నేదునూరి రాజేశ్వరి గారూ, మంచి భావంతో పద్యం చెప్పారు. అభినందనలు. కాని రెండవ, మూడవ పాదాలలో యతిదోషం ఉంది. నా సవరణతో మీ పద్యం .... దైవ మన్నను ప్రత్యక్ష దైవమె కద దైవ మేది యెవ్వరికైన ధరణిపైన ప్రాణమును ప్రీతితో బెట్టు పణముగాను దైవ మున్నదె సుతునకు తల్లి కంటె.
మాటలు, పద్యాలు చాలవు. మాతృమూర్తులకు నమస్కారములు.
రిప్లయితొలగించండిప్రాణ మిచ్చును దనువుకు త్రాణ తిచ్చు
ప్రోది గూర్చును నుదరము, మేది నందు
జన్మ నిచ్చును బెంచును శ్రమకు నోర్చు
దైవ మున్నదె సుతునకు తల్లి కంటె
శ్రీ శంకరయ్య గారికి నమస్కారం. మీ మాతృమూర్తి దివ్య స్మృతికి,
రిప్లయితొలగించండివెతల నెన్నింటి కోర్చెనో వెలుగు నీయ,
బ్రతుకు తీపిగా జేసెను భవ్య రీతి,
ఎల్ల లోకము లందున వెతుక,వేరె
దైవమున్నదె సుతునకు తల్లి కంటె!
'మాతృ దేవో భవ'యనెడి మంత్రమదియె
రిప్లయితొలగించండిచాలు వేద శాస్త్రాలవి చదవ నేల
చెప్పగలగదే పదమైన నింత కన్న
దైవ మున్నదె సుతునకు తల్లికంటె!
దైవ మున్నదె సుతునకు తల్లి కంటె
రిప్లయితొలగించండిదైవమే లేదు సుతునకు తల్లి దక్క
దైవ మెంతది సుతునకు తల్లి ముందు
నిజము ముమ్మాటికిని యిది నిజము నిజము
దైవ మన్నను ప్రత్యక్ష దైవ మేను
రిప్లయితొలగించండిదైవ మేదైన కలదిల నేరి కైన ?
ప్రాణ మిచ్చును పణముగ ప్రీతి తోడ
దైవ మున్నదె సుతునకు తల్లి కంటె ?
గన్నవరపు నరసింహ మూర్తి గారూ,
రిప్లయితొలగించండిధన్యవాదాలు.
మీ పద్యంలో "త్రాణతిచ్చు, మేదినందు" ప్రయోగాలు వ్యాకరణ రీత్యా దోషాలు. నా సవరణ .....
ప్రాణ మిచ్చును దనువుకు త్రాణము నిడు
ప్రోదు గూర్చును నుదరము భూమిపైన .............
మంద పీతాంబర్ గారూ,
రిప్లయితొలగించండిమంచి భావంతో పద్యాన్ని చెప్పారు. ధన్యవాదాలు.
మూడవ పాదంలో యతి తప్పించి. దానికి నా సవరణ .........
"అన్ని లోకమ్ము లందున నరయ వేఱె"
చంద్రశేఖర్ గారూ,
రిప్లయితొలగించండినిర్దోషంగా చక్కని పద్యం చెప్పారు. ధన్యవాదాలు.
మిస్సన్న గారూ,
రిప్లయితొలగించండిపద్యం బాగుంది. అభినందనలు.
నేదునూరి రాజేశ్వరి గారూ,
రిప్లయితొలగించండిమంచి భావంతో పద్యం చెప్పారు. అభినందనలు.
కాని రెండవ, మూడవ పాదాలలో యతిదోషం ఉంది. నా సవరణతో మీ పద్యం ....
దైవ మన్నను ప్రత్యక్ష దైవమె కద
దైవ మేది యెవ్వరికైన ధరణిపైన
ప్రాణమును ప్రీతితో బెట్టు పణముగాను
దైవ మున్నదె సుతునకు తల్లి కంటె.
నెలత - నెల తప్పి తొమ్మిది నెలలు మోసి
రిప్లయితొలగించండిరక్త మాంసమ్ములను పంచి రక్ష సేసి
పాప గాపాడు తన కనుపాప వోలె!!!
దైవమున్నదె సుతునకు తల్లి కంటె?
దైవ మన్నది కనరాదు దేవులాడ,
రిప్లయితొలగించండిదేవు డిచ్చెను మనిషికి దేహి యన, య
దే వరము తల్లి, వలదు సందేహ మనియె;
దైవమున్నదె సుతునకు తల్లి కంటె?
గోలి హనుమచ్ఛాస్త్రి గారూ,
రిప్లయితొలగించండిమీ పూరణ బాగుంది. అభినందనలు.