4, జులై 2014, శుక్రవారం

పద్యరచన - 610

కవిమిత్రులారా,
పై చిత్రాన్ని పరిశీలించి తగిన పద్యము(ల)ను వ్రాయండి.

8 కామెంట్‌లు:

  1. పావురములిచట నెగురుచు
    భావుకులకు సంతసమ్ము పంచుచు నింగిన్
    వీవనలగు ఱెక్కలతో
    దేవుని సేవించుచున్న తీరునుఁ గనుమా!

    రిప్లయితొలగించు
  2. ప్లేగు వ్యాధి నణచి ప్రేమతో కుతుబుషా
    జ్ఞాప కముగ కట్టె చార్మినారు
    పావురములు చాల పలుకరించునచట
    చూడ వేడుకగును చోద్య మొప్ప

    రిప్లయితొలగించు
  3. చుట్టు బ్రక్కల పావురాల్జుట్టు దిరుగ
    తీర్ధ యాత్రగ వచ్చిన దెరువ రులిట
    యూసు లాడుచు సరదాగ బాసలాడ
    కోటి యందాల కాంతుల మేటి గాను
    చారు మీనారు గన్బడె జారు తోడ

    రిప్లయితొలగించు
  4. కవిమిత్రులారా,
    గురుదేవులు పండిత నేమాని రామజోగి సన్యాసి రావు గారికి గత కొద్దికాలంగా ఆరోగ్యం ఏమాత్రం బాగులేదని,ఏమీ తినడం లేదు, త్రాగడం లేదని, వారిని అమెరికన్ హాస్పిటల్‍లో చేర్పిస్తున్నామని వారి మనుమడు రాంభట్ల పార్వతీశ్వర శర్మ గారు తెలియజేశారు.
    నేమాని వారు సత్వరమే కోలుకోవాలని, వారికి భగవంతుడు ఆయురారోగ్యాలను ప్రసాదించాలని కోరుకుందాం

    రిప్లయితొలగించు
  5. లక్ష్మీదేవి గారూ,
    మీ పద్యం బాగున్నది. అభినందనలు.
    *
    శైలజ గారూ,
    మీ పద్యం బాగుంది. అభినందనలు.
    *
    సుబ్బారావు గారూ,
    మీ పద్యం బాగున్నది. అభినందనలు.

    రిప్లయితొలగించు
  6. మక్కా మసీదు ముంగిట
    చక్కగ పావురములాడు చప్పుడు వినుమా
    రెక్కల చప్పుడు వినపడు
    ప్రక్కనె గల చార్మినారు పరిసరములలో

    రిప్లయితొలగించు
  7. చంద్రమౌళి సూర్యనారాయణ గారూ,
    మీ పద్యం బాగున్నది. అభినందనలు.

    రిప్లయితొలగించు
  8. పావన మసీదు నందున
    దేవుని గుణములు పికములు దెల్పగ వినుమా!
    భూవని నాల్గు మినార్లట
    దీవెనలంది యిల నిల్చి తేజము నొందన్!

    రిప్లయితొలగించు