స్వాగతము.
ఇది 11వ ఛందమైన ‘త్రిష్టుప్పు’లో 443వ వృత్తము.
రథోద్ధతమునకు దీనికి ఒక అక్షరము మాత్రమే తేడా.
లక్షణము -
గణములు: ర న భ గగ
యతి : 7వ అక్షరము
ప్రాస నియమము కలదు.
ఉదా:
మౌనివర్య! జనమాన్య చరిత్రా!
జ్ఞానసారనిధి! స్వాగతమయ్యా!
మాననీయ గుణ! మంగళదాతా!
పూని నీ పదము మ్రొక్కెద స్వామీ!
(పై పద్యములో 3వ పాదమును చూడండి
- మాననీయ గుణ! మంగళదాతా! (స్వాగత వృత్తము)
చివరిలో ఒక్క అక్షరమును ఇలా మార్చితే రథోద్ధతము అవుతుంది:
- మాననీయ గుణ! మంగళాన్వితా! (రథోద్ధత వృత్తము)
స్వస్తి!
పండిత నేమాని రామజోగి సన్యాసిరావు
ఇది 11వ ఛందమైన ‘త్రిష్టుప్పు’లో 443వ వృత్తము.
రథోద్ధతమునకు దీనికి ఒక అక్షరము మాత్రమే తేడా.
లక్షణము -
గణములు: ర న భ గగ
యతి : 7వ అక్షరము
ప్రాస నియమము కలదు.
ఉదా:
మౌనివర్య! జనమాన్య చరిత్రా!
జ్ఞానసారనిధి! స్వాగతమయ్యా!
మాననీయ గుణ! మంగళదాతా!
పూని నీ పదము మ్రొక్కెద స్వామీ!
(పై పద్యములో 3వ పాదమును చూడండి
- మాననీయ గుణ! మంగళదాతా! (స్వాగత వృత్తము)
చివరిలో ఒక్క అక్షరమును ఇలా మార్చితే రథోద్ధతము అవుతుంది:
- మాననీయ గుణ! మంగళాన్వితా! (రథోద్ధత వృత్తము)
స్వస్తి!
పండిత నేమాని రామజోగి సన్యాసిరావు
శ్రీ సరస్వత్యై నమః:
రిప్లయితొలగించండిమిత్రులారా! శుభాభినందనలు.
పాదప వృత్తమును చూచేము కదా. దానికీ ఈ స్వాగత వృత్తమునకు ఒక అక్షరము మాత్రమే తేడా. ఉదాహరణలో ఇచ్చిన పద్యములోని 1వ పాదమును చూడండి:
మౌనివర్య జనమాన్య చరిత్రా! (స్వాగత వృత్తము)
దానిని కొంచెము మార్చి చూడండి
మౌనివరా జనమాన్య చరిత్రా! (పాదప వృత్తము)
ఈ కామెంట్‌ను రచయిత తీసివేశారు.
రిప్లయితొలగించండిమాటలో కురియు మంచితనమ్ముల్
రిప్లయితొలగించండిపాటలో మధుర భావనలుండున్.
తోటలో కుసుమ తోరణయట్లే
మీటె నా మనము మెల్లగ తానే.
కొత్తవృత్తాలను పరిచయం చేస్తూ, అభ్యాసం చేయిస్తూ ఉన్న మీ ఋణం తీర్చుకోలేనిది.
ధన్యులమయినాము. ప్రణమిల్లుతున్నాము.
శ్రీమతి లక్ష్మీ దేవీ!
రిప్లయితొలగించండినే ముదమందితిని కూర్తు నివె దీవెనలన్
శ్రీమంతము సౌభాగ్య
శ్రీమంతమునొంది కనుమ చిరజీవితమున్
అయ్యా,
రిప్లయితొలగించండిధన్యురాలను.
మంచివారలయి మానవులిందున్
రిప్లయితొలగించండిపెంచి ప్రేమమును పేదలయందున్
పంచగావలయు భాగ్యము లెందున్
సంచితార్థములు సత్ఫలమందన్
సాటివారికిల సాయము చేయన్
రిప్లయితొలగించండికోటిసంపదలు కూడును గాదా!
ఓటలేక విపులోర్విని తానే
కూటయౌచు సిరి గోరుట మేలా?
ఓటు కోసమని ఉర్విజనాలన్
రిప్లయితొలగించండిపూటపూటగని పూజలతోడన్
నోటుజూపెదరు నోరు నింపెదరు
నేటి కాలమున నేతలు జూడన్
చేయు బాసలవి చిత్తపథంబున్
రిప్లయితొలగించండివాయు వేగమున వైదొలగంగా
మేయుచుండుటయె మేలని వారల్
హాయినుందురిక అద్భుతరీతిన్.
ఆర్యా!
రిప్లయితొలగించండినమస్కారములు.
మూడవపద్యం(ఓటుకోసమని) మూడవపాదాన్ని క్రింది విధంగా చదువవలసినదిగా ప్రార్థన్.
"నోటుజూపెదరు నూరును వేలున్"
రాజకీయముల రంగులనింకన్
రిప్లయితొలగించండిభూజనుల్! తమరు పోల్చగ మేలౌ
మోజులో పడక, మోహము వీడన్
తేజరిల్లు భువి దివ్యత నందున్.
శ్రీ సరస్వత్యై నమః :
రిప్లయితొలగించండిమిత్రులారా! శుభాభినందనలు.
శ్రీమతి లక్ష్మీ దేవి గారు, శ్రీ హరి వేంకట సత్యనారాయణ మూర్తి గారు, శ్రీ మిస్సన్న గారు నిత్యము ఈ ప్రత్యేక వృత్తాలను వ్రాయుట అలవరచుకొను చున్నారు. మరి కొందరు (శ్రీమతి రాజేశ్వరి గారు, శ్రీ గోలి వారు, డా. కమనీయం గారు, తమ్ముడు డా. నరసింహమూర్తి మొ.వారు) అప్పుడప్పుడు వ్రాయుచున్నారు. అందరూ కూడా ఈ అభ్యాసమును అనునిత్యము చేయ గలరని ఆశించు చున్నాను. స్వస్తి.
శంకరార్య ప్రియ సంస్థకు రారే
రిప్లయితొలగించండిశంకరాభరణ సౌధమునన్ సా
లంకృతాఛ్ఛ కృతులన్ వరివస్యల్
పంకజాతభవు పత్నికొనర్పన్
అంతమే కనఁగ నైతిని కష్టా
రిప్లయితొలగించండిలంతకంతకు భయావహమై నా
కింత శాంతియు లభించదు నాపై
సుంతయైన దయఁ జూపుము దేవా!
ఎన్ని కష్టముల కేని మహాత్మా!
రిప్లయితొలగించండియున్నదౌ వెరవు నొక్కటె యోర్పే
చెన్నుగా విభుని సేవలె మేలౌ
సన్నయాన మది శాంతిని గూర్చున్`
పండిత నేమాని వారూ,
రిప్లయితొలగించండిప్రత్యేక వృత్తాలను పరిచయం చేస్తూ, వాటికి మంచి లక్ష్యాలను ఇస్తూ, మిత్రులను ప్రోత్సహిస్తూ, గుణదోషాలను పరిశీలిస్తూ, సముచిత సవరణలను, సూచనలను ఇస్తున్న మీకు ధన్యవాదాలు.
*
లక్ష్మీదేవి గారూ,
క్రమం తప్పకుండా ఈ శీర్షికలో పద్యాలు వ్రాస్తున్నారు. సంతోషం. ఈనాటి పద్యం బాగుంది. అభినందనలు.
*
సత్యనారాయణ మూర్తి గారూ,
ప్రతిదినం ఈ శీర్షికలో అద్భుతమైన పద్యాలు వ్రాస్తూ ఆనందాన్ని కలిగిస్తున్నారు. ధన్యవాదాలు. ఈనాటి మీ ఐదు పద్యాలు చాలా బాగున్నవి. అభినందనలు.