19, జులై 2014, శనివారం

సమస్యా పూరణం – 1478 (రావణుఁ డా సీత మగఁడు)

కవిమిత్రులారా,
ఈరోజు పూరించవలసిన సమస్య.....
రావణుఁ డా సీత మగఁడు రక్షించు మిమున్.
(ప్రసిద్ధమైన ఈ సమస్య ఎన్నో అవధానలలో ఇవ్వబడినది. మన బ్లాగులోను ఇచ్చానేమో? గుర్తు లేదు!)

25 కామెంట్‌లు:

  1. రావము జేసెను గావున
    రావణు , డా సీత మగడు రక్షించు మిమున్
    కేవలము దలచి నంతనె
    భావా వేశమును బొంది భక్తుల బ్రోవన్

    రావము రవము చేసెను గనుక రావణుడు

    రిప్లయితొలగించండి
  2. అక్కయ్యా,
    మీ పూరణ బాగున్నది. అభినందనలు.

    రిప్లయితొలగించండి


  3. naa పలుకులలోని మేలు ని దోసి పుచ్చి,
    నీ మేలు కోరి నేను జెప్పు మాటల బ్రక్క
    పెట్టదవె,సీతను రామునికి చేర్చు,భ్రాతా
    రావణుఁ డా, సీత మగఁడు రక్షించు మిమున్ !!

    శుభోదయం
    జిలేబి

    రిప్లయితొలగించండి
  4. జిలేబీ గారూ,
    మీ భావానికి నా పద్యరూపం....

    నా వచనమ్ముల నీతిని
    నీ విటులన్ ద్రోసిపుచ్చ నీతియె? సీతన్
    భూవిభున కందఁజేయుము
    రావణుఁడా! సీత మగఁడు రక్షించు మిమున్.

    రిప్లయితొలగించండి
  5. పావని సీతా మాతను
    కావాలని దెచ్చితీవు కపటము తోడన్
    జావక వేడుము రాముని
    రావణుడా! సీత మగడు రక్షించు మిమున్

    రిప్లయితొలగించండి
  6. భావజపిత వరమునిహిత
    పావనగంగాజనకడు పవనజకుల సం
    భావనమూర్తి వినిర్జిత
    రావణుఁ డాసీత మగఁడు రక్షించు మిమున్

    రిప్లయితొలగించండి
  7. శైలజ గారూ,
    మీ పూరణ బాగున్నది. అభినందనలు.
    *
    యం.ఆర్. చంద్రమౌళి గారూ,
    ‘వినిర్జిత రావణుడు’ అన్న మీ పూరణ బాగున్నది. అభినందనలు.

    రిప్లయితొలగించండి
  8. కోవెలనిడి పూజించెడు
    దేవతఁ గొని లంకఁ జేర్చు ధిక్కారమునన్
    పావన రాముఁడణచఁ జనె
    రావణుఁ డా, సీత మగడు రక్షించు మిమున్

    రిప్లయితొలగించండి
  9. ఆ వనమున నొంటరియౌ
    పావని జానకిని దొంగవలె గొని యాపై
    చేవను జూపక గూలెను
    రావణుఁ,డా సీత మగఁడు రక్షించు మిమున్.

    రిప్లయితొలగించండి
  10. ఈ కామెంట్‌ను రచయిత తీసివేశారు.

    రిప్లయితొలగించండి
  11. మల్లెల వారి పూరణలు

    కావరమందిన యసురుడు
    చేవయు గలవాడునయిన, సీతను పట్టన్,
    జీవము విడె రామునిచే
    రావణు, డాసీత మగడు రక్షించుమిమున్

    చేవగు ధర్మపు బలమున
    రావణునెదిరించెననిని, రాముడు కపులే
    సేవలనందిడ, మడిసెను
    రావణు, డాసీత మగడు రక్షించుమిమున్

    భూవర రాముడు సతికై,
    కావగ ధర్మము, నసురుని, కపులలతోడై
    చేవను జూపగ కూలెను
    రావణు, డాసీత మగడు రక్షించుమిమున్

    రిప్లయితొలగించండి
  12. పూజ్యులు గురుదేవులు
    శంకరయ్య గారికి వందనములు

    ఆ విధి వ్రాతగ రఘువరు
    దేవిని హరియించు కపట తీర్థ కరుడు గా
    వావిరి రణమున జచ్చును
    రావణు డా సీతమగడు రక్షించు మిమున్

    రిప్లయితొలగించండి
  13. సహదేవుడు గారూ,
    మీ పూరణ బాగున్నది. అభినందనలు.
    *
    భాగవతుల కృష్ణారావు గారూ,
    మీ పూరణ బాగున్నది. అభినందనలు.
    *
    మల్లెల సోమనాథ శాస్త్రి గారూ,
    మీ మూడు పూరణలు బాగున్నవి. అభినందనలు.
    *
    కెంబాయి తిమ్మాజీ రావు గారూ,
    మీ పూరణ బాగున్నది. అభినందనలు.

    రిప్లయితొలగించండి
  14. కావరము తోడ సమసెను
    రావణుడా సీతమగడురక్షించు మిమున్
    కైవారముఁ జలిపినచో
    కోవెలలోనను సతతము కోరిక తోడన్

    రిప్లయితొలగించండి
  15. మిత్రులందఱకు నమస్కారములు.

    దేవుఁడని యెఱుఁగకయె యా
    దేవుని యాలినిఁ జెఱఁగొని తిప్పలనిడ నా
    దేవుని చేతనె మడిసెను
    రావణుఁ! డా సీతమగఁడు రక్షించు మిమున్!

    రిప్లయితొలగించండి
  16. శ్రీవైకుంఠనివాసుఁడు
    శ్రీవత్సాంకుఁడు పవిత్ర చిద్రూపుండై
    పావనుఁడై దురమున "జిత
    రావణుఁడా" సీత భర్త రక్షించు మిమున్.

    రిప్లయితొలగించండి
  17. యమపురికిఁ జనెను తా సమ
    రమున నెవరి చేత నోడి రావణుఁ, డా సీ
    త మగఁడు రక్షించు మిమున్
    తమరెల్లరు రామచంద్రు ధ్యానింపంగాన్

    రిప్లయితొలగించండి
  18. అన్నపరెడ్డి సత్యనారాయణ రెడ్డి గారూ,
    మీ పూరణ బాగున్నది. అభినందనలు.
    *
    గుండు మధుసూదన్ గారూ,
    మీ పూరణ బాగున్నది. అభినందనలు.
    *
    సంపత్ కుమార్ శాస్త్రి గారూ,
    మీ పూరణ బాగున్నది. అభినందనలు.
    *
    చంద్రమౌళి సూర్యనారాయణ గారూ,
    సమస్య పాదాన్ని పద్యం మధ్య ఇమిడ్చి చక్కని పూరణ చెప్పారు. అభినందనలు.

    రిప్లయితొలగించండి

  19. చేవను గలిగియు ధర్మపు
    త్రోవను తా దప్పి మడిసె దొంగిలి మగువన్
    నీవే విను రక్కసుడే
    రావణుఁ , డా సీతమగఁడు రక్షించు మిమున్.

    రిప్లయితొలగించండి
  20. గోలి హనుమచ్ఛాస్త్రి గారూ,
    మీ పూరణ బాగుంది. అభినందనలు.

    రిప్లయితొలగించండి
  21. చంద్రమౌళి రామారావు గారి పూరణ :
    ఆ వనచర ఖగ నర భూ
    దేవులు తాపసులు మునులు దేవతలు సదా
    భావమునఁ దలచెడు ద్విష
    ద్రావణుఁ డా సీత మగఁడు రక్షించు మిమున్

    రిప్లయితొలగించండి
  22. చంద్రమౌళి రామారావు గారూ,
    మీ పూరణ బాగున్నది. అభినందనలు.

    రిప్లయితొలగించండి
  23. కావరమున ధర మసలకు
    మీవు, ధరణిజాతఁ దెచ్చుటెల్లయె కతమౌ
    చావులకు; శరణు వేడుము
    రావణుఁ డా సీత మగఁడు రక్షించు మిమున్

    రిప్లయితొలగించండి
  24. లక్ష్మీదేవి గారూ,
    మీ పూరణ బాగున్నది. అభినందనలు.

    రిప్లయితొలగించండి
  25. నావలె వీరుడు లేడని
    లావెక్కిన మదము మీర రాముని చేతన్
    చావగ, బ్రోచెడి వాడిల
    రావణుఁ డా? సీత మగఁడు రక్షించు మిమున్!

    రిప్లయితొలగించండి