కవిమిత్రులారా,
ఈరోజు పూరించవలసిన సమస్య...
వానలు లేకుండ మెట్ట వరి ఫలియించెన్.
సేకరించి పంపిన సంపత్ కుమార్ శాస్త్రి గారికి ధన్యవాదాలు.
ఈరోజు పూరించవలసిన సమస్య...
వానలు లేకుండ మెట్ట వరి ఫలియించెన్.
సేకరించి పంపిన సంపత్ కుమార్ శాస్త్రి గారికి ధన్యవాదాలు.
రిప్లయితొలగించండియతి గణములు లేకుండ జిలేబి లిఖించెన్
పట్టింపు లేకుండ కంది వారు అభినందించెన్
విత్తనములు జల్లక పంట చేతి కొచ్చెన్
వానలు లేకుండ మెట్ట వరి ఫలియించెన్ !!
జిలేబి
వానలకై చూచుచు తా
రిప్లయితొలగించండిమేనును వాల్చెను కునుకున మేలగు రైతే
తానే కలగనె నందున
వానలు లేకుండ మెట్ట వరి ఫలియించెన్.
బోనము నోటికి రాదుగ
రిప్లయితొలగించండివానలు లేకుండ ,మెట్ట వరి ఫలియించెన్
వానలు బాగుగ బడుటన
వానలు మఱి లేనిచోట బ్రదుకే భారమ్
వానలకైజూచి నలసి
రిప్లయితొలగించండివానలు లేకున్నవేళ వరిపండించన్
పూనికగొనిబిందు కృషిని
వానలు లేకుండ మెట్ట వరి ఫలియించెన్
అమ్మా జిలేబీ,
రిప్లయితొలగించండిమిమ్మల్ని అభినందించకుంటే ‘వరూధిని’ని నాపై ఉసిగొల్పి, రాంపండుతో నాకే చదువు చెప్పిస్తారు కదా!
*
గోలి హనుమచ్ఛాస్త్రి గారూ,
మీ స్వప్నవృత్తాంతపు పూరణ బాగున్నది. అభినందనలు.
*
సుబ్బారావు గారూ,
విరుపుతో మీ పూరణ బాగున్నది. అభినందనలు.
‘భారమ్’ అని హలంతపదాన్ని ప్రయోగించారు. అక్కడ ‘బ్రతుకె బరు వగున్’ అనండి.
*
శైలజ గారూ,
మీ బిందుసేద్యపు పూరణ బాగుంది. అభినందనలు.
‘వానలకై చూచి యలసి’ అనండి. (కై ప్రత్యయం తరువాతి పరుషం సరళం కాదు. చూచి + అలసి అన్నప్పుడు నుగాగమం రాదు)
కానలు లేకనె పోయెను
రిప్లయితొలగించండివానలు లేకుండ; మెట్ట వరి ఫలియించెన్
మానిసి కలలో నేడిదె
కానగ వచ్చును వగచిన కలవా ఫలముల్?
చేలెండి పోవుచుండెను
రిప్లయితొలగించండివానలపై యాసశ వీడి వైచిన యా ధీ
మానవుని బోరు దకముచే
వానలు లేకుండ మెట్ట వరి ఫలియించెన్
ఏనాటి పుణ్య ఫలమో!
రిప్లయితొలగించండియీనాటికి నెత్తి పోత లీడేర్చ వెతల్
మా నోటికి ముద్ద దొరక
వానలు లేకుండ మెట్ట వరి ఫలియించెన్!
ధీనిధి యగు కర్షకుఁడిటు
రిప్లయితొలగించండివానలు లేకున్న గలుఁగు బాధల గని సం
ధానించె "బోరు" మార్గము
వానలు లేకుండ మెట్ట వరి ఫలియించెన్.
రిప్లయితొలగించండిపూజ్యులు గురుదేవులు శంకరయ్య గారికి వందనములు
కానలకోనల కురిసిన
వాన జలము తోడ విత్త వరిచేల్ మెరసెన్
తానూర్పిడి గావించెను
వానలు లేకుండ మెట్ట వరి ఫలియి౦చెన్
జ్ఞాన మభివృద్ధిఁ జెందగ
రిప్లయితొలగించండినానా విధవింతలఁ గననగు భువిలోనన్
నానోటెక్నాలజితో
వానలు లేకుండ మెట్టవరి ఫలియించెన్
మల్లెల సోమనాధ శాస్త్రి గారి పూరణలు
రిప్లయితొలగించండిచేనుల, బావుల మోటల
బానల తోడను తడుపగ వరిచేలను తా
కానరె కర్షకులత్తరి;
వానలు లేకుండ మెట్ట వరి ఫలియించెన్
మానిత ధర్మజు డెట తా
నూనును కాలును నచటనె నొప్పును వానల్
తానేగ విరటు రాజ్యము
వానలు లేకుండ మెట్ట వరి ఫలియించెన్
వేనదుల కానకట్టలు
నానందమగును మెరకగు నా భూములలో
ఫేనము తో నీరుపొరలి
వానలు లేకుండ మెట్ట, వరి ఫలియించెన్
కానగ చిత్రము లక్ష్మిని
మానిత శ్రావణ మాసాన మంచిగ కొలువన్
కోనల వాగుల నీరున
వానలు లేకుండ మెట్ట వరి ఫలియించెన్
పూనిక ఫలమా? కురిసెను
రిప్లయితొలగించండివానలు, లేకుండ మెట్ట, వరి ఫలియించెన్
సానందపు తెనలాడగ
తానై కృషికులము పొంగి తలలూపినదా?
లక్ష్మీదేవి గారూ,
రిప్లయితొలగించండికలలో వరి పండించిన మీ పూరణ బాగున్నది. అభినందనలు.
*
గండూరి లక్ష్మినారాయణ గారూ,
బోరునీళ్ళతో పండించిన మీ పూరణ బాగున్నది. అభినందనలు.
*
గుండా వెంకట సుబ్బ సహదేవుడు గారూ,
మీ ఎత్తిపోతల పథకపు పూరణ బాగున్నది. అభినందనలు.
*
సంపత్ కుమార్ శాస్త్రి గారూ,
బోరును సంధానించిన మీ పూరణ బాగున్నది. అభినందనలు.
*
కెంబాయి తిమ్మాజీ రావు గారూ,
పోడువ్యవసాయం గురించా మీరు చెప్పింది. బాగున్నది. అభినందనలు.
*
అన్నపరెడ్డి సత్యనారాయణ రెడ్డి గారూ,
నానో టెక్నాలజీతో మీ పూరణ బాగున్నది. అభినందనలు.
*
మల్లెల సోమనాథ శాస్త్రి గారూ,
మీ నాలుగు పూరణలు వైవిధ్యంగా బాగున్నవి. అభినందనలు.
నాల్గవ పూరణలో ‘మాసాన’ అన్నచోట గణభంగం. ‘మానిత శ్రావణమునందు...’ అనండి.
*
యం.ఆర్. చంద్రమౌళి గారూ,
మీ పూరణ బాగున్నది. అభినందనలు.
1) మానవ కృషి వర్ధిల్లగ
రిప్లయితొలగించండిజ్ఞానులు విజ్ఞాన గరిమ గంగను భువికి
న్నా నాగులధారిగ నిడ
వానలు లేకుండ మెట్ట వరి ఫలియించెన్.
2) ఈ నవ యుగ విజ్ఞానులు
పూనిక తో భూజలంబు భువి కుబుకించన్
మానవులు విత్తు నాటగ
వానలు లేకుండ మెట్ట వరి ఫలియించెన్.
భాగవతుల కృష్ణారావు గారూ,
రిప్లయితొలగించండిమీ రెండు పూరణలు బాగున్నవి. అభినందనలు.
గురువుగారికి నమస్కారములు.
రిప్లయితొలగించండినేను సూచించిన సమస్యకు ధీటైన పూరణలను పంపిన కవిమిత్రులందరికి మన:పూర్వకాభినందనలు.
మిత్రులు కంది శంకరయ్యగారికి, సుకవి పండిత మిత్రబృందమునకు నమోవాకములు.
రిప్లయితొలగించండిచేనికి నవసరమయ్యెడి
వానలు చక్కంగఁ గుఱిసి, "ప్రళయకరమ్మౌ,
చేనికి హానికరమ్మౌ
వానలు లేకుండ" మెట్ట వరి ఫలియించెన్!!
జ్ఞానము కలిగిన రైతులు
రిప్లయితొలగించండిచేనుల యాధునిక బిందు సేద్యము చేసెన్
కానని మొయిళ్ళును తగిన
వానలు లేకుండ మెట్ట వరి ఫలియించెన్
గుండు మధుసూదన్ గారూ,
రిప్లయితొలగించండిమీ పూరణ బాగున్నది. అభినందనలు.
*
నాగరాజు రవీందర్ గారూ,
మీ పూరణ బాగున్నది. అభినందనలు.
*
చంద్రమౌళి సూర్యనారాయణ గారూ,
మీ పూరణ బాగున్నది. అభినందనలు.
రైతులు.. చేసెన్ అన్నారు. అక్కడ చేయన్ అంటే అన్యయం కుదురుతుందేమో?
సవరణకు ధన్యవాదములు మాష్టారు
రిప్లయితొలగించండిబోనలు గూర్చగ కవితయె
రిప్లయితొలగించండితానే యాగములు జేయ తనివిందీరన్
కోనేర్లు నదులు నిండగ
వానలు లేకుండ మెట్ట వరి ఫలియించెన్
రిప్లయితొలగించండిబానగిలె రైతు సావుకు
వానలు లేకుండ; మెట్ట వరి ఫలియించె
న్నేనాడైన జిలేబీ ?
చాన దినములాయెనమ్మ జల్లుల జూడన్ !
జిలేబి
నానా గ్రంథము లొల్లక
రిప్లయితొలగించండినేనీ పద్యములు వ్రాసి నెట్టున నిడితిన్...
కానగ నిదియెట్లన్నన్
వానలు లేకుండ మెట్ట వరి ఫలియించెన్