20, జులై 2011, బుధవారం

సమస్యా పూరణం -399 (దురితద్యూతమున నోడె)

కవి మిత్రులారా,
ఈ రోజు పూరించ వలసిన సమస్య ఇది ........
దురితద్యూతమున నోడె దుర్యోధనుఁడే!
ఈ సమస్యను పంపిన చంద్రశేఖర్ గారికి ధన్యవాదాలు.

17 కామెంట్‌లు:

  1. సరి ధర్మ రాజు చిత్తుగ
    దురితద్యూతమున నోడె; దుర్యోధనుఁడే
    మరిమరి మామయె తోడుగ
    పరిపరి విధముల బిగించి పందెము లొడ్దన్!

    రిప్లయితొలగించండి
  2. అందరికీ వందనములు !
    శాస్త్రీజీ ! బావుంది !

    01)
    ___________________________________

    మురహరి దన్నుగ నుండగ
    స్థిరముగ రాజ్యమును బొంద - జేసిరి వధనే
    చరమము గాంచిన యంతట
    దురితద్యూతమున నోడె - దుర్యోధనుఁడే!
    ___________________________________

    రిప్లయితొలగించండి
  3. దురితపు చతురతఁ నేరక
    పరమాత్మునిఁ నమ్మువాఁడు ఫలమున్ పొందెన్.
    సరియగు దుర్గతి పాలై
    దురితద్యూతమున నోడె దుర్యోధనుఁడే!

    ధర్మరాజు ఓడి గెలిస్తే, దుర్యోధనుడు గెలిచి ఓడాడు.

    రిప్లయితొలగించండి
  4. శ్రీపతిశాస్త్రిబుధవారం, జులై 20, 2011 9:13:00 AM

    శ్రీగురుభ్యోనమ:

    మురిసెను తను గెలిచితినని
    దురిత ద్యూతమున, నోడె దుర్యోధనుడే
    అరివీరుండా భీముడు
    సరి వారల గూల్చ దాను సమరము నందున్

    రిప్లయితొలగించండి
  5. పాండవులు :

    02)
    ___________________________________

    శరణంటిరి శ్రీకృష్ణుని !
    కరుణామయు దయ గలిగెను ! - కదనము నందున్
    మరణించగ కౌరవులును
    దురితద్యూతమున నోడె - దుర్యోధనుఁడే!
    ___________________________________

    రిప్లయితొలగించండి
  6. పరివారమునందొకడిగఁ
    గురువరునాంతరికునిగనుకోరినడచుచున్
    వరుసకుమామయగుశకుని
    దురితద్యూతమున నోడె - దుర్యోధనుఁడే!

    రిప్లయితొలగించండి
  7. సంపత్ కుమార్ శాస్త్రిబుధవారం, జులై 20, 2011 2:06:00 PM

    అరివీరభయంకరులను,
    పరిమార్చ కుతంత్రములను పన్నిన వాడై,
    మరి రణము జచ్చె హతవిధి,
    దురితద్యూతమున నోడె దుర్యోధనుడే.

    రిప్లయితొలగించండి
  8. కురుసభ సాక్షిగ ద్రౌపది
    కురులీడ్చివలువలొలుచుట ఘోరము గాదే,
    ధరనేలగ తాబన్నిన
    దురిత ద్యూతమున, నోడెదుర్యోధనుడే !!!

    రిప్లయితొలగించండి
  9. వరపుత్త్రుఁడు సతి,ననుజులఁ
    దురితద్యూతమున నోడె; దుర్యోధనుఁడే
    కురు వంశ వధువుఁ గోపపు
    గురియై చచ్చెను రణమునఁ ఘోరపు భంగిన్.

    రిప్లయితొలగించండి
  10. కురు రాజ్యపు బరిలో భా-
    స్కర సూనుడు, శకుని యనెడు ఘన పాచికలన్
    చరచర జరిపెన్, చివరకు
    దురితద్యూతమున నోడె దుర్యోధనుఁడే!

    రిప్లయితొలగించండి
  11. డా. గన్నవరపు నరసింహ మూర్తి గారి పూరణ ....

    తరుణము గాకను ధర్మజు
    దురిత ద్యుతమున్ నోడె; దుర్యోధనుడే
    మరణము దవ్వులఁ గాంచెనొ
    పరిభావము జేసె ద్రుపద పాలకు సుతనున్

    రిప్లయితొలగించండి
  12. గోలి హనుమచ్ఛాస్త్రి గారూ,
    మీ పూరణ చాలా బాగుంది. అభినందనలు.
    *
    వసంత కిశోర్ గారూ,
    మీ రెండు పద్యాలూ బాగున్నాయి. అభినందనలు.
    కాని సమస్య అన్వయమే ఇబ్బంది పెడుతున్నది.
    *
    మందాకిని గారూ,
    మీ రెండు పూరణలూ బాగున్నాయి. అభినందనలు.
    రెండవపూరణలో ‘వధువుఁ గోపపు/గురియై’ అన్నచోట ‘వధువుఁ నలుకకు/గురియై’ అంటే బాగుంటుంది కదా!
    *
    శ్రీపతి శాస్త్రి గారూ,
    ఉత్తమంగా ఉంది మీ పూరణ. అభినందనలు.
    *
    ఊకదంపుడు గారూ,
    అద్భుతంగా ఉంది మీ పూరణ. అభినందనలు.
    శకుని కౌరవవినాశనాన్ని కోరాడనే కథ ప్రచారంలో ఉంది. అదెంతవరకు సత్యమో?
    *
    సంపత్ కుమార్ శాస్త్రి గారూ,
    పద్యం అద్భుతంగా ఉంది. అభినందనలు.
    కాని సమస్య అన్వయిస్తున్నదా అని చిన్న సందేహం!
    *
    మంద పీతాంబర్ గారూ,
    మీ పూరణ చాలా బాగుంది. అభినందనలు.
    *
    మిస్సన్న గారూ,
    మీ పూరణ సర్వశ్రేష్ఠంగా ఉంది. అభినందనలు.
    *
    డా. గన్నవరపు నరసింహ మూర్తి గారూ,
    చక్కని పూరణ నిచ్చారు. అభినందనలు.
    ‘ధర్మజు’ అన్నచో ప్రత్యయలోపం. అర్థం చెడకుండా సవరణ చేయడం కుదరడం లేదు.

    రిప్లయితొలగించండి
  13. శంకరార్యా ! ధన్యవాదములు !
    జీవితమనే పాచిక లాటలో చివరకు
    పాండవుల చేత హతుడైన దుర్యోధనుడే ఓడి పోయాడని నా భావం !

    రిప్లయితొలగించండి
  14. పరిపరి కాదని చివరకు
    పరిపాలన గోరి విరిచి భంగమ్మాయె
    న్నరయగ నాకథ యెటులన
    దురితద్యూతమున నోడె దుర్యోధనుఁడే!

    రిప్లయితొలగించండి
  15. Priyanka calls Modi "Duryodhan":

    కరచుచు మమ్మిని డాడిని
    వరపుత్రుండౌ బ్రదరును భండనమందున్
    కురియగ నా దూషణములు
    దురితద్యూతమున నోడె దుర్యోధనుఁడే!

    రిప్లయితొలగించండి