23, అక్టోబర్ 2010, శనివారం

సమస్యా పూరణం - 131

కవి మిత్రులారా,
ఈ రోజు పూరించ వలసిన సమస్య ఇది ....
సొర చెట్టున బీరకాయ సొంపుగఁ గాచెన్.

18 వ్యాఖ్యలు:

  1. తరు వొక్కటి పెర డుండగ
    చిరు చిన్నది పాదు లుంచె జెట్టుకు మొదలన్
    చెరచెర మని ప్రాకంగను
    సొర, చెట్టున బీరకాయ సొంపుగఁ గాచెన్

    ప్రత్యుత్తరంతొలగించు
  2. ఎరువులు ఎచటివి వేసెనొ,
    బరువులు తరువుకు తగవని భావింపగనో,
    గురువులు బ్రహ్మము చెప్పెనొ !
    సొర చెట్టుకు బీర కాయ సొంపున గాచెన్!

    ప్రత్యుత్తరంతొలగించు
  3. ఇరువది కాయలు గాచెను
    సొరచెట్టున; బీరకాయ సొంపుగ గాచెన్
    మరియొక ఇరువది తట్టలు
    కురిసెనయా, రైతు ఇంట కోర్కెల వానల్!

    ప్రత్యుత్తరంతొలగించు
  4. మంత్రిప్రగడ వేంకట బాలసుబ్రహ్మణ్యంఅక్టోబర్ 23, 2010 9:19 AM

    గురువు గారూ,
    చిన్న సందేహం. సొర చెట్టు అనవచ్చా? సొర తీగ అనాలి కదా?

    - మంత్రిప్రగడ వేంకట బాలసుబ్రహ్మణ్యం

    ప్రత్యుత్తరంతొలగించు
  5. గురువర! పిచ్చుకపై మీ
    రరయక బ్రహ్మాస్త్ర మేయనగునే హాఁ! నా
    తరమా పూరింపగ నే
    సొర చెట్టున బీరకాయ సొంపుగఁ గాచెన్?

    ప్రత్యుత్తరంతొలగించు
  6. మర మనుషుల కాలంబున
    తెరువరియై మనిషి జేయ దీటుగ క్లోనింగ్
    అరయగ నచ్చెరువెందుకు?
    "సొర చెట్టున బీరకాయ సొంపుగఁ గాచెన్".

    ప్రత్యుత్తరంతొలగించు
  7. అరసితిరె నేటి వింతలు
    గురువర 'ఈనాడు'భూరి కూష్మాణ్డమున్,
    యెరుపగు బెండను కానగు
    సొర చెట్టున బీరకాయ సొంపుగఁ గాచెన్.
    (మరొక పూరణమండీ గురువుగారూ)

    ప్రత్యుత్తరంతొలగించు
  8. పీతంబర్ గారూ ధన్యవాదాలు.
    "పీతాంబరు కృతులు శీతాంశు రేఖలు
    గిలిగింతలిడు మేన పులకలూర"
    మీ పద్యాలు చాలా బావుంటాయి. ఎందులోనూ తీసిపోవు. దత్తపది-8 లో మీరు చేసిన బాసర వాణీ స్తుతి యెంతో హృద్యంగా నిత్యప్రార్థనా పద్యానికి తీసిపోని రీతిలో శోభిల్లుతోంది.గురుకృప మహత్తరమైనది. నమస్కారాలు.

    ప్రత్యుత్తరంతొలగించు
  9. నమస్కారమండీ ,మరొ పూరణ

    పరువెత్తి శిష్యు నుడివెను
    'సొర చెట్టున బీరకాయ సొంపుగఁ గాచెన్ '
    'పరమాత్మ వింత గాదుర
    పరిణామ ఫలము ' బలికెను ప్రవరుడు గురుడున్

    ప్రత్యుత్తరంతొలగించు
  10. చంద్రశేఖర్అక్టోబర్ 23, 2010 8:05 PM

    సరిగా పాదులు జేసితి
    ఎరగా వేసితి యెరువులు ఏపుగ పెరిగెన్
    మరి చిత్రము చీడట్టెన్
    సొర చెట్టున, బీరకాయ సొంపుగ( గాచెన్.

    మనవి: మా పెరట్లో యేటా జరిగేదే. మొదట్లో అన్నీ యేపుగా పెరుగుతాయి. చివర్లో దేనికో చీడ పడుతుంది, కాయ కాయదు.

    ప్రత్యుత్తరంతొలగించు
  11. పెరడున తరులకు యెరువులు
    మర మనుషులు వేసిరంత మర్మము తోడన్ !
    కొరమీనలు సొరచాపలు
    సొర చెట్టున బీరకాయ సొంపుగ గాచెన్ !

    ప్రత్యుత్తరంతొలగించు
  12. ధరనేలెడి మర నేతలు
    పుర వీధుల వెంట దిరిగి వరముల నియ్యన్ !
    పెరడున వనముల పెంచుడు
    సొర చెట్టున బీరకాయ సొంపుగ గాచెన్ !

    ప్రత్యుత్తరంతొలగించు
  13. అందరికీ నమస్కృతులు.
    ఈ రోజు మా మాతృదేవత ప్రథమ వర్ధంతి. ఆబ్దిక కార్యక్రమాలలో వ్యస్తుణ్ణై మీ పూరణలను పరిశీలించి, వ్యాఖ్యానించలేక పోతున్నాను. రేపు స్పందిస్తాను. ఈ రోజు ప్రహేళిక కూడ ఇవ్వలేక పోతున్నాను. క్షంతవ్యుణ్ణి.

    ప్రత్యుత్తరంతొలగించు
  14. చంద్రశేఖర్అక్టోబర్ 24, 2010 7:26 AM

    ధన్యురాలు.పునరావృత్తి రహిత స్వర్గ లోక ప్రాప్తిరస్తు!

    ప్రత్యుత్తరంతొలగించు
  15. దొరసానికి నాఫ్రికనుకు
    సరదాగా పెండ్లి జరిగి సఫలమ్మవగా
    హరిహరుడాయె నొబామా
    సొర చెట్టున బీరకాయ సొంపుగఁ గాచెన్

    ప్రత్యుత్తరంతొలగించు

  16. హరహర యని జంద్యమునిడి
    కొరగాకయె సోనియాకు కొడుకై పుట్టెన్
    ధరలో వింతేమున్నది:
    "సొర చెట్టున బీరకాయ సొంపుగఁ గాచెన్"

    ప్రత్యుత్తరంతొలగించు