గురువు గారూ, ధన్యవాదములు. మరుగున పడ్డ లోపాలేమిటో తెలుసుకోకపోతే నిద్రపట్టదు. దయచేసి మీరు నిస్సంకోచంగా దోషవిచారణ చేయండి. సరిదిద్దుకోవటానికి ప్రయత్నిస్తాను. "ముచ్చటైనది" గ్రామ్యమా? ముచ్చటగొలుపు అంటే ? లోకపు పాలు అనే అర్థానికి లోకపాలు అని పదం తప్పుగా వాడుకున్నానంటారా? లేక గణదోషాలా?
మందాకినిగారూ , సంపత్ కుమార్ శాస్త్రి గారూ , లోక పాలు = లోకము పాలు , లేదా , లోకుల పాలు అనే అర్థంలో వాడలేము . ' లోక ' సంస్కృతం. ' పాలు ' తెలుగు . సూక్ష్మంగా గ్రహించదగినదేమంటే సంస్కృత పదం మీద తెలుగు రాదు , అదిన్నూ సమాస ఘటనంలో . ఇలాంటి సందర్భాలలో పుంప్వాదేశం ఉండనే ఉందికదా ! సంపత్ కుమార్ శాస్త్రి గారూ , " తాను ఖర్చును జేయడు దానమొసగ / డెంత " అని అంటే మేలు ...మూడవపాదంలో యతి సరి చూడగలరు... శ్రీపతిగారూ , " ఐదు గ్రామంబులిచ్చిన నంతె చాలు ; ---- నాలుగే యయిన చాలు " యడాగమంకోసం సవరణలు . ఇవ్వనోర్పడు బదులు ' ఈ దలంపడు ' మేలు ! " ఇవ్వ " శబ్ద సాధుత్వాసాధుత్వాల గురించి పెద్ద చర్చే జరిగింది కదా !
ఈరోజు విశ్రాంత సమయం .... అందుకే కాస్త స్వేచ్ఛ తీసుకున్నాను . శంకరయ్యగారూ , మన్నింపగలరు .
డా.విష్ణునందన్ గారు, మంచి పాఠం, ధన్యవాదాలు. "ఇవ్వ" అనేది యేరకంగా వాడకూడదో, మరి ప్రత్యామ్నాయ పదం చూపించి చెప్పారు. మీకు ఈ రకంగా తీరిక దొరకటం మాకు మేలు:-)
చెడ్డ వారిని నిలబెట్టి చెరిగి వేసి
రిప్లయితొలగించండిమంచి వ్యక్తుల నిలబెట్టి మనము కలసి
ప్రజల పాలన నందరు పాలుగొనగ
లోకపాలు లేకున్నను లోటు లేదు.
వ్యంగ్యోక్తిలో:
రిప్లయితొలగించండిలోకపాలు లేకున్నను లోటు లేదు
దేశమేగతి పోయిన దిక్కు లేదు
కోటి నిధులవి పోయిన కోపమేల
కడకు జోలెకూడె మనకు గతి యగునట!
చేయు పాపము హరియించు జేసు ప్రభువు
రిప్లయితొలగించండికల్మషమ్ములు కరగించు గంగ మునుగు
విశ్వ సంపద దాచంగ స్విస్సు పుట్ట
లోకపాలు లేకున్నను లోటు లేదు.
ముచ్చటైనది, పలుకులు మోహ పఱచు
రిప్లయితొలగించండిమనదు భాషను విడువగ మనము నిమ్న
లోకపాలు! లేకున్నను లోటు లేదు
ఆంగ్ల పదములు! వద్దొకొ! ఆంధ్ర మెఱుగు,
విశ్వ శ్రేయస్సు గోరెడు విబుధులకును,
రిప్లయితొలగించండిదీనజన సేవలోగల ధీయుతులకు,
ప్రజల కాంక్షల నెరవేర్చు పాలకులకు
లోకపాలు లేకున్నను లోటులేదు
తే.గీ: సంజయుడు వచ్చి యిట్లనె " సంగరమున
రిప్లయితొలగించండివచ్చు నెత్తుటి కూడేల ? వలదు నీకు
ధర్మ రాజ ! విను ! వినుత ధర్మవిబుధ
లోక ! పాలు లేకున్నను లోటు లేదు .
--- వెంకట రాజారావు . లక్కాకుల
--- బ్లాగు: సుజన సృజన
గోలి హనుమచ్ఛాస్త్రి గారూ,
రిప్లయితొలగించండిచక్కని పూరణ. అభినందనలు.
చంద్రశేఖర్ గారూ,
వ్యంగ్యాత్మకమైన మీ పూరణ బాగుంది. అభినందనలు.
గన్నవరపు నరసింహ మూర్తి గారూ,
‘విశ్వ సంపద దాచంగ స్విస్సు పుట్ట’ ఎంత బాగా చెప్పారు? మంచి పూరణ. అభినందనలు.
మందాకిని గారూ,
మాతృభాషాభిమానం లేని వాళ్ళను పాతాళానికి త్రొక్కేసారు. బాగుంది మీ పూరణ. చక్కని విషయం చెప్పారు కనుక లోపాలు మరుగున పడ్డాయి. అభినందనలు.
మంద పీతాంబర్ గారూ,
రిప్లయితొలగించండిమీ పూరణ ఉత్తమంగా ఉంది. అభినందనలు.
‘విశ్వశ్రేయస్సు’ అన్నప్పుడు ‘శ్వ’గురు వవుతుంది. ‘విశ్వసంక్షేమమును గోరు విబుధులకును" అందాం.
లక్కాకుల వెంకట రాజారావు గారూ,
మీ పూరణ వైవిధ్యంగా, సర్వశ్రేష్ఠంగా ఉంది. అభినందనలు.
గురువు గారూ, ధన్యవాదములు. మరుగున పడ్డ లోపాలేమిటో తెలుసుకోకపోతే నిద్రపట్టదు. దయచేసి మీరు నిస్సంకోచంగా దోషవిచారణ చేయండి. సరిదిద్దుకోవటానికి ప్రయత్నిస్తాను. "ముచ్చటైనది" గ్రామ్యమా? ముచ్చటగొలుపు అంటే ?
రిప్లయితొలగించండిలోకపు పాలు అనే అర్థానికి లోకపాలు అని పదం తప్పుగా వాడుకున్నానంటారా?
లేక గణదోషాలా?
తాను ఖర్చును జేయడు దానమివ్వ,
రిప్లయితొలగించండిడెంత సంపాదనము జేసి యేమి ఫలము,
కడకు పీనాసి జనులయా ధనము రాజ
లోకపాలు, లేకున్నను లోటు లేదు.
పిసినారుల ధనమంతా రాజులకే చెందుతుందని కదా ప్రశస్తి.
రాజలోక పాలు = రాజులపాలవడము అనే అర్థములో వాడినాను. సరైన ప్రయోగమేనా గురువు గారూ??
శంకరార్యా ! ధన్యవాదములు
రిప్లయితొలగించండిశ్రీగురుభ్యోనమ:
రిప్లయితొలగించండిశ్రీకృష్ణపరమాత్మతో ధర్మరాజు పలికేమాటలు
ఐదు గ్రామంబులిచ్చిన యంతె చాలు
అదియు కాకున్న నాలుగే నైన చాలు
ఇవ్వ నోర్పడు రారాజు ఈశ బంధు
లోక, పాలు లేకున్నను లోటు లేదు
బంధులోక = బంధువులకు లోకమైనవాడా
మందాకినిగారూ , సంపత్ కుమార్ శాస్త్రి గారూ , లోక పాలు = లోకము పాలు , లేదా , లోకుల పాలు అనే అర్థంలో వాడలేము . ' లోక ' సంస్కృతం. ' పాలు ' తెలుగు . సూక్ష్మంగా గ్రహించదగినదేమంటే సంస్కృత పదం మీద తెలుగు రాదు , అదిన్నూ సమాస ఘటనంలో . ఇలాంటి సందర్భాలలో పుంప్వాదేశం ఉండనే ఉందికదా !
రిప్లయితొలగించండిసంపత్ కుమార్ శాస్త్రి గారూ , " తాను ఖర్చును జేయడు దానమొసగ / డెంత " అని అంటే మేలు ...మూడవపాదంలో యతి సరి చూడగలరు...
శ్రీపతిగారూ , " ఐదు గ్రామంబులిచ్చిన నంతె చాలు ; ---- నాలుగే యయిన చాలు " యడాగమంకోసం సవరణలు .
ఇవ్వనోర్పడు బదులు ' ఈ దలంపడు ' మేలు !
" ఇవ్వ " శబ్ద సాధుత్వాసాధుత్వాల గురించి పెద్ద చర్చే జరిగింది కదా !
ఈరోజు విశ్రాంత సమయం .... అందుకే కాస్త స్వేచ్ఛ తీసుకున్నాను . శంకరయ్యగారూ , మన్నింపగలరు .
విష్ణునందన్ గారూ, ధన్యవాదములు.
రిప్లయితొలగించండిడా.విష్ణునందన్ గారు, మంచి పాఠం, ధన్యవాదాలు. "ఇవ్వ" అనేది యేరకంగా వాడకూడదో, మరి ప్రత్యామ్నాయ పదం చూపించి చెప్పారు. మీకు ఈ రకంగా తీరిక దొరకటం మాకు మేలు:-)
రిప్లయితొలగించండికవి మిత్రులకు నాదొక విన్నపము -
రిప్లయితొలగించండిబ్లాగును నిర్వహించు ప్రతిభాయుతు లార్యులు శంకరయ్యగా
రీగతి జూచుచుండ- మనకేల విచారము జేయు దూల?బా
గోగుల గోల? సత్కవులకున్ గడు పెద్దరికమ్ము నిచ్చి,బా
గోగులు నిర్వహించు పని గూర్చగ నీయుడు శంకరార్యులన్
--- వెంకట రాజారావు . లక్కాకుల
శంకరార్యా !" లోకపాలు " అంటే ఏమిటో ???
రిప్లయితొలగించండిసంస్కృతంలో పొల్లు స్థానంలో ఉకారం ఉంటుందా? లోకపాలు అని కాకుండా లోకపాలిక అని వ్రాసుంటే బాగుండేది.
రిప్లయితొలగించండిPraveen Sarma http://patrika.teluguwebmedia.in
శర్మగారూ !ధన్యవాదములు !
రిప్లయితొలగించండిఏం పాలో తెలియక తల కొట్టు కొంటున్నాను !
ఇంతకీ " లోకపాలు " అంటే lokpal అనా ?
అర్థమైంది !
శంకరార్యా అంతేనా ?
వసంత కిశోర్ గారూ,
రిప్లయితొలగించండినిస్సందేహంగా అదే.
అందరికీ వందనములు !
రిప్లయితొలగించండిఅందరి పూరణలూ అలరించు చున్నవి !
01)
________________________________
నీతి లేనట్టి మంత్రుల - నిగ్గదీసి
కఠిన దండన చేయగా - కావలెనుగ
లోకపాలు ! లేకున్నను - లోటు లేదు
హూణ వనితల పాలనా - హొయలు మనకు !
________________________________
డా. విష్ణు నందన్ గారూ, ధన్యవాదములండి. మీయొక్క సవరణలు నాలోని ప్రతిభను మెరుగు పరచుననడములొ సందేహం లేదు.
రిప్లయితొలగించండి