రాముఁ డెవ్వరిఁ గూడి రావణు మర్దించె?
పరవాసుదేవుని పట్ణ మేది?
రాజమన్నారు చే రంజిల్లు శర మేది?వెలయ నాలుగువంటి విత్తమేది?
సీతను జేకొనఁ జెఱచిన ధను వేది?సభవారి నవ్వించు జాణ యెవఁడు?
అల రంభ తుఱుములో నలరు మాలిక యేది?శ్రీకృష్ణుఁ డేయింటఁ జెలఁగుచుండె?
తే. గీ.అన్నిటికిఁ జూడ నైదేసి యక్షరమ్ము
లొనర నిరుదెసఁ జదివిన నొక్క తీరె
చెప్పఁగల్గిన నే నిత్తు జిన్నమాడ
చెప్పలేకున్న నవ్వుదుఁ జిన్ని నవ్వు.
(శ్రీ దీపాల పిచ్చయ్య శాస్త్రి గారి ‘చాటుపద్య రత్నాకరము’ నుండి)
కవిమిత్రులారా!ఎవరైనా సమాధానం చెప్పగలరా?
శ్రీగురుభ్యోనమ:
రిప్లయితొలగించండిరాముడెవ్వరిగూడి రావణు మర్ధించె = తోకమూకతో
వాసుదేవునిపట్నము = రంగనగరం
రాజమన్నరుచే రంజిల్లు శరము = కిటికోటికి
నాలుగు వంటి విత్తు = జంబీరబీజం
సీతనుజేకొన జెరచిన ధనువు = పంచాస్త్రచాపం
సభవారినవ్వించు జాణ = వికటకవి
రంభ తురుములో నలరు మాలిక = మందారదామం
శ్రెకృష్ణుడేయింట జెలగుచుండె = నందసదనం
గురువుగారి దయవల్ల ఈరోజు పాత పెద్దబాలశిక్షను వెదకి పరిశీలించి వ్రాస్తున్నను. ఇందులో నా ప్రజ్ఞ ఏమీ లేదు.
గోలి హనుమచ్ఛాస్త్రి గారి వ్యాఖ్య ...
రిప్లయితొలగించండిశంకరార్యా ! సమాధానములు పంపుచున్నాను. చిత్తగించండి .
రాముఁ డెవ్వరిఁ గూడి రావణు మర్దించె? = తోకమూకతో
పరవాసుదేవుని పట్ణ మేది? = రంగనగరం
రాజమన్నారు చే రంజిల్లు శర మేది? = లకోరికోల
వెలయ నాలుగువంటి విత్తమేది? = జంబీరబీజం
సీతను జేకొనఁ జెఱచిన ధను వేది? = పంచాస్త్రచాపం
సభవారి నవ్వించు జాణ యెవఁడు? = వికటకవి
అల రంభ తుఱుములో నలరు మాలిక యేది? = మందారదామం
శ్రీకృష్ణుఁ డేయింటఁ జెలఁగుచుండె? = నందసదనం
(ఇదికూడా పెద్దబాల శిక్షలో చదివానండీ )
గురువుగారికి జన్మదినశుభాకాంక్షలు!
రిప్లయితొలగించండిగురువుగారూ పై పద్యం, జవాబులూ చిన్నప్పుడు ఎక్కాల పుస్తకంలో చదివేను.
రిప్లయితొలగించండిమురళీ మోహన్ గారూ,
రిప్లయితొలగించండినిజమే సుమా! ఈ రోజు నా పుట్టినరోజని మీరు చెప్పేదాకా గుర్తుకు రాలేదు.
ఉదయాన్నే గుర్తుకు తెచ్చి శుభాకాంక్షలు తెలిపినందుకు ధన్యవాదాలు.
ఈ పద్యం, సమాధానాలు అందరికి తెలిసినవే కదా! అందువల్ల ప్రత్యేకంగా సమాధానాలు ప్రకటించడం లేదు.
రిప్లయితొలగించండిసమాధానాలు పంపిన గోలి హనుమచ్ఛాస్త్రి, శ్రీపతి శాస్త్రి గారలకు అభినందనలు.
శ్రీపతి శాస్త్రి గారూ,
మీరు చూసిన పెద్ద బాలశిక్షలో ‘కిటికోటికి’ అనే ఉందా?
హార్ధిక జన్మదినశుభాకాంక్షలు
రిప్లయితొలగించండిశంకరార్యా ! జన్మ దిన శుభాకాంక్షలు !
రిప్లయితొలగించండికోడీహళ్ళి మురళీ మోహన్ గారూ,
రిప్లయితొలగించండిజ్యోతి గారూ,
వసంత కిశోర్ గారూ,
ధన్యవాదాలు.