20, అక్టోబర్ 2010, బుధవారం

సమస్యా పూరణం - 128

కవి మిత్రులారా,
ఈ రోజు పూరించ వలసిన సమస్య ఇది ....
బోధించుట రాని గురువె పూజ్యుం డయ్యెన్.

22 కామెంట్‌లు:

  1. వేదించు టె పని పాటై,
    శోధించును తప్పులన్ని చోద్యము తోడన్
    బాధించు మంత్రి కొడుకై,
    బోధించుట రాని గురువె పుజ్యుండయ్యెన్ !

    రిప్లయితొలగించండి
  2. శోధన మృగ్యంబయ్యెను
    సాధించుట మార్కులెల్ల శౌర్యంబయ్యెన్
    సాధన బట్టీ యైనది
    బోధించుట రాని గురువె పూజ్యుం డయ్యెన్.

    రిప్లయితొలగించండి
  3. శ్రీ శంకరయ్య గారు, నమస్కారం
    "శంకరాభరణం"ప్రేరణ గా, మీరిచ్చిన ప్రోత్సాహం వల్ల నాలుగు
    పూరణలు చేయగలిగాను. నేను పూరించిన పద్యాలను మీ అనుమతితో
    నా బ్లాగైన "సరదాకి చిరు కవిత" లో వేసికోవాలని అనుకుంటున్నాను ,
    ఏమంటారు!
    అదే బ్లాగులో "మంద వారి మాట మంచు మూట"అనే మకుటం తో
    ఆట వెలదులలో తేలిక పాటి పద్యాలను వ్రాయడం మొదలు పెట్టాను.
    దీనికి స్పూర్తి శంకరాభరణములో పాల్గొనడమే .మీరు వీలు చిక్కినప్పుడు
    నా బ్లాగును వీక్షించి తగు సూచనలు చేస్తే సంతోష పడతాను.మీ సూచనలు,
    సలహాలు వ్రాసిన వాటిని సవరించు కోడానికి ముందు ముందు నిర్దోషంగా
    వ్రాయడానికి ఉపయోగ పడ గలవని భావిస్తున్నాను.శతకం పూర్తి చేయడానికి
    మర్ర్ ఆశీస్సులను ఆశిస్తున్నాను.
    మీ భవదీయుడు.
    మంద పితాంబర్

    రిప్లయితొలగించండి
  4. నమస్కారమండీ నా పూరణ:

    సాధించె నేకలవ్యుడు
    బోధింపక గురుడు ద్రోణు బొమ్మై యుండన్
    బాధేది బొటనవేలిడ
    బోధించుట రాని గురువె పూజుండయ్యెన్

    రిప్లయితొలగించండి
  5. నమస్కారమండీ నా పూరణ:

    సాధించె నేకలవ్యుడు
    బోధింపక గురుడు ద్రోణు బొమ్మై యుండన్
    బాధేది బొటనవేలిడ
    బోధించుట రాని గురువె పూజ్యుండయ్యెన్

    రిప్లయితొలగించండి
  6. సాధించుచు విద్యార్థుల
    వేధించుచు లైంగికముగ విద్యార్థినులన్
    బాధించుచుండి చదువుల-
    బోధించుట రాని గురువె పూజ్యుండయ్యెన్
    (గురువుగారూ ఇక్కడ నా ఉద్దేశ్యము బాధిస్తూ చదువు చెప్పడము రాని గురువు అని)

    రిప్లయితొలగించండి
  7. బాధించుటె దప్ప ఎలమి
    బోధించుట రాని గురువె పూజ్యుండయ్యెన్
    ఆధిక్యమొందె స్పర్థయె
    గాంధారీపతులదాయె కాలము జూడన్!
    (నేటి విద్యా విధానంలో పోటీతత్వం ఎక్కువై సంతోషం కరువౌతున్న సందర్భం)

    రిప్లయితొలగించండి
  8. బోధించని దేమి లేదని
    సాధించుట మాని గురువులు సారూప్యముగన్
    వేధించు రుబ్బెడి చదువులు
    బోధించుట రాని గురువె పూజ్యుండయ్యీన్

    రిప్లయితొలగించండి
  9. మరి యొక పూరణండీ :

    మాధవుని లీల దెలియగ
    శోధింపగఁ జేతిఁ జిక్కె శుక ప్రవచనముల్
    బాధలకు లేపనంబయె
    బోధించుట రాని గురువె పూజ్యుండయ్యెన్

    రిప్లయితొలగించండి
  10. మంద పీతాంబర్ గారూ,
    పూరణ బాగుంది. అభినందనలు.
    మీ బ్లాగులో మీ పూరణలనే కాదు, నా పద్యాలను కూడ నిరభ్యంతరంగా ప్రకటించుకోవచ్చు. అది నాకు సంతోషం కూడా. మీరు చెప్పినట్లు మీ బ్లాగును బుక్ మార్క్ చేసి రెగ్యులర్ గా చూస్తూ ఉంటాను.

    రిప్లయితొలగించండి
  11. హరి గారూ,
    గన్నవరపు నరసింహ మూర్తి గారూ,
    మిస్సన్న గారూ,
    నారాయణ గారూ,
    నేదునూరి రాజేశ్వరి గారూ,
    మీ అందరి పూరణలు బాగున్నాయి. అభినందనలు.

    రిప్లయితొలగించండి
  12. నేదునూరి రాజేశ్వరి గారూ,
    మీ పద్యంలో గణదోషా లున్నాయి. వాటిని సవరిస్తే .....
    బోధించనిదే లేదని
    సాధించుట మాని గురులు సారూప్యమునన్
    వేధించి రుబ్బు చదువులు
    బొధించుట రాని గురువె పూజ్యుం డయ్యెన్.

    రిప్లయితొలగించండి
  13. సాధించె కురుబ సమ్మతి
    మేధా తిలకాష్టమహిష బంధన గ్రంధాల్
    శోధించి, యవి కనుగొనిన
    బోధించుట రాని గురువె పూజుండయ్యెన్.
    మనవి: మన కాళిదాసు కథే. పనివత్తిడి వల్ల పోస్ట్ చేయటం లేటయింది.

    రిప్లయితొలగించండి
  14. "సాధన లేకనె విషయము
    శోధన మరిచేయ కుండ సోకుల రాజై
    బాధతొ పుటలను దిప్పుచు
    బోధించుట"- రాని గురువె పూజ్యుండయ్యెన్.

    రిప్లయితొలగించండి
  15. చంద్రశేఖర్ గారూ,
    మీ పూరణను ఆలస్యంగా చూస్తున్నాను. అదీ గోలి వారి కారణాన.
    పద్యం బాగుంది. కాని తిలకాష్ఠమహిషబంధం కథ తెనాలి రామకృష్ణుడితో ముడిపడి ఉంది కదా!
    *
    గోలి హనుమచ్ఛాస్త్రి గారూ,
    మీ పూరణ చాలా బాగుంది. అభినందనలు. అలాంటి గురువులను నా సర్వీసులో చాలామందిని చూసాను.

    రిప్లయితొలగించండి
  16. మాస్టారూ, అది అక్కినేని నటించిన మహాకవి కాళిదాసు సినిమాలో చూసినట్లు గుర్తు. నాకు తెనాలి వికటకవి కవిగారిదని తెలియదు. సినిమా జ్ఞానం అంతంత మాత్రమే నాకు:-)

    రిప్లయితొలగించండి
  17. సాధించెడి గయ్యాళికి
    వేధించెడి యత్తగార్కి వేదాంతమ్మున్
    బాధయు దండుగ యనుచున్
    బోధించుట రాని గురువె పూజ్యుం డయ్యెన్

    రిప్లయితొలగించండి
  18. సాధన చేయుట లేదని
    వేధించక నన్ను రోజు వెంబడి బడుచున్
    బాధించెడు సరిగమలన్
    బోధించుట రాని గురువె పూజ్యుం డయ్యెన్

    రిప్లయితొలగించండి
  19. ప్రాధాన్యత పాటించక
    బోధించుటరాని గురువె పూజ్యుండాయెన్!
    బాధాకర విషయంబే!
    సాధారణమాయె నేటి చదువులు జూడన్!!

    రిప్లయితొలగించండి
  20. వేధించకవిద్యార్ధుల
    శోధించక పాఠములను ,శోభలుగూర్చన్
    సాధించుచుమార్కులనే
    బోధించుటరానిగురువె ,పూజ్యుండాయెన్

    రిప్లయితొలగించండి
  21. సాధన తపముగ శంభుడు
    బాధను దీర్చె ఋషివరుల వట వృక్షమునన్
    బోధన మౌనముగానట
    బోధించుట రాని గురువు పూజ్యుండయ్యెన్!

    రిప్లయితొలగించండి