పూజ్యులు గురుదేవులు శంకరయ్య గారికి వందనములు తిమ్మాజీ రావు పూరణ స్నానమాచరించి సంధ్య నుపాసించి ఘంట రవమొనర్చి కలశపూజ పిదప విఘ్న రాజు విధిగ నర్చించక శేష శయను పూజసేయరాదు కె.ఈశ్వరప్పగారిపూరణ విఘ్న రాజు పూజ విజయమ్ము చేకూర్చు సంధ్య వందనమ్ము సాగు పిదప సత్య దేవు వ్రతము సఫలత. ముందుగా శేష శయను పూజసేయరాదు
గురువులు శంకరయ్య గారు, కవి వర్యులకు వందనాలు. . హరియు హరుడు వేరటంచు దలచువారు, భవుడె సర్వమనెడి భక్తవరులు, శివుని గూర్చి పూజ చేయువారెపుడైన శేష శయను పూజ చేయ రాదు.
చంద్రమౌళి సూర్యనారాయణ గారు మీరు 27.07.14 వ్రాసిన పద్యములలో గూడా "పకి" "మకి" యతి వేసారు. నాప్రశ్నకు గురువు గారిచ్చిన సమాధానం కూడా పంపుచున్నాను. 1.భార్య విలువ తెలిసి మసలు కొమ్ము 2.భర్తమనసు తెలిసి మసలుకొను సుపరి పూజ్య గురుదేవులు కంది శంకరయ్య గారికి నమస్సులు. ప, ఫ, బ, భ, వ లకు యతిమైత్రి చెల్లుతుంది గదా. "మ" తో యతి మైత్రి ఉంటుందా.దయ చేసి తెలియ జేయండి. అన్నపరెడ్డి సత్యనారాయణ రెడ్డి గారూ, మీ పూరణ బాగున్నది. అభినందనలు. ప,ఫ,బ,భ లతో మకారంతో యతి చెల్లదు. కాని అనుస్వారపూర్వకమైనప్పుడు అంటే ంప,ంఫ, ంబ, ంభ లతో మకారానికి యతి చెల్లుతుంది.
‘శీనా’ శ్రీనివాస్ గారూ, మీ పూరణ బాగున్నది. అభినందనలు. ‘రాదు + అనుట, కాదు + అవని’ అన్నప్పుడు యడాగమం రాదు. ‘సేయరా ద/టంచు పలుక నగునె యవని...’ అనండి. * అన్నపరెడ్డి సత్యనారాయణ రెడ్డి గారూ, మీ పూరణ బాగున్నది. అభినందనలు. * నాగరాజు రవీందర్ గారూ, మీ పూరణ బాగున్నది. అభినందనలు. * గోలి హనుమచ్ఛాస్త్రి గారూ, మీ పూరణ బాగున్నది. అభినందనలు. కాని మొదటి రెండు పాదాలను ఇలా సవరిస్తే బాగుంటుందని నా సలహా... ‘పాము పడక వాడు పన్నగభూషణు/డొకరి మదిని యొక్క రొదిగియుంద్రు’ * భాగవతుల కృష్ణారావు గారూ, మీ పూరణ బాగున్నది. అభినందనలు. * మత్తకూరు రాజణ్ణ చంద్రమౌళి గారూ, మీ పూరణ బాగున్నది. అభినందనలు. మొదటిపాదం అర్థం కాలేదు. * కెంబాయి తిమ్మాజీ రావు గారూ, మీ పూరణ బాగున్నది. అభినందనలు. * కె. ఈశ్వరప్ప గారూ, శంకరాభరణం బ్లాగు మీకు స్వాగతం పలుకుతున్నది. మీ పూరణ బాగున్నది. అభినందనలు. * మల్లెల సోమనాథ శాస్త్రి గారూ, మీ ఆరు పూరణలు బాగున్నవి. అభినందనలు. రెండవ పూరణలో ‘రాద/ టంచు’ అనండి. ఐదవ పూరణలో ‘వారణముకు’ అన్నారు. వ్యాకరణరీత్యా ‘వారణనమునకు’ అనాలి కదా. * జయసారథి గారూ, మీ పూరణ బాగున్నది. అభినందనలు. * శైలజ గారూ, మీ పూరణ బాగున్నది. అభినందనలు. * గండూరి లక్ష్మినారాయణ గారూ, మీ పూరణ బాగున్నది. అభినందనలు. * అన్నపరెడ్డి వారూ, సూర్యనారాయణ గారి వని మీరు చెప్పిన పాదాలలో యతిదోషం ఉంది. సందేహం లేదు.
రెండుచింతల రామకృష్ణ మూర్తి గారూ, మీ రెండు పూరణలు బాగున్నవి. అభినందనలు. ‘కోటి’ అన్నప్పుడు ‘కర్మలు’ అని బహువచనరూపం వ్రాయవలసి ఉంది. కనుక అక్కడ ‘క్రూరకర్మకోటి...’ అనండి. * గుండా వేంకట సుబ్బ సహదేవుడు గారూ, మీ పూరణ బాగున్నది. అభినందనలు. మూడవ పూరణలో ‘మరువు మనుచు’ అన్నచోట గణదోషం... ‘మరచిపొ మ్మనుచును’ అనండి.
Annapareddy satyanarayana reddy గారూ ధన్యవాదములు. మీ పరిశీలన వలన నా భ్రమ తొలగింది. ఈ రోజు మళ్ళీ యతి నియమములు చదివాను. ఇంతకుముందు చాలా చోట్ల ఆ యతిమైత్రి చేశాను. అవి యన్నీ దోషములే . ఇలాంటి పరిశీలనలో వచ్చిన విషయములు మిత్రులు నిస్సందేహముగా తెలియ చేస్తే బాగుంటుంది. మీకు గురువుగారికి మరొక సారి ధన్య వాదములు
>ప,ఫ,బ,భ లతో మకారంతో యతి చెల్లదు. కాని అనుస్వారపూర్వకమైనప్పుడు అంటే ంప,ంఫ, ంబ, ంభ లతో మకారానికి యతి చెల్లుతుంది.
పదాద్యక్షరం మకారం ఐనప్పుడు, యతిస్థానంలో గంప లోని రెండవ అక్షరంఅని వచ్చిందనుకోండి, పై నియమంసుళువు ప్రకారం యతిచెల్లించవచ్చును. ఎందుకంటే గంప అన్నది గమ్ప అని కూడా వ్రాయవచ్చును కదా! అందుచేత
మేదినీ వలయంబు గంపించె నపుడు
అని ఉందనుకోండి ఇక్కడ యతి బాగానే ఉన్నట్లే. ఎందుకంటే దీనినే
శ్రీ శంకరయ్యగారు, కొద్దిగా వివరణ ఇవ్వకపోవడమూ, ఛందోసంధిగ్దంలో అర్థపాటవాన్ని సమర్థంగా సాధించకపోవడం, నా పొరబాటు. క్షంతవ్యుడను. వివరణ: "సర్పము, అహంకార-రాగ-ద్వేషాలకు ప్రతిరూపము. "శేషుడు అన్న అహవిజేతుడు", అహముని లొంగదీసిదానిపై శయనించినవాడు. రంగని పూజ శుభము. అహము అనె పడకలోనె శయనిస్తూ తన అహంకారపుపరుపులో పడియున్న"శేషశయను" (లౌకిగ అహంపూరిత నాయకుల) పూజ వలదు. "
మల్లెలవారి పూరణాల్లోనూ, శ్రీపతిశాస్త్రిగారిపూరణలోనూ ఒక పొరపాటు హిరణ్యకశ్యపుడు అన్నమాట సరైనది అనుకోవటం. నిజానికి హిరణ్యకశిపుడు అనాలి. కశిపశబ్దానికి అన్నవస్త్రశయ్యాదులుగా అర్థం.
యం.ఆర్. చంద్రమౌళి గారూ, నిజమే.. మల్లెలవారి పూరణలో గణదోషం.. మీ సవరణ బాగున్నది. ధన్యవాదాలు. * చంద్రమౌళి సూర్యనారాయణ గారూ, మీ పూరణ బాగున్నది. అభినందనలు. * గుండు మధుసూదన్ గారూ, మీ పూరణ బాగున్నది. అభినందనలు. * శ్రీపతి శాస్త్రి గారూ, మీ పూరణ బాగున్నది. అభినందనలు. * శ్యామలరావు గారూ, మొన్నమొన్నటి వరకూ ఆ పొరపాటు నేనూ చేశాను. మిత్రులు తమ పూరణలో హిరణ్యకశిపుడు అని వ్రాస్తే నేను హిరణ్యకశ్యపుడు అని రాయాలని సూచించాను. గురుదేవులు నేమాని వారు చెప్పేదాకా నా తప్పు తెలుసుకోలేదు. ధన్యవాదాలు. * కందుల వరప్రసాద్ గారూ, మీ రెండు పూరణలు బాగున్నవి. అభినందనలు.
యోగులకును పరమ యోగము నిచ్చెడి
రిప్లయితొలగించండిశేష శయను పూజ, సేయ రాదు
యనుట పాడి గాదు! యవని జనులకది
పరమ పుణ్య ప్రదము పండితార్య
ముక్తి గలుగును కడు భక్తితో నొనరించ
రిప్లయితొలగించండిశేషశయను పూజ, సేయ రాదు
ముఱికి బుద్ధి తోడ బూటకమౌ పూజ
పరమ పదము చేరు వరము గొనగ
పాము పడక వాడు పన్నగ ధరుడును
రిప్లయితొలగించండిఒకరి మదిని యొకరు నొదిగియుండు
శివుని నింద జేసి శ్రీహరి చాలంఛు
శేషశయను పూజ సేయ రాదు.
చేయ దగును నరులు సిరికి హరికి పాన్పు
రిప్లయితొలగించండిశేషశయను పూజ; సేయరాదు
ధనము గుంజు యతుల దైవము లని యెంచి
పాద సేవ లెపుడు భ్రాంతి జెంది
రిప్లయితొలగించండిశేషుడన్నయహవి జేతుడు రంగడు
శేషశయను పూచ సేయ శుభము
అహమె పడకయైనహంకారియగు దుష్ట
శేషశయను పూజ సేయ రాదు.
పూజ్యులు గురుదేవులు శంకరయ్య గారికి వందనములు
రిప్లయితొలగించండితిమ్మాజీ రావు పూరణ
స్నానమాచరించి సంధ్య నుపాసించి
ఘంట రవమొనర్చి కలశపూజ
పిదప విఘ్న రాజు విధిగ నర్చించక
శేష శయను పూజసేయరాదు
కె.ఈశ్వరప్పగారిపూరణ
విఘ్న రాజు పూజ విజయమ్ము చేకూర్చు
సంధ్య వందనమ్ము సాగు పిదప
సత్య దేవు వ్రతము సఫలత. ముందుగా
శేష శయను పూజసేయరాదు
మల్లెల వారి పూరణలు
రిప్లయితొలగించండినిద్ర నుండు నతడు, నిపుడు వినడుగా
మనదు మొఱను, నిద్ర మత్తు నుండ
కాన, మనము నతని కార్తీక మౌదాక,
శేష శయను పూజ సేయ రాదు
కనక కస్యపుండు కన్న బిడ్డకు తెల్పె
"శేష శయను పూజ సేయ రాదు"
ననుచు, నయిన వాడు నతనినే కొల్చుచున్
శేష శయను పూజ సేయ విడడు
శరణు వేడి నంత చక్కగా రక్షించు
నెచటి కైన వచ్చి, యింపు గాను
శేష శయను పూజ సేయ, రాదుగ కీడు
ఆర్తి వినిన విష్ణు, డతని నమ్మ
ఇభము బట్ట మకరి, యెంతయో పోరినన్
విడువ కతని లావు వీడ జేసె
శేష శయను పూజ సేయ, రాదు కటము
శరణు వేడి నంత చనియు గాచె
విఘ్న నాయకునికి, విష్ణు పూజకు మున్నె
పూజ సేయ వలయు పొలుపు గాను,
విఘ్న వారణముకు విడిచి వాని కిడక
శేష శయను పూజ సేయ రాదు
తెల్ల పూల మనము తేటైన మనసుతో
విష్ణు పూజ సేయ పెరుగు కీర్తి
నలుపు పూల పూజ నందిడు తమసమే
శేష శయను పూజ సేయ రాదు
గురువులు శంకరయ్య గారు, కవి వర్యులకు వందనాలు.
రిప్లయితొలగించండి.
హరియు హరుడు వేరటంచు దలచువారు,
భవుడె సర్వమనెడి భక్తవరులు,
శివుని గూర్చి పూజ చేయువారెపుడైన
శేష శయను పూజ చేయ రాదు.
చిత్త శుధ్ధి తోడ శ్రీపతిని గొలిచి
రిప్లయితొలగించండివిరుల నొసగి గొలువ సిరుల నిడును
నీమ నిష్ఠ లేక నిలువ పూలను దెచ్చి
శేష శయను బూజ సేయ రాదు
శేషశయను పూజ సేయరాదని చెప్పు
రిప్లయితొలగించండివారలెవరు లేరు వాస్తవముగ
నాస్తి కులును దప్ప, నారాయణుని సేవ
భక్తి తోడ జేయు వారు లెస్స.
చంద్రమౌళి సూర్యనారాయణ గారు మీరు 27.07.14 వ్రాసిన పద్యములలో గూడా "పకి" "మకి" యతి వేసారు. నాప్రశ్నకు గురువు గారిచ్చిన సమాధానం కూడా పంపుచున్నాను.
రిప్లయితొలగించండి1.భార్య విలువ తెలిసి మసలు కొమ్ము
2.భర్తమనసు తెలిసి మసలుకొను సుపరి
పూజ్య గురుదేవులు కంది శంకరయ్య గారికి నమస్సులు. ప, ఫ, బ, భ, వ లకు యతిమైత్రి చెల్లుతుంది గదా. "మ" తో యతి మైత్రి ఉంటుందా.దయ చేసి తెలియ జేయండి.
అన్నపరెడ్డి సత్యనారాయణ రెడ్డి గారూ,
మీ పూరణ బాగున్నది. అభినందనలు.
ప,ఫ,బ,భ లతో మకారంతో యతి చెల్లదు. కాని అనుస్వారపూర్వకమైనప్పుడు అంటే ంప,ంఫ, ంబ, ంభ లతో మకారానికి యతి చెల్లుతుంది.
‘శీనా’ శ్రీనివాస్ గారూ,
రిప్లయితొలగించండిమీ పూరణ బాగున్నది. అభినందనలు.
‘రాదు + అనుట, కాదు + అవని’ అన్నప్పుడు యడాగమం రాదు. ‘సేయరా ద/టంచు పలుక నగునె యవని...’ అనండి.
*
అన్నపరెడ్డి సత్యనారాయణ రెడ్డి గారూ,
మీ పూరణ బాగున్నది. అభినందనలు.
*
నాగరాజు రవీందర్ గారూ,
మీ పూరణ బాగున్నది. అభినందనలు.
*
గోలి హనుమచ్ఛాస్త్రి గారూ,
మీ పూరణ బాగున్నది. అభినందనలు. కాని మొదటి రెండు పాదాలను ఇలా సవరిస్తే బాగుంటుందని నా సలహా... ‘పాము పడక వాడు పన్నగభూషణు/డొకరి మదిని యొక్క రొదిగియుంద్రు’
*
భాగవతుల కృష్ణారావు గారూ,
మీ పూరణ బాగున్నది. అభినందనలు.
*
మత్తకూరు రాజణ్ణ చంద్రమౌళి గారూ,
మీ పూరణ బాగున్నది. అభినందనలు.
మొదటిపాదం అర్థం కాలేదు.
*
కెంబాయి తిమ్మాజీ రావు గారూ,
మీ పూరణ బాగున్నది. అభినందనలు.
*
కె. ఈశ్వరప్ప గారూ,
శంకరాభరణం బ్లాగు మీకు స్వాగతం పలుకుతున్నది.
మీ పూరణ బాగున్నది. అభినందనలు.
*
మల్లెల సోమనాథ శాస్త్రి గారూ,
మీ ఆరు పూరణలు బాగున్నవి. అభినందనలు.
రెండవ పూరణలో ‘రాద/ టంచు’ అనండి.
ఐదవ పూరణలో ‘వారణముకు’ అన్నారు. వ్యాకరణరీత్యా ‘వారణనమునకు’ అనాలి కదా.
*
జయసారథి గారూ,
మీ పూరణ బాగున్నది. అభినందనలు.
*
శైలజ గారూ,
మీ పూరణ బాగున్నది. అభినందనలు.
*
గండూరి లక్ష్మినారాయణ గారూ,
మీ పూరణ బాగున్నది. అభినందనలు.
*
అన్నపరెడ్డి వారూ,
సూర్యనారాయణ గారి వని మీరు చెప్పిన పాదాలలో యతిదోషం ఉంది. సందేహం లేదు.
కోటి క్రూర కర్మ కోరి చేసిన గాని
రిప్లయితొలగించండిశేష శయను పూజ సేయ; రాదు
పాప వితతి ప్రజకు, పరదైవ మగుటచే
యోగి జనుల హృదిని సాగు గాన(యోగి హృద్ధ్యాన గమ్యం)
పరమ పాపు లైన నరక కంసులకును
శేష శయను పూజ సేయ రాదు
భక్తి నిండి నట్టి ప్రహ్లాద బాలుడే
విష్ణు లీల లెరిగి వెలిగె భువిని
నిన్నటి దత్తపది:
రిప్లయితొలగించండిగద్యము కైలాస శివుడు!
పద్యము సురగంగ వలెను పారగ శిగలో!
హృద్యమ్మౌ శివ రూపము
మద్యము కాదది తెనుగున మాధుర్య సుదౌ!
నేటి పూరణ:
భక్త ప్రహ్లాదుని పరంగా...
మేలు మేలనుచును మేను మరచి నీవు
శేష శయను పూజ సేయ రాదు
మనకు శత్రువతడు మరువు మనుచు
దానవేంద్రు డనియె తనయుఁ జూచి!
రెండుచింతల రామకృష్ణ మూర్తి గారూ,
రిప్లయితొలగించండిమీ రెండు పూరణలు బాగున్నవి. అభినందనలు.
‘కోటి’ అన్నప్పుడు ‘కర్మలు’ అని బహువచనరూపం వ్రాయవలసి ఉంది. కనుక అక్కడ ‘క్రూరకర్మకోటి...’ అనండి.
*
గుండా వేంకట సుబ్బ సహదేవుడు గారూ,
మీ పూరణ బాగున్నది. అభినందనలు.
మూడవ పూరణలో ‘మరువు మనుచు’ అన్నచోట గణదోషం... ‘మరచిపొ మ్మనుచును’ అనండి.
Annapareddy satyanarayana reddy గారూ ధన్యవాదములు. మీ పరిశీలన వలన నా భ్రమ తొలగింది. ఈ రోజు మళ్ళీ యతి నియమములు చదివాను. ఇంతకుముందు చాలా చోట్ల ఆ యతిమైత్రి చేశాను. అవి యన్నీ దోషములే . ఇలాంటి పరిశీలనలో వచ్చిన విషయములు మిత్రులు నిస్సందేహముగా తెలియ చేస్తే బాగుంటుంది. మీకు గురువుగారికి మరొక సారి ధన్య వాదములు
రిప్లయితొలగించండిఆ వె అక్రమాల తోడ ఆర్జించి మెండుగా
రిప్లయితొలగించండిశేష పాన్పు నొకటి సేసినాడు
భయము భక్తి లేక శయనించి యున్నట్టి
శేష శయను పూజ సేయ రాదు
కొరుప్రోలు రాధాకృష్ణ రావు
కొరుప్రోలు రాధాకృష్ణ రావు గారూ,
రిప్లయితొలగించండిశంకరాభరణం మీకు స్వాగతం పలుకుతున్నది.
మీ పూరణ సలక్షణంగా, దోషరహితంగా బాగున్నది. అభినందనలు.
>ప,ఫ,బ,భ లతో మకారంతో యతి చెల్లదు. కాని అనుస్వారపూర్వకమైనప్పుడు అంటే ంప,ంఫ, ంబ, ంభ లతో మకారానికి యతి చెల్లుతుంది.
రిప్లయితొలగించండిపదాద్యక్షరం మకారం ఐనప్పుడు, యతిస్థానంలో గంప లోని రెండవ అక్షరంఅని వచ్చిందనుకోండి, పై నియమంసుళువు ప్రకారం యతిచెల్లించవచ్చును. ఎందుకంటే గంప అన్నది గమ్ప అని కూడా వ్రాయవచ్చును కదా! అందుచేత
మేదినీ వలయంబు గంపించె నపుడు
అని ఉందనుకోండి ఇక్కడ యతి బాగానే ఉన్నట్లే. ఎందుకంటే దీనినే
మేదినీ వలయంబు గమ్పించె నపుడు
అని చూస్తే ఇబ్బంది లేదు కదా.
శ్రీ శంకరయ్యగారు,
రిప్లయితొలగించండికొద్దిగా వివరణ ఇవ్వకపోవడమూ, ఛందోసంధిగ్దంలో అర్థపాటవాన్ని సమర్థంగా సాధించకపోవడం, నా పొరబాటు. క్షంతవ్యుడను.
వివరణ: "సర్పము, అహంకార-రాగ-ద్వేషాలకు ప్రతిరూపము. "శేషుడు అన్న అహవిజేతుడు", అహముని లొంగదీసిదానిపై శయనించినవాడు. రంగని పూజ శుభము. అహము అనె పడకలోనె శయనిస్తూ తన అహంకారపుపరుపులో పడియున్న"శేషశయను" (లౌకిగ అహంపూరిత నాయకుల) పూజ వలదు. "
యం.ఆర్. చంద్రమౌళి గారూ,
రిప్లయితొలగించండిమీ వివరణతో నా సందేహం తొలగిపోయింది. ధన్యవాదాలు.
మల్లెల వారి మొదటిపూరణంలో
రిప్లయితొలగించండిప్రథమపంక్తి "నిపుడు వినడుగా" నిప్పుడు వినడుగా / నెప్పడు వినడుగా అంటె గణాక్షరలోపము తొలగునా?
మైల వచ్చు జనన మరణ సంభవమున
రిప్లయితొలగించండిబయటి జనుల తాకపాడి గాదు
సంధ్య వార్చ రాద శౌచ శుద్ధి వరకు
శేషశయను పూజ సేయరాదు
మిత్రులు కంది శంకరయ్యగారికి, సుకవి పండిత మిత్రులందఱకును నమస్కారములు.
రిప్లయితొలగించండి(హిరణ్యకశిపుఁడు ప్రహ్లాదునకు మనసా, వాచా, కర్మణా హరినామస్మరణము సేయరాదని యుపదేశించు సందర్భము)
రాక్షసేంద్రుఁ డిట్లు ప్రహ్లాదునకుఁ జెప్పె
"హరి యటంచుఁ బలుక కయ్య యెపుడు;
తలఁపవలదు నీవు దనుజాంతకున్ మదిన్;
శేషశయను పూజ సేయరాదు!"
గురువుగారికి ధన్యవాదములు. సవరించిన పద్యం:
రిప్లయితొలగించండిభక్త ప్రహ్లాదుని పరంగా...
మేలు మేలనుచును మేను మరచి నీవు
శేష శయను పూజ సేయ రాదు
మనకు శత్రువతడు మరచిపొ మ్మనుచును
దానవేంద్రు డనియె తనయుఁ జూచి!
నా పూరణమందలి రెండవపాదము నిట్లు మార్చి చదువుకొనగలరు:
రిప్లయితొలగించండిరాక్షసేంద్రుఁ డిట్లు ప్రహ్లాదునకుఁ జెప్పె,
"పద్మగర్భుఁ డంచుఁ బలుకకుమయ;
తలఁపవలదు నీవు దనుజాంతకున్ మదిన్;
శేషశయను పూజ సేయరాదు!"
శ్రీగురుభ్యోనమ:
రిప్లయితొలగించండిహేమకశ్యపుండు హీనుడై తాపల్కె
శేష శయను పూజ సేయ రాదు,
హరిని దలుపరాదు యనుచు శాసనముల
జేసె మిగుల కఠిన జిత్తుడగుచు
మల్లెలవారి పూరణాల్లోనూ, శ్రీపతిశాస్త్రిగారిపూరణలోనూ ఒక పొరపాటు హిరణ్యకశ్యపుడు అన్నమాట సరైనది అనుకోవటం. నిజానికి హిరణ్యకశిపుడు అనాలి. కశిపశబ్దానికి అన్నవస్త్రశయ్యాదులుగా అర్థం.
రిప్లయితొలగించండిశ్రీ శంకరయ్య గురుదేవులకు ధన్యవాదములు
రిప్లయితొలగించండి==============*================
హరియనుచు బిలచిన కరిని రక్షించిన
శేషశయను పూజ సేయ రాద
నుచును బలుకు వాని,నూతి యందున గప్ప
యనుచు బలుక వలెను ఘనము గాను !
రిప్లయితొలగించండి2.శేషశయను పూజ సేయ రాదనుచును
బలుక వలదు తండ్రి బలుక వలదు
శేషశయను పూజ సేయ భయము లెల్ల
దొలగి పోవు తండ్రి దూరము గను !
యం.ఆర్. చంద్రమౌళి గారూ,
రిప్లయితొలగించండినిజమే.. మల్లెలవారి పూరణలో గణదోషం.. మీ సవరణ బాగున్నది. ధన్యవాదాలు.
*
చంద్రమౌళి సూర్యనారాయణ గారూ,
మీ పూరణ బాగున్నది. అభినందనలు.
*
గుండు మధుసూదన్ గారూ,
మీ పూరణ బాగున్నది. అభినందనలు.
*
శ్రీపతి శాస్త్రి గారూ,
మీ పూరణ బాగున్నది. అభినందనలు.
*
శ్యామలరావు గారూ,
మొన్నమొన్నటి వరకూ ఆ పొరపాటు నేనూ చేశాను. మిత్రులు తమ పూరణలో హిరణ్యకశిపుడు అని వ్రాస్తే నేను హిరణ్యకశ్యపుడు అని రాయాలని సూచించాను. గురుదేవులు నేమాని వారు చెప్పేదాకా నా తప్పు తెలుసుకోలేదు. ధన్యవాదాలు.
*
కందుల వరప్రసాద్ గారూ,
మీ రెండు పూరణలు బాగున్నవి. అభినందనలు.
శ్రీగురుభ్యోనమ:
రిప్లయితొలగించండిశ్రీ శ్యామలీయంగారికి, గురువుగారికి నమస్సులు.
1వ పాదమును "హేమకశిపుడంత హీనుడ దా జెప్పె" అని సవరిస్తున్నాను.
ధన్యవాదములు.
మరిచిపోకు నెపుడు హరినామ తలంపు
రిప్లయితొలగించండిశేషశయను పూజ సేయరా, దు
రితములడగు విష్ణుని తలంచి నంతటన్
మనము నందు భక్తి మసలి యుండు.
namaskaramulu
రిప్లయితొలగించండికం అమ్మాయిలు అబ్బాయిలు
నెమ్మది నేర్వంగ లేరు నేటి దినంబున్,
నమ్మిక అమ్మా యొక్కతి
“ అమ్మా”యని పిలువ గానె యాగ్రహ మందెన్
కొరుప్రోలు రాధాకృష్ణ రావు
namaskaramulu
రిప్లయితొలగించండికం అమ్మాయిలు అబ్బాయిలు
నెమ్మది నేర్వంగ లేరు నేటి దినంబున్,
నమ్మిక అమ్మా యొక్కతి
“ అమ్మా”యని పిలువ గానె యాగ్రహ మందెన్
కొరుప్రోలు రాధాకృష్ణ రావు