పూరణ బాగుంది.అభినందనలు.
‘విక్రయంబున’ టైపాటువల్ల ‘విక్రమంబున’ అయినట్లుంది ..?
గురువు గారూ మన్నించాలి . చూసారా గంజాయి విక్రమము !
రిప్లయితొలగించండిగంజాయి విక్రయంబున
సంజనితము లైన సిరులు సంపద లొడ్డీ
భంజింపక రైతన్నల
బంజరు భూములు దొరకవు పది కోట్లన్నన్ !
పంజాబు ప్రభుత మారగ
రిప్లయితొలగించండిజంజాటము జేసి నేడు జగడము లాడన్
గంజాయి నాటుకొనుటకు
బంజరు భూములు దొరకవు పదికోట్లన్నన్
ప్రభాకర శాస్త్రి గారూ,
రిప్లయితొలగించండిమీ పూరణ బాగున్నది. అభినందనలు.
మంజుల వాణీ వినవే!
రిప్లయితొలగించండిజంజాటమ్మేల మనకు జనప్రియ చాలున్!
తంజావూరపు నళినీ!
బంజరు భూములు దొరకవు పదికోట్లన్నన్!
బంజరు భూములు = బంజారా హిల్సు ఎస్టేట్లు