18, జులై 2012, బుధవారం

సమస్యాపూరణం -766 (వచ్చినపని సఫలమయ్యె)

కవిమిత్రులారా,

ఈరోజు పూరింపవలసిన సమస్య ఇది...

వచ్చినపని సఫలమయ్యె వైరము హెచ్చెన్.

ఈ సమస్యను సూచించిన పోచిరాజు సుబ్బారావు గారికి ధన్యవాదాలు.

27 కామెంట్‌లు:

  1. పెచ్చు పెరిగిన యధర్మము
    వ్రచ్చుట శ్రీకృష్ణ రాయబార విధానం
    బచ్చట నది నెరవేరెను
    వచ్చినపని సఫలమయ్యె వైరము హెచ్చెన్.

    రిప్లయితొలగించండి
  2. సుందరుడా రాముని గని
    సుందరి రూపును ధరించి శూర్పణఖ యదో
    పొందెన వమానము, నపుడు
    మందమతియు నన్నయెడను మతి చెడి పలికెన్.

    "మెచ్చితి సీతను, నీకై
    తెచ్చుటకయి చనఁ పరువును దీసిర"టంచున్
    కచ్చగ జెప్పెను చెల్లెలు,
    వచ్చినపని సఫలమయ్యె, వైరము హెచ్చెన్.

    రిప్లయితొలగించండి
  3. హెచ్చగు సంతో షం బున
    వచ్చిన పని సఫల మయ్యె, వైరము హె చ్చెన్
    నచ్చక భూ పంప కములు
    పిచ్చిక సోదరుల మధ్య పెనుమద మందున్

    రిప్లయితొలగించండి
  4. అజ్ఞాత గారూ,
    మీ పూరణ బాగుంది. అభినందనలు.
    *
    లక్ష్మీదేవి గారూ,
    మీ పూరణ వైవిధ్యంగా బాగుంది. అభినందనలు.
    *
    సుబ్బారావు గారూ,
    బాగుంది మీ పూరణ. అభినందనలు.
    ‘పిచ్చి + ఇక’ అన్నప్పుడు యడాగమం వచ్చి ‘పిచ్చియిక’ అవుతుంది కదా! అక్కడ ‘పిచ్చిగ’ అందాం.

    రిప్లయితొలగించండి
  5. గురువు గారి పాదపద్మములకు నమస్కరిస్తూ

    క్రొత్త కాపురములోన కలతలను కూతురి ద్వారా తెలుసుకుని, అత్తమామలు
    అల్లుడి తప్పులను సరి జేయగ వచ్చిరి . వారి రాకతో దంపతుల మధ్య యున్న వైరము పెరిగిపోయే .
    -------
    కాపురములోన వచ్చెను కలతలు, దన
    పుత్రిక కబురు విని వారు పొదిలి యేడ్చి
    నెపము లెంచ ముందుగ వచ్చిన పని సఫల
    మయ్యె , వైరము హెచ్చెను యా దినమున .

    రిప్లయితొలగించండి
    రిప్లయిలు
    1. వరప్రసాద్ గారూ,
      కందపాదాన్ని తేటగీతిలో ఇమిడ్చిన మీ పూరణా నైపుణ్యం ప్రశంసనీయం. చాలా బాగుంది. అభినందనలు.
      చివరి పాదంలో ‘హెచ్చెను + ఆ’ అన్నప్పుడు యడాగమం రాదు. అక్కడ ‘వచ్చెనయా చివరకు’ అని సవరిస్తే ఎలా ఉంటుంది?

      తొలగించండి
  6. ఆర్యా!
    నమస్కారములు. రెండు, మూడు రోజులు ప్రయాణాల కారణంగా నెట్ కు దూరంగా ఉండవలసి వచ్చింది. మీ జన్మదినోత్సవం గురించి ఆలస్యంగా తెలుసుకున్నాను. శుభాకాంక్షలు. నమస్కారములు.
    "కంది శంకరార్య! వందనంబులు మీకు
    సకలశుభములొసగి చక్కనైన
    స్వాస్థ్యమందజేసి సర్వేశ్వరుండెల్ల
    వేళలందు బ్రోచు విజ్ఞ! మిమ్ము".

    ఈనాటి సమస్యకు పూరణ.

    "తెచ్చెను ముద్రిక పవనజు
    డిచ్చెను జనకాత్మజాత కిక నాలంకన్
    హెచ్చరికగ దహియించెను"
    వచ్చినపని సఫలమయ్యె, వైరము హెచ్చెన్.

    రిప్లయితొలగించండి
    రిప్లయిలు
    1. సత్యనారాయణ మూర్తి గారూ,
      ధన్యవాదాలు.
      మీ పూరణ ప్రసస్తంగా ఉంది. అభినందనలు.

      తొలగించండి
  7. ఇచ్చెను విరి రుక్మిణికని
    చెచ్చెర నారదుడు సత్య చెవిలో వేసెన్
    చిచ్చు రగిలె హృదయమ్మున
    వచ్చిన పని సఫలమయ్యె వైరము హెచ్చెన్

    రిప్లయితొలగించండి
    రిప్లయిలు
    1. పండిత నేమాని వారూ,
      మీ పూరణ సహేతుకంగా అద్భుతంగా ఉంది. అభినందనలు.

      తొలగించండి
  8. ఇచ్చెను హరి తనరూపము
    మెచ్చుచు నారదుడు మురిసి యెసరెడు మోమున్ !
    హెచ్చెను కోరిక పెండ్లికి
    వచ్చిన పని సఫల మయ్యె వైరము హెచ్చెన్ !

    ఎసరెడు = అతిశయించు

    రిప్లయితొలగించండి
    రిప్లయిలు
    1. అక్కయ్యా,
      నమస్కారం.
      మీరు ఏ ఘట్టాన్ని ప్రస్తావించారో అర్థంకావడం లేదు. ‘నారదసంసారమా?’
      రెండవ పాదంలో యతి తప్పింది.

      తొలగించండి
    2. గురువులకు ప్రణామము
      శ్రమ తీసుకుని సరి చేయ వద్దు. " నారదుడు హరిని తన వేషమును అడుగుతాడుకదా పెండ్లికి " అదన్న మాట . ఒదిలేయండి .

      తొలగించండి
  9. చిచ్చర పిడుగై తిరుగుచు
    వచ్చిన సూకరము గొట్ట వాదము మొదలై
    రెచ్చిరి హర నరులు భవుడు
    వచ్చిన పని సఫల మయ్యె వైరము హెచ్చెన్.

    రిప్లయితొలగించండి
  10. గుండు మధుసూదన్ గారి పూరణ....

    మెచ్చియు శశాంకుఁ జెంతకు
    వచ్చెను తారయు రయమున, వద్దని శుక్రుం
    డిచ్చెను శాపము; తారకు
    వచ్చిన పని సఫలమయ్యె; వైరము హెచ్చెన్!

    రిప్లయితొలగించండి
  11. సచ్చీల సీత గాంచియు
    విచ్చలవిడి లంక గాల్చివేడుకఁబొందన్
    సచ్చరితుండుహనుమ తా
    వచ్చినపనిసఫలమాయెవైరము హెచ్చెన్!

    రిప్లయితొలగించండి
  12. వచ్చెను మహదవ కాశము
    చెచ్చె రముగ వెడలి సతిని చేకొని వత్తున్ !
    ఇచ్చట కాపుర ముండిన
    వచ్చిన పని సఫల మయ్యె వైరము హెచ్చెన్ !

    రిప్లయితొలగించండి
  13. అచ్చముగా సోదరులకు
    నెచ్చెలిగ నటించు కపటి నెయ్యము గూర్పన్
    జెచ్చెర పగనెగ దోసెను
    వచ్చిన పని సఫల మయ్యె ,వైరము హెచ్చెన్.


    వచ్చె గురుసభకు శ్రీహరి

    హెచ్చరికలు జేయ సంధి యెట్లు పొసంగున్ పొచ్చెము మాటల వాకొన
    వచ్చిన పని సఫలమయ్యె వైరము హెచ్చెన్.
    శ్రీకృష్ణుడికి నిజంగా సంధి కుదరడం ఇష్టంలేదని అభిజ్ఞులు చెప్తారు.

    రిప్లయితొలగించండి
  14. నచ్చదు పాకిస్తానుకు
    పచ్చని భారతము శాంతి భద్రత నుండన్
    వచ్చెను నవాజు ఢిల్లికి
    వచ్చినపని సఫలమయ్యె వైరము హెచ్చెన్

    రిప్లయితొలగించండి
  15. ముషరఫుడు 2001:

    వచ్చెను వల్లభ తోడుత
    గిచ్చగ నద్వాని మెండు గిజగిజలాడెన్
    మెచ్చెను నాగ్రా మహలును
    వచ్చినపని సఫలమయ్యె వైరము హెచ్చెన్

    రిప్లయితొలగించండి