22, జులై 2011, శుక్రవారం

చమత్కార పద్యాలు - 109 (ప్రహేళిక)

మ.
చవితిన్ షష్ఠజుఁ డేగి, పంచమపతిస్థానంబు లంఘించి, యే
డవవాఁ డేలిన వీడుఁ జేరి, పదిలుండై యష్టమస్యందనో
ద్భవి వీక్షించి, తృతీయు చెంతకుఁ జతుర్థశ్రేణి నంపించి, యా
ది విరోధిన్ బెదరించి, యప్పురి ద్వితీయున్ నిల్పి వచ్చెన్ వెసన్.
(శ్రీ దీపాల పిచ్చయ్య శాస్త్రి గారి ‘చాటుపద్య రత్నాకరము’ నుండి)
కవిమిత్రులారా,
ఎవరికైనా సమాధానం తెలుసా?
తెలిస్తే క్రింది చిరునామాకు మెయిల్ పెట్టండి.
shankarkandi@gmail.com
వీరిచే పోస్ట్ చేయబడింది వద్ద

5 కామెంట్‌లు:

  1. కంది శంకరయ్యశుక్రవారం, జులై 22, 2011 5:17:00 PM

    గన్నవరపు నరసింహ మూర్తి గారూ,
    మీ సమాధానం నూటికి నూరు పాళ్ళూ సరి యైనది. అభినందనలు.

    రిప్లయితొలగించండి
  2. కంది శంకరయ్యశుక్రవారం, జులై 22, 2011 8:58:00 PM

    కోడీహళ్ళి మురళీ మోహన్ గారూ,
    మీ సమాధానం సరియైనది. అభినందనలు.

    రిప్లయితొలగించండి
  3. కంది శంకరయ్యశనివారం, జులై 23, 2011 6:21:00 AM

    గన్నవరపు నరసింహ మూర్తి గారి వ్యాఖ్య (22-7-2011. 9.55 am)

    ప్రహేళిక సమాధానము;
    అష్ట దిక్పాలకులు (1) ఇంద్రుడు (2)అగ్ని (3) యముడు (4)నైరృతి (5)వరుణుడు (6) వాయువు (7) కుబేరుడు (8) ఈశ్వరుడు
    వాయుదేవుని కుమారుడు ఆంజనేయుడు సముద్రము దాటి లంకకు చేరి ఈశ్వరుని రథమయిన భూదేవి కూతురు సీతమ్మ వారిని దర్శించి యముని వద్దకు రాక్షసులను ( నైరృతులను ) పంపించి ,ఆ పురికి నిప్పు పెట్టి వచ్చాడు. చక్కని రామాయణ గాధ.

    రిప్లయితొలగించండి
  4. కంది శంకరయ్యశనివారం, జులై 23, 2011 6:23:00 AM

    కోడీహళ్లి మురళీమోహన్ గారి వ్యాఖ్య (22-7-2011, 8.16 pm) ...

    షష్ఠజుడు = హనుమంతుడు (దిక్పాలకులలో ఆరవ వాడు = వాయువు)
    పంచమపతిస్థానము = సముద్రము (పంచమ = వరుణుడు)
    ఏడవవాఁ డేలిన వీడు = లంక (ఏడవవాడు = కుబేరుడు)
    అష్టమస్యందనోద్భవి = సీత (అష్టమ = ఈశ్వరుడు)
    తృతీయుడు = యముడు
    జతుర్థశ్రేణి = రాక్షసులు (చతుర్థ = నిరుతి
    ఆది విరోధి = రావణుడు (ఆది = ఇంద్రుడు)
    ద్వితీయుడు = అగ్ని

    రిప్లయితొలగించండి
  5. వసంత కిశోర్ఆదివారం, జులై 24, 2011 12:46:00 AM

    మూర్తిగారికి అభినందనలు !
    మోహన్ గారికి అభినందనలు !

    రిప్లయితొలగించండి

దీనికి సబ్‌స్క్రయిబ్ చేయి: కామెంట్‌లను పోస్ట్ చేయి (Atom)