గోలి హనుమచ్ఛాస్త్రి గారూ, అవి ‘అంద చందాలు’ కావు... అందరూ వచ్చి వసూలు చేసుకునే చందాలు. గణేశ నవరాత్రుల చందాలకోసం ఇప్పటికే నాలుగు మండపాల వచ్చారు. ఇంకెందరు వస్తారో?
సీ .నవ రాత్రి వేళలన్ నవ యువ లోకమ్ము నవ విధ ( భక్తి ) మార్గాల నడచు వారు, మంట పమ్ములు దీర్చి మనసారా భావించి మననంబు జేయుచూ మసలు వారు, నిత్యాన్న దానాలు నిరుపమ ధర్మాలు సంప్ర దాయము లన్ని సలుపు వారు, కులములు వేరైన గోత్రాలు వేరైన సమతను జాటుచూ సాగు వారు, తే గీ వారి ఆశయ మది యౌను భూరి యశము యశము గల్గగ భావికి దిశను జూపు దిశను సాగిన వారితో దేశమగును దేశ సంపద మనకింక దేవళమ్ము కొరుప్రోలు రాధా కృష్ణ రావు
ఈనాటి శీర్షికకు చక్కని పద్యాలను వ్రాసిన కవిమిత్రులు.... గోలి హనుమచ్ఛాస్త్రి గారికి, సుబ్బారావు గారికి, అన్నపరెడ్డి సత్యనారాయణ రెడ్డి గారికి, శ్రీఆదిభట్ల కామేశ్వర రావు గారికి, మల్లెల సోమనాథ శాస్త్రి గారికి, మిస్సన్న గారికి, సహదేవుడు గారికి, కొరప్రోలు రాధాకృష్ణ మూర్తి గారికి అభినందనలు, ధన్యవాదాలు.
అందాలని సరదాలే
రిప్లయితొలగించండిడెందమ్మున దలతుము వినుడీ దసరాలో
చందాలే యందాలని
' ధందా ' లను చేయరాగ దడబుట్టు గదా !
మాస్టరుగారూ ! మీరు వ్రాయమన్నది నవరాత్రి ' అంద చందా ' ల గురించా ? ' అందే చందా ' ల గురించా ?
రిప్లయితొలగించండిమామూలే యని యడుగును
రిప్లయితొలగించండిమామూలును కొందరేమొ, మరి మూల్గుచునే
మా 'మూల' నేది కలదని ( మూలధనం )
మేమిడ ? మామూలనేది మీకీయ మనున్ .
గోలి హనుమచ్ఛాస్త్రి గారూ,
రిప్లయితొలగించండిఅవి ‘అంద చందాలు’ కావు... అందరూ వచ్చి వసూలు చేసుకునే చందాలు. గణేశ నవరాత్రుల చందాలకోసం ఇప్పటికే నాలుగు మండపాల వచ్చారు. ఇంకెందరు వస్తారో?
చందాల రోజు లీ యివి
రిప్లయితొలగించండిచందాలకు వత్తు రిపుడు జను లందరునున్
చందాలు దేనికనగను
నందముగా దుర్గ మాత యర్చన కొఱకున్
సందు సందు తిరిగి చందాల రూపాన
రిప్లయితొలగించండిదోచు కొనుచు నుంద్రు దొరికి నంత
బారులందుఁ జేరి తీరుగాఁ గూర్చుండి
రాత్రి వేళ లందు త్రాగు చుంద్రు
శ్రీమాత చేత జచ్చిన
రిప్లయితొలగించండిఆ మహిషాసురుని ఆత్మ అరుగిడి భువిపై
మామూళ్ళను రూపముగొని
సామాన్యుల నెల్లబట్టి చంపగనెంచెన్
శ్రీ సుబ్బారావు గారూ, మీ పద్యంలో చివరి పాదంలో దుర్గమాత అన్నారు, దుర్గామాత అనడం సాధువేమో కదా.
మల్లెల వారి పూరణలు
రిప్లయితొలగించండివినాయక నవరాత్రి చందాలడిగే బాలలు
వీధి వీధి వెలుగు విఘ్నపతిని కొల్వ
వీధి బాలలంత వెడలి యడుగ
విఘ్న ములవి వచ్చు విడువక యనినెంచి
స్వల్పమైన నిడరె చందగాను||
దసరా నవరాత్రి చందాలడిగే బాలలు
నాడు వీధి బడుల నయవార్లు జీతాలు
లేకయుంట, పిల్లలేగి యూర
లయ్య వార్ల కొరకు నడుగరే రూపాయి,
పప్పు బెల్ల మంద పావలాను||
మోదకములను భుజియించి ముదము మీర
రిప్లయితొలగించండినెలుక వాహన మెక్కి తా నేగు వేళ
పొండు చందా సమర్పించి ముందు కనగ
మంది, పాపము గణపతి మాయమయ్యె.
ఈ కామెంట్‌ను రచయిత తీసివేశారు.
రిప్లయితొలగించండిపాల వాడు మొదలు బంట్రోతు వరకును
రిప్లయితొలగించండినిత్య మెదురు పడుచు నెరుగు వారు
నవ్వు పులుము కొనుచు నవరాత్రి చందాల
నందు కొనగ వత్తు రాశ తోడ!
పండుగొచ్చె ననుచు పరవశ మెక్కడ?
ముందు నొసగు జీతమోటు బోయె
నప్పు జేయ కున్న తప్పని బ్రతుకులు
దుర్గ కరుణ కొరకు తొల్లి చూచు!
సీ .నవ రాత్రి వేళలన్ నవ యువ లోకమ్ము
రిప్లయితొలగించండినవ విధ ( భక్తి ) మార్గాల నడచు వారు,
మంట పమ్ములు దీర్చి మనసారా భావించి
మననంబు జేయుచూ మసలు వారు,
నిత్యాన్న దానాలు నిరుపమ ధర్మాలు
సంప్ర దాయము లన్ని సలుపు వారు,
కులములు వేరైన గోత్రాలు వేరైన
సమతను జాటుచూ సాగు వారు,
తే గీ వారి ఆశయ మది యౌను భూరి యశము
యశము గల్గగ భావికి దిశను జూపు
దిశను సాగిన వారితో దేశమగును
దేశ సంపద మనకింక దేవళమ్ము
కొరుప్రోలు రాధా కృష్ణ రావు
ఈనాటి శీర్షికకు చక్కని పద్యాలను వ్రాసిన కవిమిత్రులు....
రిప్లయితొలగించండిగోలి హనుమచ్ఛాస్త్రి గారికి,
సుబ్బారావు గారికి,
అన్నపరెడ్డి సత్యనారాయణ రెడ్డి గారికి,
శ్రీఆదిభట్ల కామేశ్వర రావు గారికి,
మల్లెల సోమనాథ శాస్త్రి గారికి,
మిస్సన్న గారికి,
సహదేవుడు గారికి,
కొరప్రోలు రాధాకృష్ణ మూర్తి గారికి
అభినందనలు, ధన్యవాదాలు.
పేరడీ
రిప్లయితొలగించండిఅందుగలడిందులేదని
సందేహంబు వలదిచట చందా దందా
సందుల గొందుల యందున
యెందుల దాగిన విడువక నిప్పించుకొనున్
చంద్రమౌళి సూర్యనారాయణ గారూ,
రిప్లయితొలగించండిమీ పద్యం బాగుంది. అభినందనలు.