కవిమిత్రులారా,
ఈరోజు పూరించవలసిన సమస్య...
రమ్మును త్యాగయ్య గొని స్వరమ్ములఁ గూర్చెన్.
ఈ సమస్యను సేకరించి పంపిన సంపత్ కుమార్ శాస్త్రి గారికి ధన్యవాదాలు.
ఈరోజు పూరించవలసిన సమస్య...
రమ్మును త్యాగయ్య గొని స్వరమ్ములఁ గూర్చెన్.
ఈ సమస్యను సేకరించి పంపిన సంపత్ కుమార్ శాస్త్రి గారికి ధన్యవాదాలు.
ఇమ్మని జ్ఞానము బ్రోవగ
రిప్లయితొలగించండిరమ్మని భారతిని గోరి రాగము తోడన్
కమ్మని గాత్రపు సంస్కా
రమ్మును త్యాగయ్య గొని స్వరమ్ములఁ గూర్చెన్
చంద్రమౌళి సూర్యనారాయణ గారూ,
రిప్లయితొలగించండిఉదయం లేవగానే సంస్కారయుక్తమైన మీ పూరణ ఆనందాన్ని కలిగించింది. చాలా బాగుంది. అభినందనలు.
సొమ్ముల గూర్చి తలంచక
రిప్లయితొలగించండినిమ్ముగ దైవమ్మును భజియించుచును సదా
కమ్మగ పాడెడు మధుర స్వ
రమ్మును త్యాగయ్య గొని స్వరమ్ముల గూర్చెన్
అన్నపరెడ్డి సత్యనారాయణ రెడ్డి గారూ,
రిప్లయితొలగించండిమీ పూరణ బాగున్నది. అభినందనలు.
కాని ‘మధుర స్వ’ అన్నప్పుడు ‘ర’ గురువై గణదోషం. సవరించండి. ‘తీపి స్వ/రమ్మును’ అంటే ఎలా ఉంటుంది?
కమ్మని కోకిల రవములు
రిప్లయితొలగించండిజుమ్మను మలయానిలముల జోలలు వింటూ
కొమ్మల తుమ్మెద ఝంకా
రమ్మును త్యాగయ్య గొని స్వరమ్ముల గూర్చెన్
గురుదేవులు శంకరయ్య గారు ,కవి వర్యులందరికి నమస్సులు.
రిప్లయితొలగించండినేమాని వారు స్వర్గస్తులయ్యారని తెలిసి చింతిస్తున్నాము.
వారి ఆత్మకు శాంతి కలుగాలని భగవంతున్ని వేడుకొంటు,
ప్రగాడ సంతాపాన్ని తెలియజేస్తున్నాను.
కమ్మని సంగీతము తన
రిప్లయితొలగించండికిమ్మని కడు భక్తి జూపి కీర్తన లందు
న్నిమ్మహిని తెలుగు నుడి కా
రమ్మును త్యాగయ్య గొని స్వరమ్ములఁ గూర్చెన్
క్రమ్మిన నాదధ్యాన త
రిప్లయితొలగించండిపమ్మిడె నారదమహర్షి వరముల సాకా
రమ్ముది, స్వరవారిధి సా
రమ్మును త్యాగయ్య గొని స్వరమ్ములఁ గూర్చెన్.
త్యాగయ్యకు నారదముని అనుగ్రహించిన "స్వరార్ణవ" మను గ్రంథ సారమే స్వరసంయోజనకు ఆధారమైనదికదా !
ఇమ్మహి నేమీ వలదనె
రిప్లయితొలగించండినమ్మహిమాన్విత రఘుకుల నాథుని నమ్మెన్
కమ్మని నామపు ఘన సా
రమ్మును త్యాగయ్య గొని స్వరమ్ముల గూర్చెన్
ఇమ్మగు త్యాగయ్య పదము
రిప్లయితొలగించండిబొమ్మలమై విందుముగద పొందగు స్వరము
న్నమ్మ సరస్వతి యభయ వ
రమ్మును త్యాగయ్య గొని స్వరమ్ముల గూర్చెన్
పూజ్యులు గురుదేవులు శంకరయ్య గారికి వందనములు
రిప్లయితొలగించండిఅమ్మౌని నారదు౦డిడె
కమ్మగ శ్రీరామచంద్రు గానముకై గ్ర౦
థమ్మును “స్వరార్ణవము”వ
రమ్మును త్యాగయ్య గొని స్వరమ్ముల గూర్చెన్
సొమ్ములు చాల సుఖమ్మొకొ?
రిప్లయితొలగించండినిమ్మహి రాముని పదముల నించుక దలతున్
కమ్మగ నని వేదపు సారమ్మును
త్యాగయ్య గొని స్వరమ్ముల గూర్చెన్
గురువర్యులకు ధన్యవాదములు
రిప్లయితొలగించండినెమ్మనమున శ్రీరాముని
రిప్లయితొలగించండినమ్ముచు సంగీత కృతులు నయముగ వ్రాసెన్ కమ్మని రాగ సుధా సా
రమ్మును త్యాగయగొని స్వరమ్ములు గూర్చెన్
సొమ్ములు నిధులను వలదని
రిప్లయితొలగించండికమ్మని రాముని పదముల నమ్ముచు నెదలో
నిమ్ముగ రామ కధా సా
రమ్మును త్యాగయ్య గొని స్వరమ్ముల గూర్చెన్
మల్లెల వారి పూరణలు
రిప్లయితొలగించండిఇమ్మహి భోగమ్ముల విడి
కమ్మని రాముని పదములె కాంతిని కనగా
నిమ్మని, యాతని కథ, సా
రమ్మును త్యాగయ్య గొని స్వరమ్ముల గూర్చెన్
కమ్మని పదముల కీర్తన
లిమ్ముగ రచియించె తాను, నీశ్వర పదసౌ
ఖ్యమ్మును, భక్తిని గొను, ధీ
రమ్మును త్యాగయ్య గొని స్వరమ్ముల గూర్చెన్
ఇమ్మహి రాముని కొలువే
యిమ్మను, రాజులకు మించి. ఎపుడును రామున్
కమ్మని కీర్తన లిడు, సా
రమ్మును త్యాగయ్య గొని స్వరమ్ముల గూర్చెన్
ఇమ్మగు శాంతమె సౌఖ్యము
కమ్మని గీతమె తనకిడు గౌరవ మనుచున్
ఇమ్మహి తారకమను, రుచి
రమ్మును త్యాగయ్య గొని స్వరమ్ముల గూర్చెన్
ఇమ్మహి రాముని తనదై
రిప్లయితొలగించండివమ్ముగ సతతంబు గొలిచి బ్రతుకంతా నా
మమ్మునజని భక్తి విచా
రమ్మును త్యాగయ్య గొని స్వరమ్ముల గూర్చెన్
౯౬కోట్ల రామనామజపాన్వితుడై రామదర్శన భాగ్యమును పొందిన రాగారాజుగా త్యాగరాజు.
సొమ్ముల సిరి గృహ భూ భా-
రిప్లయితొలగించండిగమ్ముల వర్జించి రామ గానమె పరత-
త్త్వమ్మని నిజమెరిగి మధుక
రమ్మును త్యాగయ్య గొని స్వరమ్ముల గూర్చెన్
త్యాగయ్య, మధుకర వృత్తితో ఉదరంభరణజేసిన వైరాగ్యచక్రవర్తి, వాగ్గేయకార్యసంప్రదాయప్రవర్త
ఇమ్మహిఁ ప్రణవ సునాద ర
రిప్లయితొలగించండిసమ్మే నరరూపుదాల్చి జానకి వరుడై
గ్రమ్మన తానదియైన శ-
రమ్మును త్యాగయ్య గొని స్వరమ్ముల గూర్చెన్
ప్రణవనాదరసమే రాముడైపుట్టినాడని నమ్మిన త్యాగరాజు తానే నాదశరీరుడుగదా ! (తానదియైన - అద్వైతభావనచో అది తానే ఐనవాడు)
బొమ్మనబెండ్లము గానర
రిప్లయితొలగించండిసమ్మై స్వర రాగ లయపు సామాకారం
బిమ్మహి నరుడైన ! శరీ
రమ్మును త్యాగయ్య గొని స్వరమ్ముల గూర్చెన్
సమ్మదమొంది దపామరి
రిప్లయితొలగించండిసమ్మగరిస గమక మొదవ సప్తస్వరముల్
ఇమ్మహి జేరినయాకా
రమ్మును త్యాగయ్య గొని స్వరమ్ముల గూర్చెన్
శైలజ గారూ,
రిప్లయితొలగించండిమీ పూరణ బాగున్నది. అభినందనలు.
*
భాగవతుల కృష్ణారావు గారూ,
మీ పూరణ బాగున్నది. అభినందనలు.
*
యం.ఆర్.చంద్రమౌళి గారూ,
త్యాగయ్య పేరు చూడగానే మీలో కవితావేశం పెల్లుబికినట్లున్నది. సంతోషం!
మీ ఆరు పూరణలు బాగున్నవి. అభినందనలు.
*
నాగరాజు రవీందర్ గారూ,
మీ పూరణ బాగున్నది. అభినందనలు.
*
గోలి హనుమచ్ఛాస్త్రి గారూ,
మీ పూరణ బాగున్నది. అభినందనలు.
‘ఏమీ’ అని వ్యావహారికాన్ని ప్రయోగించారు. ఏమియు అంటే సరి!
*
అన్నపరెడ్డి సత్యనారాయణ రెడ్డి గారూ,
మీ రెండవ పూరణ కూడా బాగున్నది. అభినందనలు.
*
కెంబాయి తిమ్మాజీ రావు గారూ,
మీ పూరణ బాగున్నది. అభినందనలు.
గానమునకై అనవలసినది గానముకై అన్నారు. అక్కడ ‘శ్రీరాముఁ బాడఁగలుగుటకై గ్రం...’ అందామా?
*
లక్ష్మీదేవి గారూ,
మీ పూరణ బాగున్నది. అభినందనలు.
‘సుఖమ్మొకొ / యిమ్ముగ’ అనండి.
*
గండూరి లక్ష్మినారాయణ గారూ,
మీ పూరణ బాగున్నది. అభినందనలు.
*
‘శీనా’ శ్రీనివాస్ గారూ,
బహుకాల దర్శనం...
మీ పూరణ బాగున్నది. అభినందనలు.
రెండవ పాదంలో యతి తప్పింది. ‘కమ్మని శ్రీరాముని పదకమలము నెదలో’ అనండి.
*
మల్లెల సోమనాథ శాస్త్రి గారూ,
మీ నాలుగు పూరణలు బాగున్నవి. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిఇమ్ముగ రామక ధాసా
రిప్లయితొలగించండిరమ్మును త్యాగయ్య గొని స్వరముల గూర్చెన్
గమ్మని పదముల తోడను
రమ్మా మఱి నీవు కూడ రాగము వినగన్
గుండు మధుసూదన్ గారూ,
రిప్లయితొలగించండిమీ పూరణ రాలేదు..!
*
సుబ్బారావు గారూ,
మీ పూరణ బాగున్నది. అభినందనలు.
రమ్మన గాయన విద్య ప
రిప్లయితొలగించండిరమ్మిది జీవితమునకని రసగురు శొంఠీ
సమ్మోదితునం గీకా
రమ్మును త్యాగయ్య గొని స్వరమ్ముల గూర్చెన్
ఇహపరాలూ గానవిద్యేనని తలచి తనగురువైన శొంఠి వేంకటరమణయ్యగారి అంగీకారంతోనే త్యాగరాజు స్వరార్చనచేశాడా !
యం.ఆర్. చంద్రమౌళి గారూ,
రిప్లయితొలగించండిఆరు వ్రాశారు. మరొక్కటి వ్రాస్తే స్వరసంఖ్య అవుతుంది కదా అనుకున్నాను. నా కోరిక తీర్చారు.
మీ తాజా పూరణ బాగున్నది. అభినందనలు.
కాని ‘శొంఠీ’ అని దీర్ఘాంతం చేయడం సబబు కాదనుకుంటాను.
ఈ కామెంట్‌ను రచయిత తీసివేశారు.
రిప్లయితొలగించండిశ్రీ శంకరయ్యగారు,
రిప్లయితొలగించండిమీప్రోత్సాహ స్పందనలకు నా వందనములు. ఏడవస్వరాన్నిఆధార శ్రుతినిలోనే నిబద్ధంచేయకపోతె మీ కోరిక అసంపూర్ణమౌతుందిగా!
రమ్మన గాయన కళఁ ప్రౌ
ఢమ్మొసగగ శొంఠివెంకటార్యుడు ప్రీతిన్
సమ్మోదితునం గీకా
రమ్మును త్యాగయ్య గొని స్వరమ్ముల గూర్చెన్
ప్రౌఢమును ఒసగగ = సంగీత లక్షణాల పైచదువులు
రిప్లయితొలగించండిపూజ్యులు గురుదేవులు శంకయ్య గారికి వందనములు
మీసూచనతో సవరించిన పద్యము
అమ్మౌని నారదు౦డిడె
కమ్మగ శ్రీరాము బాడ గలుగుటకై గ్ర౦
థమ్మును “స్వరార్ణవము”వ
రమ్మును త్యాగయ్య గొని స్వరమ్ముల గూర్చెన్
మిత్రులు కంది శంకరయ్యగారికి, సుకవి పండిత మిత్ర బృందమునకు నమస్కారములు.
రిప్లయితొలగించండిశంకరయ్యగారు, మన్నించాలి. నేను చేసిన పూరణమును పంపునపుడు మా ఇంటియందు కరెంట్ లేకపోవుట, నా సెల్‍ఫోన్‍లో చార్జింగ్ కూడా ముగియుటచే అసంపూర్ణముగా ఆపవలసివచ్చినది. ఇప్పుడు కరెంట్ వచ్చుటచే పూరణము నిచ్చట నిచ్చుచున్నాను. ఆలస్యమునకు క్షంతవ్యుడను.
ఇఁక నా పూరణము:
నెమ్మనమందున నమ్మిన
తమ్మికనుల వేల్పు సమ్మతమ్మునఁ, దనకున్
సొమ్మగు నా తారక మం
త్రమ్మును, త్యాగయ్య గొని, స్వరమ్ములఁ గూర్చెన్!
యం.ఆర్.చంద్రమౌళి గారూ,
రిప్లయితొలగించండిసవరించిన మీ ఏడవ పూరన నా అంగీకారాన్ని పొందింది. సంతోషం!
*
గుండు మధుసూదన్ గారూ,
నేనుకూడా ఏదో అవాంతరం వచ్చిందని ఊహించాను.
మీ పూరణ బాగున్నది.అభినందనలు.
శ్రీ శంకరయ్య గురువర్యులకు పాదాభివందనం.
రిప్లయితొలగించండిమీ సూచనతో సరి చేసుకున్న పద్యము:
సొమ్ముని నిధులను వలదని
కమ్మని శ్రీ రాముని పద కమలము లెదలో
నమ్ముచు రామ కధా సా
రమ్మును త్యాగయ్య గొని స్వరమ్ముల గూర్చెన్
పూజ్య గురుదేవులు కంది శంకరయ్య గారికి నమస్సులు. తమరి సవరణకు ధన్యవాదాలు.
రిప్లయితొలగించండిM R CHANDRAMOULI గారికి అభినందన స్వరమాల.
రిప్లయితొలగించండిగురువుగార్కి ధన్యవాదాలు.
రిప్లయితొలగించండిసొమ్ములు సుఖమ్మె? రాముని
రిప్లయితొలగించండికమ్మని సన్నిథి సుఖమ్మె! కలిలో నైనన్
నమ్ముచు రామ సుధా సా
రమ్మును త్యాగయ్య గొని స్వరమ్ములఁ గూర్చెన్
సహదేవుడు గారూ,
రిప్లయితొలగించండిమీ పూరణ బాగున్నది. అభినందనలు.
కమ్మని రాగము తాళము
రిప్లయితొలగించండిఘుమ్మను నాదముల తోడ కోమలమయమౌ
నిమ్మగు పదముల సంభా
రమ్మును త్యాగయ్య గొని స్వరమ్ములఁ గూర్చెన్
రమ్మును బీరును కాదుర!
రిప్లయితొలగించండినమ్ముము నా మాటనయ్య! నయగారమ్మౌ
కమ్మని కావేరిది నీ
రమ్మును త్యాగయ్య గొని స్వరమ్ములఁ గూర్చెన్