అమృతమ్ము కొరకు క్షీరాబ్ధి ద్రచ్చెడు వేళ నావిర్భవించిన యమలమూర్తి తన శరీరఛ్ఛాయ థాళథాళ్యంబును దిశలెల్ల నింపెడు దివ్య మూర్తి తనను సేవించెడు మునిబృందములకెల్ల భోజనమ్ము నొసంగు పుణ్యమూర్తి చేరి ప్రార్థించెడు వారి చింతల దీర్చి కామితార్థములిచ్చు ప్రేమమూర్తి ఆమె తలపులు లోక శ్రేయస్కరములు ఆమె చూడ్కులు సతత దయాన్వితములు ఆమె కామధేనువు సద్గుణాభిరామ ఆమె నాదృతి ధ్యానించి యంజలింతు
పండిత నేమాని వారూ, కామధేనువును గురించిన మీ పదం మనోజ్ఞంగా ఉంది. ధన్యవాదాలు. * లక్ష్మీదేవి గారూ, మీ నాలుగు పద్యాలూ బాగున్నవి. అభినందనలు. పండిత నేమాని వారి సూచనలను గమనించారు కదా! నా సవరణలు.... (1) శిశువు ఆకలి - శిశువు క్షుద్బాధ (2) గోవు నందు కలరు యెల్ల - గో్వు నందున కలరెల్ల (3) జంతువనుచు యెంచి - జంతు వనుచు నెంచి.
లక్ష్మీదేవి గారూ, ‘గోవు మాలచ్చికి కోటిదండాలు’ పాటను గుర్తుకు తెచ్చారు మీ చక్కని పద్యాలతో. ధన్యవాదాలు. * రాజేశ్వరి అక్కయ్యా, మంచి పద్యం చెప్పారు. అభినందనలు.
గోమాతా! క్షమియింపుము
రిప్లయితొలగించండిమా మానవ జాతి దోషమౌ నిది, యెన్నె
న్నో మేళులు చేసెడు మీ
కై మేలును చేయదగము, కరుణను గనుమా!
అమృతమ్ము కొరకు క్షీరాబ్ధి ద్రచ్చెడు వేళ
రిప్లయితొలగించండినావిర్భవించిన యమలమూర్తి
తన శరీరఛ్ఛాయ థాళథాళ్యంబును
దిశలెల్ల నింపెడు దివ్య మూర్తి
తనను సేవించెడు మునిబృందములకెల్ల
భోజనమ్ము నొసంగు పుణ్యమూర్తి
చేరి ప్రార్థించెడు వారి చింతల దీర్చి
కామితార్థములిచ్చు ప్రేమమూర్తి
ఆమె తలపులు లోక శ్రేయస్కరములు
ఆమె చూడ్కులు సతత దయాన్వితములు
ఆమె కామధేనువు సద్గుణాభిరామ
ఆమె నాదృతి ధ్యానించి యంజలింతు
శిశువు యాకలి దీర్చగ సిద్ధముగను
రిప్లయితొలగించండికలిగి యుండు పాల కడలి కడుపులోన
నమిత సాధుగుణముతోడ నలరుచుండు
గోవు నెల్లవేళలయందు గొలుచుచుందు.
పరమ భాగవతుడు చేయు పలురకముల
పూజలను మించి గోసేవ పుణ్యమగును,
పిలిచి చెప్పుచుంటి వినుడు ప్రీతితోడ
గోవు నందు కలరు యెల్ల గొప్పవారు.
ఆవు లోన కొలువయిన యఖిల దేవ
గణము కోరి వరములిచ్చి కాచగలదు
జగమునెల్ల, గడ్డి తినెడు జంతువనుచు
యెంచి పొరబాటు పడబోకు మెప్పుడైన
గోవు పంచకమ్మును మించు గొప్ప మందు
గలదె లోకమందు నెపుడు, కల్ల కాదు
సకల రోగహరము , పాప శమము జరుగు
నాదరింపుమికనయిన నందు ఫలము.
అమ్మా! లక్ష్మీ దేవి గారూ!
రిప్లయితొలగించండిశుభాశీస్సులు.
మీ పద్యములలో ఈ క్రింది సంధి ప్రయోగములు సవరించ వలెను. పరిశీలించండి:
(1) శిశువు + ఆకలి
(2) కలరు + ఎల్ల గొప్ప వారు
(3) జంతువనుచు + ఎంచి పొరపాటు
స్వస్తి.
అయ్యా,
రిప్లయితొలగించండినమస్కారములు.
నాకున్న వ్యాకరణజ్ఞానము లేశమాత్రము.
దయచేసి మార్పులు సూచించగలరు.
లేదా నేను పదాలు ఇలా మార్చవచ్చా, చెప్పగలరు.
శిశువు క్షుద్బాధ దీర్చగ...
గోవు నందున గలరెల్ల ...
గడ్డిదినెడు జంతువనుచు
నెంచి
ధన్యవాదములు.
పండిత నేమాని వారూ,
రిప్లయితొలగించండికామధేనువును గురించిన మీ పదం మనోజ్ఞంగా ఉంది. ధన్యవాదాలు.
*
లక్ష్మీదేవి గారూ,
మీ నాలుగు పద్యాలూ బాగున్నవి. అభినందనలు.
పండిత నేమాని వారి సూచనలను గమనించారు కదా! నా సవరణలు....
(1) శిశువు ఆకలి - శిశువు క్షుద్బాధ
(2) గోవు నందు కలరు యెల్ల - గో్వు నందున కలరెల్ల
(3) జంతువనుచు యెంచి - జంతు వనుచు నెంచి.
అన్నయ్య గారి కామధేనువు వర్ణన అద్భుతము. లక్ష్మీ దేవి గారి పద్యాలు చాలా బాగున్నాయి.
రిప్లయితొలగించండితల్లి రూప మందు పిల్లవారిని బ్రోచు
కామధేను వనుచుఁ , గరుణ లేక
తాడనమ్ము జేయు దౌర్భాగ్యులము మేము
తల్లిఁ దిందు రయ్య దైత్యు లైన ?
గన్నవరపు నరసింహ మూర్తి గారూ,
రిప్లయితొలగించండి‘తల్లిఁ దిందు రయ్య దైత్యులైన?’ అనడం బాగుంది. మంచి పద్యం. అభినందనలు.
క్షీరమ్మునొసగు మనలకు;
రిప్లయితొలగించండికారుణ్యమునకును మూర్తిగా కనవోయీ!
మారని గుణముల పెన్నిధి;
భారముగానిక తలపున భావింపకుమా!
శారద, బ్రహ్మయు, మునులును
నారద, పశుపతి, గిరిజయు, నాగేంద్రులునున్,
కోరి వరమ్ముల నిత్తురు,
చేరి గొలుచుమెపుడు గోవు శ్రీ లక్ష్మి సుమా!
ఈ కామెంట్‌ను రచయిత తీసివేశారు.
రిప్లయితొలగించండిదేవ గణముల నిలయమ్ము ధేను వనగ
రిప్లయితొలగించండిక్షీర సాగర మందుండి క్షీర ధాత్రి
గడ్డి పెట్టిన పాలిచ్చు దొడ్డ మనసు
అవత రించెను జగతిని యార్తి దీర్చ !
క్షీర ధాత్రి = పాలిచ్చు దాది
లక్ష్మీదేవి గారూ,
రిప్లయితొలగించండి‘గోవు మాలచ్చికి కోటిదండాలు’ పాటను గుర్తుకు తెచ్చారు మీ చక్కని పద్యాలతో. ధన్యవాదాలు.
*
రాజేశ్వరి అక్కయ్యా,
మంచి పద్యం చెప్పారు. అభినందనలు.