14, అక్టోబర్ 2010, గురువారం

ప్రహేళిక - 10

ఇతడెవరు?
తే.గీ.
గౌరి, ధనము, ననంతుఁడు, కత్తి, పసిడి,
డుల్లచేయుట యనునట్టి యెల్ల పదము
లమరు మూడక్షరంబుల నందు మొదటి
యక్షరంబులఁ జదివిన నభవుఁ డగును.

అతడెవరో చెప్పండి.

5 కామెంట్‌లు:

  1. గౌరి = చండిక,ధనము = ద్రవ్యము,అనంతుడు = శేషుడు,
    కత్తి = ఖడ్గము,పసిడి = రుక్మము,దుల్లసేయు = డులుచు
    సమాధానం = మన మిత్రులు చంద్రశేఖరుడు

    రిప్లయితొలగించు
  2. గన్నవరపు నరసింహ మూర్తి గారూ,
    అభినందనలు. మీ సమాధానం 100% కరెక్ట్.

    రిప్లయితొలగించు
  3. డా.గన్నవరపు గారూ, ధన్యోస్మి. నా పేరు నేనే చెప్పటం ఎందుకని, మీ చేత చెప్పించారు, శంకరయ్య మాష్టారు గారు.

    రిప్లయితొలగించు
  4. చాలా బాగుంది ఇంత చక్కని పేరుని ఎదురుగా ఉంచుకుని నేనెందుకు చెప్ప లేక పోయానబ్బా ? అభినందనలు.+ అందరికి " విజయ దశమి సుభా కాంక్షలు .

    రిప్లయితొలగించు
  5. మాస్టారూ, నమస్కారములు. ఓ సారి చంద్రశేఖర్ గారు, నా దగ్గఱకొచ్చి తన పేరు చంద్రశేఖర్ అని పరిచయం చేసుకొన్నారు. నేనూ చంద్రశేఖర్ నే అని బదులిస్తే, మీ పేరు నరసింహ మూర్తి కదా అని అడిగారు. అప్పుడు నేను సరదాగా వ్రాసిన పద్యం చెప్పాను.

    వంకర చంద్రుడు దలపై
    శంకరునకు భూష్యమయ్యె చనువుగ నాపై
    వంకర లేకనె పూర్ణిమ
    పంకజవైరరుగదెంచి పశుపతి గాంచెన్

    మరి నా నెత్తిమీద ఒక చందమామ ఉన్నపుడు నేను కూడా చంద్రశేఖరునే కదా ! ఆ చందమామ తన రాజ్యం పెంచుకు పోతున్నాడు. ఈ దినము పూర్వం ఒక ఈగ లాగ చంద్రశేఖరు గారు తన పేరు మఱచిపోతే మనం గుర్తు చెయ్యాల్సి వచ్చింది.

    రిప్లయితొలగించు