కవిమిత్రులారా,
ఈరోజు పూరించవలసిన సమస్య ఇది...
కవిత లల్లకున్నఁ గలుగు సుఖము.
ఈ సమస్యను పంపిన అన్నపరెడ్డి సత్యనారాయణ రెడ్డి గారికి ధన్యవాదాలు
ఈరోజు పూరించవలసిన సమస్య ఇది...
కవిత లల్లకున్నఁ గలుగు సుఖము.
ఈ సమస్యను పంపిన అన్నపరెడ్డి సత్యనారాయణ రెడ్డి గారికి ధన్యవాదాలు
అర్ధరాత్రి వరకు నల్లుతు కవితల
రిప్లయితొలగించండినిద్రలేక గనుల నీరుగార
కష్టబడుటగన్న కార్యాలయమునందు
కవిత లల్లకున్నఁ గలుగు సుఖము
కంటిపైనగునుకు కరువగు నెటులైన
కవిత లల్లకున్న, గలుగు సుఖము
మంచి దార తోటి మధురపద్యమువ్రాయ
కవనదాహమలవికాదు తీర్చ
చంద్రమౌళి సూర్యనారాయణ గారూ,
రిప్లయితొలగించండిమీ రెండు పూరణలు బాగున్నవి. అభినందనలు.
మొదటి పూరణలో ‘అల్లుచు’ అనండి.
నాగరాజు రవీందర్ గారూ,
రిప్లయితొలగించండిమీ పూరణ బాగున్నది. అభినందనలు.
కలికి గొణుగుచుండె కంఠమ్ము తగ్గించి
రిప్లయితొలగించండికూర తెమ్మనంటి దూరదేమి
కదలరెపుడు జూడ కంప్యూటరే ? పిచ్చి
కవిత లల్లకున్న గలుగు సుఖము.
తిక్కన్న యెవ్వడో తిక్కసన్నాసంచు
రిప్లయితొలగించండినన్నయ్య అవ్వానికన్నయంచు
వెర్రి రాతలవాడు యెర్రన్నయేనంచు
పూతన మామయే పోతనంచు
చంపకమాలన్న జయమాల్ని చెల్లెలో
చూడ కాంచనమాల చుట్టమంచు
తేటగీతి యనిన తెలుయునా మీకంచు
గాజువాకాపిల్ల కాదొ? యనుచు.
తెరను వెలుగు వారు దేవతలేనంచు
దొరల మాట పలుక దొడ్డ లంచు
తెలుగు తెలియదన్న తెలుగువారలమధ్య
కవితలల్లకున్న కలుగు సుఖము
శ్రీగురుభ్యోనమ:
రిప్లయితొలగించండిపదమునొకటి పట్టి పలుమార్లు పలుకుచున్
విసుగు నొందునట్లు వెగటు గలుగ
భావమేమిలేక ఫలితము శూన్యమౌ
కవిత లల్లకున్నఁ గలుగు సుఖము
గోలి హనుమచ్ఛాస్త్రి గారూ,
రిప్లయితొలగించండిమీ పూరణ బాగున్నది. అభినందనలు.
*
శ్రీఆదిభట్ల కామేశ్వర శర్మ గారూ,
మీ సీసపద్య పూరణ చాలా బాగున్నది. అభినందనలు.
*
శ్రీపతి శాస్త్రి గారూ,
మీ పూరణ బాగున్నది. అభినందనలు.
మల్లెల వారి పూరణలు
రిప్లయితొలగించండికవిత లందు కవులు కలిగింప విజ్ఞతన్
కవిత లల్ల గాను కలుగు మేలు
కవిత రెచ్చ గొట్ట కామంబు, క్రోధంబు
కవిత లల్ల కున్న కలుగు సుఖము
భావ, రసము లున్న పావన కైతలే
జగతి దిద్దు నవ్వి సవ్య గతిని
జనుల మనము నందు చపలత పెంచేటి
కవిత లల్ల కున్న కలుగు సుఖము
గుణము లున్న కవిత గొప్పదై వెలుగొందు
దోష యుతమునైన దొసగుఁ గూర్చు
జగతి నెందు, నట్ల సభ్యమౌ భావాల
కవిత లల్ల కున్న కలుగు సుఖము
కవిత రీతులెన్నొ కాంచమే పెక్కుగా
వాని యందు మేలు వరలు చుండ
సేమ మరయ. కీడు సేసెడి భావాల
కవిత లల్ల కున్న కలుగు సుఖము
మల్లెల సోమనాథ శాస్త్రి గారూ,
రిప్లయితొలగించండిమీ నాలుగు పూరణలు బాగున్నవి. అభినందనలు.
రెండవ పూరణలో ‘పెంచేటి’ అని గ్రామ్యాన్ని ప్రయోగించారు. అక్కడ ‘పెంచెడి’ అంటే సరి!
నిద్రపట్టదు కడు నిష్టతో ప్రతిరోజు
రిప్లయితొలగించండికవితలల్లకున్నఁ గలుగు సుఖము
నొజ్జ యిచ్చినట్టి యుత్తమ సలహాలు
స్వీకరించి నపుడు వీక తోడ
వీక: ఉత్సాహము
అన్నపరెడ్డి సత్యనారాయణ రెడ్డి గారూ,
రిప్లయితొలగించండిమీ పూరణ బాగున్నది. అభినందనలు.
ఆర్యా ! ధన్యవాదములు.
రిప్లయితొలగించండినిన్నటి దత్తపదికి నా పూరణ..
శ్రీ రాముని గురించి రావణుని తలంపు...
కనగ దుశ్శాసనుడనౌచు ననికి బంప
కుంభకర్ణుఁడు విలుధాటి గూలినాడు
మనసు యోధనుఁడనియెడు మాట మెదిలె
నాదు యాశకు నిప్పులనతడు బోసె.
కలత పడును మనసు కవులకు ప్రతి రోజు
రిప్లయితొలగించండికవిత లల్లకున్న, కలుగు సుఖము
నాటవిడుపు వేళ నాహ్లాద కరమగు
కవిత లల్లుచున్న కాంక్ష దీరు !
శైలజ గారూ,
రిప్లయితొలగించండిమీ పూరణ బాగున్నది. అభినందనలు.
పనులు మానుకొనుచు పదిలంగ గూర్చుని
రిప్లయితొలగించండికవిత లల్లుచున్న గసురుకొనుచు
నప్పడాలకర్ర నర్ధాంగి బట్టగా
కవిత లల్లకున్న కలుగు సుఖము !
శైలజ గారూ,
రిప్లయితొలగించండిమీ తాజాపూరణ బాగున్నది. అభినందనలు.
పూజ్యులు గురుదెవులు శనరయ్య గారికి వందనములు
రిప్లయితొలగించండిచిన్న సంఘటనల చెన్నుగా పత్రిక
లందు ముఖ్య వార్తలగను జూపి
దొరతనమును,ప్రజల తూటాడు కొనుచును
కవిత లల్ల కున్న కలుగు సుఖము
పూజ్యులు గురుదెవులు శనరయ్య గారికి వందనములు
రిప్లయితొలగించండితెలుగు కవిత నేడు వలుగుజూడదనిన
గ్రాంధిక౦పుబ్రిల్లి మ్ర్యావు మనుట
తండులములు నిండే తరలు జోగీ యనుచు
కవిత లల్లకున్నఁ గలుగు సుఖము
కె.ఈశ్వరప్పగారి పూరణ:
రిప్లయితొలగించండిప్రేమయన్న పదము కామంముగా మార్చి
కామమందు మనిషి కసిని బెంచు
ద్వంద్వ పదములందు వంచన పెంచేటి
కవితలల్లకున్న గలుగు సుఖము
రవీందర్ గారూ .. బాగుంది.
రిప్లయితొలగించండి‘కొత్త కవిత ' యనుచు కోరి " తవిక " జెప్పి
అంటే....(తవిక కూడా జంధ్యాల సినిమా లోదే .. అందువల్ల..)
అవునూ ! మస్టరుగారూ ! వీర తాడులన్నీ కిశోర్జీకి ఇచ్చేశారా ! ఈ మధ్య ఎవరికీ వేయట్లేదు.
అంట రాని రీతి నాలుపిల్లలుఁ జూచి
రిప్లయితొలగించండిమదన పడెడు నన్ను కదప లేక
యవసరమ్ము లందు నడుగఁజాలక నిల్పి
కవితలల్ల కున్న గలుఁగు సుఖము
ఈ కామెంట్‌ను రచయిత తీసివేశారు.
రిప్లయితొలగించండికెంబాయి తిమ్మాజీ రావు గారూ,
రిప్లయితొలగించండిమీ రెండు పూరణలు బాగున్నవి. అభినందనలు.
టైపాట్లు ఉన్నాయి. నన్ను ‘శనరయ్య’ను చేశారు.
*
కె. ఈశ్వరప్ప గారూ,
మీ పూరణ బాగున్నది. అభినందనలు.
*
నాగరాజు రవీందర్ గారూ,
మీ రెండు పూరణలు బాగున్నవి. అభినందనలు.
*
గుండా వేంకట సుబ్బ సహదేవుడు గారూ,
మీ పూరణ బాగున్నది. అభినందనలు.
అందమైన పదములందు నధిక భావ
రిప్లయితొలగించండినిధియు, హితముఁ గూర్ప నేర్వవలెను.
చదువరులకువిసువొసంగెడు విధముగ
కవిత లల్లకున్నఁ గలుగు సుఖము
లక్ష్మీదేవి గారూ,
రిప్లయితొలగించండిమీ పూరణ బాగున్నది. అభినందనలు.
పూజ్యులు గురుదేవులు కంది శంకరయ్య గారికి వందనములు...
రిప్లయితొలగించండికవితలందు భావుకత్వంబు దెలుపక
వెంబ డించుచు విని పించు టేల?
అర్థరహితమైన వ్యర్థ పదాలతో
కవిత లల్లకున్న కలుగు సుఖము!
కుసుమ సుదర్శన్ గారూ,
రిప్లయితొలగించండిమీ పూరణ చాలా బాగుంది. అభినందనలు.
భాష భాస మెరిగి భావంబు పలికింప
రిప్లయితొలగించండికవిత లల్లి నపుడు కలుగు సుఖము
భాష లేక మిగుల వసివాడి పసలేని
కవిత లల్ల కున్న కలుగు సుఖము
కొరుప్రోలు రాధ కృష్ణ రావు
భాష భాస మెరిగి భావంబు పలికింప
రిప్లయితొలగించండికవిత లల్లి నపుడు కలుగు సుఖము
భాష లేక మిగుల వసివాడి పసలేని
కవిత లల్ల కున్న కలుగు సుఖము
కొరుప్రోలు రాధ కృష్ణ రావు
కొరుప్రోలు రాధాకృష్ణ రావు గారూ,
రిప్లయితొలగించండిమీ పూరణ బాగున్నది. అభినందనలు.