7, ఆగస్టు 2014, గురువారం

పద్యరచన - 644

కవిమిత్రులారా,

పై చిత్రాన్ని పరిశీలించి తగిన పద్యము(ల)ను వ్రాయండి.

9 కామెంట్‌లు:

  1. చతురత కలిగిన వారికి
    చతురంగపు యాట నేర్వ చయ్యన వచ్చున్
    మతిమంతుల గుర్తింపుకు
    క్షితిమండలమందు నిదియె చిహ్నము సుమ్మా!

    రిప్లయితొలగించండి
  2. చదరంగమునాడినచో
    మెదడెంతయొ పదునుదేలు మేలే గలుగున్
    వదలక నాడుచు చెక్ నిడి
    వదిలించుము బద్ధకమ్ము బాలల్లారా !


    రిప్లయితొలగించండి
  3. మెదలక నాడుచు నుండిరి
    చదరంగపుటాట నచట చాతుర్యముతో
    మెదడుకు పదునే గల్గును
    కుదురుగనిది నేర్చుకొనిన కువలయమందున్

    రిప్లయితొలగించండి
  4. చంద్రమౌళి సూర్యనారాయణ గారూ,
    మీ పద్యం బాగుంది. అభినందనలు.
    ‘చతురంగపు టాట’ అనండి.
    *
    గోలి హనుమచ్ఛాస్త్రి గారూ,
    మీ పద్యం బాగుంది. అభినందనలు.
    *
    శైలజ గారూ,
    మీ పద్యం బాగుంది. అభినందనలు.

    రిప్లయితొలగించండి
  5. ఎత్తులు వేయుచు నిరువురు
    చిత్తుగ నోడించ వలయు చింతన తోడన్
    జిత్తుల కందక తెలివిగ
    సత్తువ తోనాడుచుండె చదరంగమునన్

    రిప్లయితొలగించండి
  6. ఆలోచనతో సాగుచు
    మేలునుఁ జేయుచు మనలకు మిత్రత్వముతో
    మేలిమి వినోదమొసగెడు
    బాలల ప్రియమైన యాట భారతభూమిన్.

    రిప్లయితొలగించండి
  7. శైలజ గారూ,
    మీ తాజా పద్యం బాగుంది. అభినందనలు.
    *
    లక్ష్మీదేవి గారూ,
    మీ పద్యం బాగుంది. అభినందనలు.

    రిప్లయితొలగించండి
  8. పూర్వ కాలము భారత భూమి నందు
    పుట్టె నీయాట పతులకు మోదమిడగ
    మెదడునకు పదునును పెట్టు మేటి యాట
    విశ్వమంతయు వ్యాపించి వినుతికెక్కె
    నాడుచుండిరి పిల్లలు వేడుకగను

    రిప్లయితొలగించండి
  9. అన్నపరెడ్డి సత్యనారాయణ రెడ్డి గారూ,
    మీ పద్యం బాగుంది. అభినందనలు.

    రిప్లయితొలగించండి