నిర్వచన భారత గర్భ రామాయణము - 93

రావిపాటి లక్ష్మినారాయణ

రామాయణము-

గీ.         (తనయుమరణంబునకు లలిగనుఁ బొగిలెఁ ద

నుఁ గడుఁ దేర్పగా స్వజనులునున్), ధృతిజిత

(ఘనబలితజిష్ణుఁ డెవ్వఁడు వనటనుఁ గలి

గించె వానిపై నెద నలిగెన్) మఱియును. (౧౦౮)

భారతము-

కం.       తనయుమరణంబునకు లలి

గనుఁ బొగిలెఁ దను గడుఁ దేర్పగా స్వజనులునున్

ఘనబలితజిష్ణుఁ డెవ్వఁడు

వనటనుఁ గలిగించె వానిపై నెద నలిగెన్. (౧౦౮)

టీక- జితఘనబలితజిష్ణుఁడు = (రా) గెలువబడిన గొప్పబలముగల దేవేంద్రుఁడు గలవాఁడు (ఇంద్రజిత్తు), (భా) జిష్ణుఁడు = అర్జునుఁడు; లలి = ఎక్కువ.