కవిమిత్రులారా, మందాకిని, సంపత్ కుమార్ శాస్త్రి గారలు తప్ప ఈరోజు ఇంకెవరూ పూరణలు పంపలేదు. అందరూ ఒక్కసారే అలిగారా? నా వల్ల ఏమైనా తప్పు జరిగిందా? చెప్తే సరిదిద్దుకుంటాను.
శ్రీపతి శాస్త్రి గారూ, కలలకు కళారూపాన్నిచ్చిన మీ పూరణ చాలా బాగుంది. అభినందనలు. * మిస్సన్న గారూ, కల్లోలపరచే అలలను కల్లజేసిన మీ పూరణ బాగుంది. అభినందనలు. * గన్నవరపు నరసింహ మూర్తి గారూ, మీ పూరణ ప్రశస్తంగా ఉంది. అభినందనలు.
దురిత చరితులైన దుష్టులు కనునట్టి
రిప్లయితొలగించండికలలు కల్లలైన గలుగు సుఖము.
పతిత పావనుండు, పరమాత్ముని దయను
సర్వలోక హితము సతతమొనరు.
లేత ప్రాయమందు లేమతాళగఁలేదు
రిప్లయితొలగించండికలలు కల్లలైన; గలుగు సుఖము
కోర్కెలన్నిఁ దీరఁ కోమలాంగులకును.
నిజము నీకుఁ నెఱుక నిర్మలాత్మ!
మందాకిని గారూ,
రిప్లయితొలగించండిమీ రెండు పూరణలూ బాగున్నాయి. అభినందనలు.
గురువు గారూ, ధన్యవాదములు.
రిప్లయితొలగించండితెలుగు జాతి యొక్క సమైక్యతే ధ్యేయముగ భావించే మనిషిగా వ్రాస్తున్న పద్యాలు. ఎవరిని కించ పరచడానికి కాదని మరీ మరీ మనవి చేస్తూ........
రిప్లయితొలగించండివేరు రాష్ట్రమంచు వేర్పాటు వాదమ్ము
పెంచి, శాంతి బాపి, భీతి గొలిపి,
ప్రజల హింస పెట్టు ప్రాంతీయ నేతల
కలలు కల్లలైన గలుగు సుఖము.
ఏకరాష్ట్రమంచు ఇష్టానుసారమ్ము
చెలగి, వృద్ధి నాపి, గోల చేసి,
ప్రజల హింస పెట్టు ప్రాంతీయ నేతల
కలలు కల్లలైన గలుగు సుఖము.
సంపత్ కుమార్ శాస్త్రి గారూ,
రిప్లయితొలగించండికాలోచితమైన మీ పూరణలు చాలా బాగున్నాయి. మీరు ఎవరికీ సంజాయిషీ ఇచ్చుకోవలసిన అవసరం లేదు. మీరు చెపినవి అక్షరసత్యాలు. ధన్యవాదాలు.
కవిమిత్రులారా,
రిప్లయితొలగించండిమందాకిని, సంపత్ కుమార్ శాస్త్రి గారలు తప్ప ఈరోజు ఇంకెవరూ పూరణలు పంపలేదు. అందరూ ఒక్కసారే అలిగారా? నా వల్ల ఏమైనా తప్పు జరిగిందా? చెప్తే సరిదిద్దుకుంటాను.
ధన్యవాదములు గురువుగారు.
రిప్లయితొలగించండిసంపత కుమార్ శాస్త్రి గారూ! రెండు అద్భుతమైన పూరణ లిచ్చారు. అభినందనలు.
రిప్లయితొలగించండిశ్రీగురుభ్యోనమ:
రిప్లయితొలగించండికనులు కలిగినపుడు కలలవి సహజము
కలలలోన పీడకలలు నుండు
మంచి కలలు గనిన మనసు రంజిల్లును
కలలు కల్లలైన,కలదు సుఖము
(డా.సినారె గారికి కృతజ్ఞతతో) కలలు కల్లలే అని తెలిసినా మంచికలలు ఆనందాన్నిస్తుంది.
గురువుగారు నెట్ ప్రాబ్లం.
సంద్ర మందు నలలు చయ్యన లేచెను
రిప్లయితొలగించండిగాలి వాన కతన, కావు మనుచు
పల్లె లోని స్త్రీలు ప్రార్థింప నుప్పొంగ-
కలలు కల్లలైనఁ గలుగు సుఖము.
సంపత్ కుమార్ శాస్త్రి గారూ చక్కని పూరణలు అందించారు.అభినందనలు
రిప్లయితొలగించండిగోలి హనుమచ్ఛాస్త్రిగారూ,గణాధిపతిలా ముందు ఉండాల్సిన మీరు హనుమంతునిలా చివర వచ్చినా బాగుగానె వుంటుంది. మీరు రాకపోతె ఈబ్లాగుకు అందము, మాకు ఆనందము కలుగదు.
రిప్లయితొలగించండిగన్నవరపు నరసింహ మూర్తి గారి పూరణ ....
రిప్లయితొలగించండిమిత్రు లందఱి పూరణలు మనోజ్ఞముగా ఉన్నాయి.
విశ్వ శాంతిఁ గోరు విమలపు ధర్మమ్ము
సకల భూత రాశి స్వస్తి ప్రదము
అట్టి ధర్మ మవని నణగఁ జూచెడి వారి
కలలు కల్ల లైనఁ గలుగు సుఖము.
గన్నవరపు నరసింహ మూర్తి గారి వ్యాఖ్య ...
రిప్లయితొలగించండిసకల భూత రాశి స్వస్తి గూర్చు ( గా రెండవ పాదము సవరిస్తున్నాను గణ భంగము తొలగ డానికి )
మిస్సన్న గారికి, మరియు శ్రీపతి శాస్త్రి గారికి నా దన్యవాదములు తెలియజేసుకొంటున్నాను.
రిప్లయితొలగించండిశ్రీపతి శాస్త్రి గారూ,
రిప్లయితొలగించండికలలకు కళారూపాన్నిచ్చిన మీ పూరణ చాలా బాగుంది. అభినందనలు.
*
మిస్సన్న గారూ,
కల్లోలపరచే అలలను కల్లజేసిన మీ పూరణ బాగుంది. అభినందనలు.
*
గన్నవరపు నరసింహ మూర్తి గారూ,
మీ పూరణ ప్రశస్తంగా ఉంది. అభినందనలు.
అందరికీ వందనములు !
రిప్లయితొలగించండిఅందరి పూరణలూ అలరించు చున్నవి !
లంకలో సీత :
01)
___________________________________
కామ మోహితుండు - కపట వేషంబున
కల్ల లాడి నన్ను - కాఱు జేసె !
కరుణ హృదయు, రాము - కఱకు వలన వీని
కలలు కల్ల లైనఁ - గలుగు సుఖము !
___________________________________
కాఱు = మాయ
కఱకు - పరాక్రమము
శ్రీపతి శాస్త్రి గారూ! మీ అభిమానమునకు ధన్యవాదములు.
రిప్లయితొలగించండితెలుగుతల్లి స్వగతం
మాతృ భాష వదలి మరి యాంగ్ల మందున
మాటలాడి యొరుల మన్ననలను
పొంద నెంచు యువత 'పుట్టెడు, తట్టెడు '
కలలు కల్లలైనఁ గలుగు సుఖము.