మనుజుని యాకార మహిమకు మొద లెద్ది?
నగవైరివైరి దౌ నగర మెద్ది?
రఘుపతి కాచిన రాక్షసాండజ మెద్ది?శిబి కర్ణు లార్జించు చెలువ మెద్ది?
పంచబాణుని వింటఁ బరగెడు రుచి యెద్ది?గిరిపతి భుజియించు గిన్నె యెద్ది?
నయనాంగరక్షకు ననువైన బల మెద్ది?చెలఁగి మానముఁ గాచు చె ట్టదెద్ది?
తే. గీ.అన్నిటికిఁ జూడ రెండేసి యక్కరమ్ము
లాదు లుడుపంగఁ దుదలెల్ల నాదు లగును;
చెప్పునాతఁడు భావజ్ఞ శేఖరుండు
లక్షణోపేంద్ర! కృష్ణరాయక్షితీంద్ర!
(శ్రీ దీపాల పిచ్చయ్య శాస్త్రి గారి ‘చాటుపద్య రత్నాకరము’ నుండి)
కవిమిత్రులారా!ఎవరైనా సమాధానం చెప్పగలరా?
మనుజుని యాకార మహిమకు మొద లెద్ది? - తల
రిప్లయితొలగించండినగవైరివైరి దౌ నగర మెద్ది? - లంక
రఘుపతి కాచిన రాక్షసాండజ మెద్ది? - కాకి
శిబి కర్ణు లార్జించు చెలువ మెద్ది? - కీర్తి
పంచబాణుని వింటఁ బరగెడు రుచి యెద్ది? - తీపి
గిరిపతి భుజియించు గిన్నె యెద్ది? - పుర్రె
నయనాంగరక్షకు ననువైన బల మెద్ది? - రెప్ప
చెలఁగి మానముఁ గాచు చె ట్టదెద్ది? - పత్తి
మురళీ మోహన్ గారూ ! భలే చెప్పారు. అభినందనలు.
రిప్లయితొలగించండిమోహన్ జీ ! బావుంది !
రిప్లయితొలగించండిశంకరార్యా !
రిప్లయితొలగించండి"ఆదులుడుపంగ దుదలెల్ల నాదు లగును"
అంటే ఏమిటి ?
కవిమిత్రులారా,
రిప్లయితొలగించండికోడీహళ్ళి మురళి మోహన్ గారూ సరైన సమాధానాలు ఇచ్చినందున, వివరణ అవసరం లేనందున ‘ప్రహేళిక సమాధానం’ అని ప్రత్యేకంగా పోస్ట్ పెట్టడం లేదు.
కోడీహళ్ళి మురళీమోహన్ గారూ,
రిప్లయితొలగించండిధన్యవాదాలు, అభినందనలు.
వసంత కిశోర్ గారూ,
రెండక్షరాల సమాధానంలోని మొదటి అక్షరాన్ని వదిలితే మిగిలిన రెండవ అక్షరం తరువాతి సమాధానానికి మొదటి అక్షరం అవుతుంది.
మొదటి సమాధానం ‘తల’లోని మొదటి అక్షరం ‘త’ను తొలగిస్తే మిగిలిన ‘ల’ రెండవ సమాధానానికి మొదటి అక్షరం అవుతుంది. రెండవ సమాధానం ‘లంక’. ఇలాగే మిగిలినవీ.
ఈ రోజు ఇస్తున్న ప్రహేళిక ఇలాంటిదే. ప్రయత్నించండి.
శంకరార్యా ! ధన్యవాదములు !
రిప్లయితొలగించండినేను రెండూ ఒకే అక్షరాలు ఉండాలనుకున్నాను !
మొదటిది తీసేస్తే రెండవదే మొదటిది అవ్వాలనుకున్నా !
గురువుగారూ,
రిప్లయితొలగించండినగవైరికి శత్రువులు రాక్షసులందరూ కాబట్టి తేల్చుకోలేకపోయాను. అది తప్ప మిగతావన్నీ తెలిశాయి. కానీ
లాదు లుడుపంగఁ దుదలెల్ల నాదు లగును;
ఈ పాదం తికమక పెట్టింది. ఈ తుది అక్షరాలతో ఏదైనా పెద్ద పదం రావాలేమో అని అనుకుని ఆ పదాలతో ఏ పదమూ రాక మౌనంగా ఊరుకున్నాను. అయ్యో!
మందాకిని గారూ,
రిప్లయితొలగించండిఈనాటి ప్రహేళికను ప్రయత్నించండి. విజయోऽస్తు!