కవిమిత్రులారా,
ఈరోజు పూరించవలసిన సమస్య...
చక్రమ్ములు లేని బండి చకచక సాగెన్.
ఈ సమస్యను పంపిన రెండుచింతల రామకృష్ణ మూర్తి గారికి ధన్యవాదాలు.
ఈరోజు పూరించవలసిన సమస్య...
చక్రమ్ములు లేని బండి చకచక సాగెన్.
ఈ సమస్యను పంపిన రెండుచింతల రామకృష్ణ మూర్తి గారికి ధన్యవాదాలు.
అందరికీ వందనములు !
రిప్లయితొలగించండిఅందరి పూరణలూ అలరింప నున్నవి !
చక్రములు విరిగిన బండికి తాడు గట్టి లాగితే :
01)
____________________________
విక్రముడు తాడు గట్టిన
చక్రములే లేని బండి - జర్రున లాగెన్ !
వక్రముగా , నెగిరి పడుచు
చక్రమ్ములు లేని బండి - చకచక సాగెన్ !
____________________________
కాలికి బల్లలు కట్టుకొని సముద్ర కెరటాల వాలులో జారే క్రీడ లో :
రిప్లయితొలగించండి(sea surfing)
02)
____________________________
శుక్రుండను వాని సుతుడు
వక్రముగా వార్ధి పైన - వాటము తోడన్
విక్రమమును జూపి నిలువ
చక్రమ్ములు లేని బండి - చకచక సాగెన్ !
____________________________
స్వర్ణపక్షుడు, వజ్రతుండుడు, సర్పారాతి,సుధాహరుడు
రిప్లయితొలగించండినైన వినతానందనుడు చక్రములు లేని బండే గద :
03)
____________________________
విక్రముడు గరుడి నెక్కిన
సక్రమముగ జేర్చు పతిని - సంబ్రము తోడన్ !
నక్రముతో సర్పము దిను
చక్రమ్ములు లేని బండి - చకచక సాగెన్ !
____________________________
విక్రముడు = విష్ణువు
గరుడి = గరుడుడు
పతి = ఏలిక
సంబ్రము = వేగము
నక్రము = ముక్కు
ఏనుగైతేనేం ? ఇందుణ్ణెక్కడికి జేర్చాలన్నా
రిప్లయితొలగించండిక్షణంలో జేరుస్తుంది చక్రాలవీ లేకుండానే :
04)
____________________________
శక్రునికే వాహన మది
వక్రముగా కరము కదుపు - వల్లభ మదియే !
శక్రమది యైన నేమిటి
చక్రమ్ములు లేని బండి - చకచక సాగెన్ !
____________________________
శక్రుడు = ఇంద్రుడు
వల్లభము = ఐరావతము
శక్ర = ఏనుగు
వరుణుని వాహనమైన మొసలి చక్రములు లేనిదే :
రిప్లయితొలగించండి05)
____________________________
నక్రముపై నెక్కి తిరుగు
విక్రమముగ వరుణు డంత - వేగిరముగనే !
సక్రియ మది , వనమందున
చక్రమ్ములు లేని బండి - చకచక సాగెన్ !
____________________________
నక్రము = మొసలి
సక్రియము = పనిచేయ సమర్థమగునది
వనము = నీళ్లు
బక్రాక్కూడా చక్రాలుండవు మరి :
రిప్లయితొలగించండి06)
____________________________
బక్రాపై నహరహమును
విక్రాంతునిగా మెలగును - పీథము తానే !
విక్రియలే లేకుండగ
చక్రమ్ములు లేని బండి - చకచక సాగెన్ !
____________________________
బక్రా = మేకపోతు
అహరహము = ప్రతిదినము
విక్రాంతుడు = శూరుడు
విక్రియ = వికారము
మెలగు = సంచరించు
పీథము = అగ్ని
శనైశ్చరుని వాహనమైన వాయసమునకూ చక్రాలుండవు :
రిప్లయితొలగించండి07)
____________________________
వక్రుండగు సప్తాంశుడు
వక్రముగా దిరుగు నెపుడు - బలిపుష్టము పై
నాక్రమణము సేయు నపుడు
చక్రమ్ములు లేని బండి - చకచక సాగెన్ !
____________________________
వక్రుడు = వక్ర గమనము గలవాడు
సప్తాంశుడు = శని
బలిపుష్టము = కాకి
ఆక్రమణము = క్రమ్ముట
ఫక్రుద్దీన్‌ మంచుమీద జారేటప్పుడు చక్రాలుంటాయా !
రిప్లయితొలగించండి(skewing)
08)
____________________________
సుక్రతుడు మింట నుండగ
సక్రమముగ మంచు మీద - జారెడు వేళన్
ఫక్రుద్దీనుని జూచిన
చక్రమ్ములు లేని బండి - చకచక సాగెన్ !
____________________________
సుక్రతుడు = సూర్యుడు
సక్రమముగ = క్రమము తప్పకుండా(నిర్దేశించిన దారిలో)
జారు = కిందికి దిగు
వేడిగాలి బుడగపై ప్రయాణానికి చక్రాలెందుకు :
రిప్లయితొలగించండి(hotair baloon)
09)
____________________________
ఉక్రెయిను నందు కొందరు
విక్రమముగ వెడలి రంత - వేడి బుడగతో
విక్రియ గలిగిన నేమొకొ
చక్రమ్ములు లేని బండి - చకచక సాగెన్ !
____________________________
ఉక్రెయిను = ఉక్రెయిను దేశము
విక్రమము = సాహసము
విక్రియ = వికారము
వక్ర వచోనక్రసమ ప-
రిప్లయితొలగించండిరాక్రమి కోతలను కోసి రాకెట్లను భూ
చక్రముపైనే నడపగ
చక్రమ్ములు లేని బండి చకచక సాగెన్.
అక్రమ సంపాదన గొన
రిప్లయితొలగించండిసక్రమ మార్గముల విడచి, సలుపగ పనుల
న్నక్రమ మార్గమున నడచు
చక్రమ్ములులేని బండి చకచక సాగెన్
పూజ్యులు గురుదేవులు శంకరయ్య గారికి వందనములు
రిప్లయితొలగించండివక్రగతి లేని తారల
చక్రమ్ములు లేని బండి చకచకసాగెన్
చక్రమ్మొకటేయైనను
అక్రమ మార్గాన బోవడాదిత్యు౦డున్
అక్రమ రీతి నవనిజఁ బ
రిప్లయితొలగించండిరాక్రమ దానవుఁడు లంక రావణుఁడు ధరా
చక్రముఁ బెకిలించి కొనగ
చక్రమ్ములు లేని బండి చకచక సాగెన్!
మల్లెల సోమనాధ శాస్త్రి గారి పూరణలు
రిప్లయితొలగించండిసక్రమమగు జీవనమది
నక్రము వలె లాగుచున్న, నయసంసారం
బె, క్రమపు శకట మగుగా
చక్రమ్ములు లేని బండి చకచక సాగెన్
విక్రమ ము జూపి సూర్యుడు
సక్రమముగ నాకసమున సాగు సమయమున్
చక్రము తిప్పుచు,ననిశము
చక్రమ్ములు లేని బండి చకచక సాగెన్
నక్రము వలె లాగునిలను
సక్రమముగ సాగనీక, సంసారమునే
అక్రమముల పాలుపడమి
చక్రమ్ములు లేని బండి చకచక సాగెన్
చక్రమువలె కిందు, మీద
తాక్రమమామంచి చెడ్డ,తలపగ కలుగున్
నా,క్రమము కుంది,పొంగమి
చక్రమ్ములు లేని బండి చకచక సాగున్
చక్రిని శరణని వేడగ
రిప్లయితొలగించండిచక్రమ్ములు లేని బండి చకచక సాగెన్
చక్రియె జేరంగ కొలను
నక్రము గజరాజుకతన నాకము జేరెన్
సుకృతుడు ధాటిగ నడుపగ
రిప్లయితొలగించండిసక్రమమగు పందెమునను జనములు మెచ్చన్
విక్రమముఁ జూప వృషముల్
చక్రమ్ములు లేని బండి చకచక సాగెన్
చక్రియె జూసెను సిమ్లా
రిప్లయితొలగించండివిిక్రయ కేంద్రములయందు వింతగు గాడీ!
సక్రమముగ తుహినముపై
చక్రములే లేనిబండి చకచక సాగెన్
వక్రముగను బోజాలదు
రిప్లయితొలగించండిచక్రములు లేని బండి చక చక సాగెన్
చక్రముల తోడ గూడిన
చక్రుని యారధము మిగుల సావేగముగాన్
వసంత కిశోర్ గారూ,
రిప్లయితొలగించండిమీది ఐతే అతివృష్టి, లేకుండా అనావృష్టి!
మీ నవరత్నాలవంటి పూరణలు బాగున్నవి. అభినందనలు.
*
యం.ఆర్.చంద్రమౌళి గారూ,
మీ పూరణ బాగున్నది. అభినందనలు.
*
అన్నపరెడ్డి సత్యనారాయణ రెడ్డి గారూ,
మీ రెండు పూరణలు బాగున్నవి. అభినందనలు.
రెండవ పూరణలో ప్రాసాక్షరం ‘క్ర’. కాని మీరు మొదటి పాదంలో ‘కృ’ వేయడం వల్ల ప్రాస తప్పింది.
*
కెంబాయి తిమ్మాజీ రావు గారూ,
మీ పూరణ బాగున్నది. అభినందనలు.
*
సహదేవుడు గారూ,
మీ పూరణ బాగున్నది. అభినందనలు.
*
మల్లెల సోమనాథ శాస్త్రి గారూ,
మీ నాలుగు పూరణలు బాగున్నవి. అభినందనలు.
మొదటి పూరణలో ‘సంసారం/బె క్రమపు’ అన్నప్పుడు ‘బె’ గురువు కాదు. దాని వల్ల గణభంగం. ‘సంసారం/ బక్రమపు శకట మగునా’ అందామా?
నాల్గవ పూరణ మొదటి పాదంలో మూడవ గణంగా జగణం ఉండకూడదు కదా.
*
భాగవతుల కృష్ణారావు గారూ,
మీ పూరణ బాగున్నది. అభినందనలు.
*
శైలజ గారూ,
మీ పూరణ బాగున్నది. అభినందనలు.
*
సుబ్బారావు గారూ,
మీ పూరణ బాగున్నది. అభినందనలు.
‘చక్రుడు’ అన్న రూపం లేదు. ‘చక్రి’ సరైనది.
మిత్రులు కంది శంకరయ్యగారికి, సుకవి పండిత మిత్ర బృందమునకును వందనశతము...
రిప్లయితొలగించండివక్రగుణి రావణునిఁ దా
విక్రముఁడై త్రుంచిన రఘువీరుఁ డయోధ్యన్
సక్రియఁ బుష్పకమునఁ జనఁ
జక్రమ్ములు లేని బండి చకచక సాఁగెన్!
సక్రమ దిశారహితమగు
రిప్లయితొలగించండినక్రమ సంపాద నేచ్చ కవధులు లేకన్
వక్ర పథమున విలువలను
చక్రమ్ములు లేని బండి చకచక సాగెన్
గురువర్యులకు నమస్కారములు . కొందరు మిత్రుల పూరణలలో పాదము మొదటి అక్షరములు దీర్ఘములు వచ్చినవి. అది సరియైనదేనా ?
రిప్లయితొలగించండిమిత్రులు చంద్రమౌళి సూర్యనారాయణగారికి, మీ పూరణ బాగున్నది...కాని, ద్వితీయపాదాంతమున "లేకన్" ద్రుతాంతముకాదు. వ్యతిరేకార్థకములగు "లేక" "చేయక"వంటివి(’అక’ప్రత్యయాంతములు) ద్రుతాంతములుగ రాయరాదుకదా! కావున సవరింపఁగలరు. అన్యథాభావింపవలదు. స్వస్తి.
రిప్లయితొలగించండిగుండు మధుసూదన్ గారూ,
రిప్లయితొలగించండిమీ పూరణ బాగున్నది. అభినందనలు.
*
చంద్రమౌళి సూర్యనారాయణ గారూ,
మీ పూరణ బాగున్నది. అభినందనలు.
సంయుక్తాక్షరం వల్ల ముందున్న అక్షరం ఎలాగూ గురువే అవుతుంది. దీర్ఘాక్షరం ఉండడంలో తప్పు లేదు.
చక్రము....ప
రాక్రమము.... ఇలాగ.
గుండు మధుసూదన్ గారూ,
రిప్లయితొలగించండిధన్యవాదాలు.
మీ దృష్టికి వచ్చిన దోషాలను నిస్సందేహంగా చూపించవచ్చు. అందువల్ల మిత్రులు తమ పద్యరచనా నైపుణ్యాన్ని మెరుగు పరుచుకుంటారు. ఆ దోషాలకు సవరణ సూచిస్తే మరీ సంతోషం!
చంద్రమౌళి సూర్యనారాయణ గారూ,
రిప్లయితొలగించండిగుండు మధుసూదన్ గారి వ్యాఖ్యను గమనించారు కదా!
మీ పూరణలో రెండవ పాదానికి నా సవరణ...
‘అక్రమ సంపాదనేచ్ఛ కవధి కలుగునా’
శుక్రగ్రహ యాత్రకునై
రిప్లయితొలగించండిసక్రమముగ పంప పైకి శటిలైట్ నదియే
వక్రముగా పైకెగసెను
చక్రమ్ములు లేని బండి చకచక సాగెన్
శుక్రగ్రహ యాత్రకునై
రిప్లయితొలగించండిసక్రమముగ పంప పైకి శాట్లైట్ నదియే
వక్రముగా పైకెగసెను
చక్రమ్ములు లేని బండి చకచక సాగెన్
గోలి హనుమచ్ఛాస్త్రి గారూ,
రిప్లయితొలగించండిమీ పూరణ బాగున్నది. అభినందనలు.
‘నదియే’?... ‘శాట్లై టదియే’ అంటే సరి!
పూజ్య గురుదేవులు కంది శంకరయ్య గారికి వందనములు. తమరి సూచనకు కృతజ్ఞతలు. రెండవ పద్యము మొదటి పాదము యిలామార్చాను.
రిప్లయితొలగించండి"చక్రధరుడు వెసనడుపగ"
ఆర్యా ! ధన్యవాదములు...నిజమే అలానే అనవలసినది..మీరు సూచించిన మార్పుతో..
రిప్లయితొలగించండిశుక్రగ్రహ యాత్రకునై
సక్రమముగ పంప పైకి శాట్లైటదియే
వక్రముగా పైకెగసెను
చక్రమ్ములు లేని బండి చకచక సాగెన్
విక్రమముగ హిమపథమున
రిప్లయితొలగించండిసక్రమముగ స్లెడ్జి పైన సాంటా నడప
న్నీ క్రిస్మస్ దినములలో
చక్రమ్ములు లేని బండి చకచక సాగెన్
చక్రమ్ముల పని లేకయె
రిప్లయితొలగించండివిక్రమముగ పరుగులిడుచు వెగటగు రీతిన్
సక్రమముగ జెర్రి గనుము!
చక్రమ్ములు లేని బండి చకచక సాగెన్