15, అక్టోబర్ 2010, శుక్రవారం

ప్రహేళిక - 11

ఈ గ్రంథం ఏమిటి?
ఆ.వె.
ధవుఁడు, మాల, బరువు, తరళమ్ము, తృప్తి, వా
ర్ధక్య మను పదములు త్ర్యక్షరములు;
మొదటి యక్షరములఁ జదివినఁ దెలిసెడి
గ్రంథమేదొ తెలుపఁ గలరె మీరు?

ఆ గ్రంథం పేరు చెప్పండి.

13 కామెంట్‌లు:

  1. ధవుడు - మగడు (లేక) మన్నీడు;
    మాల - హారము
    బరువు - భారము
    తరళము - రత్నము
    తృప్తి - తనివి
    వార్ధక్యము - ముదిమి
    సమాధానము: మహాభారతము

    రిప్లయితొలగించండి
  2. ధవుడు = మగడు, మాల = హారము, బరువు = భారము, తరళము = రంజిల్లు , తృప్తి = తనివి,వార్ధక్యము = ముదిమి
    సమాధానము = మహాభారతము

    రిప్లయితొలగించండి
  3. చంద్రశేఖర్ గారూ,
    అభిననందనలు. మీ సమాధానం 100% సరిపోయింది.

    రిప్లయితొలగించండి
  4. గన్నవరపు నరసింహ మూర్తి గారూ,
    స్థూలంగా మీ సమాధానం సరైనదే. అభినందనలు.
    కాని "తరళము"నకు మీరిచ్చిన అర్థం అది కాదు.

    రిప్లయితొలగించండి
  5. నాకు తట్టే మరో పదము తరళానికి రత్నము యేమో భారతములో ర కి సరిపోవాలి కదండీ. రేపు మీరు చెప్తారుగా, నేర్చుకొంటాను.

    రిప్లయితొలగించండి
  6. ధవుఁడు = మగడు / మనుష్యుడు
    మాల = హారము
    బరువు = భారము
    తరళమ్ము = (హారమధ్య) రత్నము
    తృప్తి = తనవి
    వార్ధక్యము = ముసలితనము
    వీటి ఆద్యక్షరాలలో కన్పించే గ్రంధము = మహాభారతము

    రిప్లయితొలగించండి
  7. మగడు, హారము ,భారము ,రత్నము తనివి,ముదిమి.=మహా భారతము .

    రిప్లయితొలగించండి
  8. టేకుమళ్ళ వెంకటప్పయ్య గారూ,
    అన్వేషి గారూ,
    చంద్రశేఖర్ గారూ,
    మంద పీతాంబర్ గారూ,
    గన్నవరపు నరసింహ మూర్తి గారూ,
    మీ అందరి సమాధానం సరిపోయింది. అభినందనలు.

    రిప్లయితొలగించండి
  9. -----, హారము, భారము, రత్నము, తనివి, ముదిమి
    మహాభారతము అనిపిస్తోంది. కానీ మొదటి మ ఎలా వస్తుందో తెలీలేదు.

    రిప్లయితొలగించండి
  10. మనుజుడు,హారము,భారము,రత్నము,తనివి,ముసలి తనము. = " మహా భారతము " అనుకుంటున్నాను.

    రిప్లయితొలగించండి
  11. మందాకిని గారూ,
    మొదటి పదం "మగడు". ఇప్పుడు మొదటి అక్షరం "మ" ఎలా అయిందో తెలిసింది కదా!

    రిప్లయితొలగించండి